Ɲame (Nizɛri)
ta kɔfɛ san 2024, saheli kungo kɔnfederasɔn jamanakuntigiw ka lajɛba filanan
bɛna sigi desanburukalo nata in tile 22 ka se a tile 23 ma Bamakɔ. Nin laseli
in kɛra kunun araba nowanburukalo tile 26 san 2025 Mali kɔkankow ni diɲɛ tɔnbaw
cɛ koɲɛnabɔ minisiri Abudulayi Jɔpu fɛ, a n’a tɔɲɔgɔnw ka lajɛ senfɛ Wagadugu
Saheli kungo
kɔnfederasɔn jamanaw kɔkankow minisiriw b’u ka lajɛ la Wagadugu, kɔnfederasɔn
jamanakuntigiw ka lajɛba 2nnan labɛnni kama. O labɛnni lajɛ in senfɛ, minisiri
Abuduyai Jɔpu ye laseli kɛ. A y’a jira ko kɔnfederasɔn jamanakuntigiw ka lajɛba
2nan bolodalen bɛ ka bila desanburukalo nata in tile 22 an’a tile 23 kan Bamakɔ.
N’i ye i ɲɛ fili ko tɛmɛnnenw kan, Mali kɔkankow ni diɲɛ tɔnbaw cɛ koɲɛnabɔ
minisiri ye foli kɛ jaabi ɲuman sɔrɔlenw na. A ka fɔ la, a tɛ tɛmɛn san kelen
ani tila kan AES kɔnfederasɔn sigilen Ɲame zuluyekalo tile 6 san 2024, ɲɛtaabaw
sɔrɔla. O jaabi ɲumanw sɔrɔla k’a sababu kɛ AES sigibaaw senkan, olu ka yecogo
ye.
Lafasa ani
basigi nasira la, Abudulayi Jɔpu sinsinna kɛrɛnkɛrɛnnenya la lakananbaaw ka
jaabi ɲuman sɔtrɔlenw kan kɛlɛdagaw la, AES kɛlɛboloba taw b’o la kojugubakɛ
kɛlɛli hukumu kɔnɔ. Kɔkanjamana dɔw sendonni n’a ta bɛɛ an ka jamana kɔnɔko la,
ka fara kojugubakɛjɛkuluw senkɔɔmadonbaaw kan Saheli kungo kɔnɔ, an ka lakananbaaw
sera ka u seko jira juguw la a ɲɛma.
Fɛn min ye dipulomasi nasira ye, Abudulayi Jɔpu sinsinna fɛn fɔlɔ min kan, o ye
baara kɛtaw mabɛnni ye ni ɲɔgɔn ye. O de y’a to ni AES sera ka dabali nafamaw
tigɛ hadamadenya, nafoloko ani seko ni dɔnko yiriwali la.
Ka da o
dannaya kan jaabi ɲumanw na, kɔkankow ni diɲɛ tɔnbaw cɛ koɲɛnabɔ minisiri y’a
jira k’o bɛ ɲɛtaa kofɔ politikiko nasira la ani kandili laɲinin dantigɛlenw
waleyaliko la jamanakuntigiw fɛ walasa ka se ka jaabi sɔrɔ sigidalamɔgɔw
haminankow an’u ka laɲininw na.
Dɔkala
Yusufu JARA
Alasani Sisuma
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
