Jamana
marayɔrɔw gɔfɛrɛnɛriw, marayɔrɔw ka cidenw, laadatigiw, jɛkulu minnu tɛ
politikitɔnw ye olu ka cidenw, lasigiden minnu b’an ka jamana kɔnɔ ani kɔnsulaw
mɔgɔw ni tungarankew, nin bɛɛ tun b’a kɛnɛ kan. Baaaraw bɛ kuncɛ sini tarata ni
sɛbɛn foroba dili ye furancɛlafanga jamanakuntigi Zenerali darimɛ Asimi Goyita
ma.
Sariyasɛbɛn
in sariya labanw kɔnɔ, a jiralen bɛ ko sɛbɛn in b’a ɲinin ka na ni bɛn ye, ka
dɔ fara basigi fanga kan, ka dɔ fara sigidalamɔgɔw ka donɲɔgɔnna fanga kan ani
ɲɛnamaya kɛli ɲɔgɔn kan k’o sinsin ni fɔkabɛn ye jamana kɔnɔ. Nin kɔmasegin
sɛbɛn kɔnɔ, a dakun fɔlɔ la, titiri 16, dakun 39 ani sariyasen 106 kofɔlen bɛ
yen. A ka yecogo ye jamana ka yɛrɛya ye, bɛn ni lafiya bɛ min kɔnɔ, jamana
jɔlen kura kɔnɔ, min sigilen bɛ mara kɛkɛcogo ɲuman kan demokarasi kɔnɔ, tilennenya
ani bɛrɛmakɛɲɛ kɔnɔ.
Minisiriɲɛmɔgɔ
kɔrɔ Usumani Isufi Mayiga y’a jira ko nin kɔmaseginni lajɛ in senfɛ, sɛbɛn in
kɔnɔko bɛna lajɛ kokura walasa k’a dɔn ni yɔrɔ dɔw bɛna dafa. A y’a jira fana,
ko jɛkulu min ye poroze sariya in labɛn bɛn ni fɔkabɛn kama jamana kɔnɔ, o ka
baara b’a dakun laban na. N’o ye kɛlenw kuncɛli waleyaw ye. Malidenw bɛ dalajɛ
o de kama ka bɔ jamana kɔnɔ ani ka bɔ a kɔkan. A ɲininnen bɛ cidenw fɛ u ka
dajiraliw kɛ marayɔrɔw la, a kunnafoniw bɛna gansi fasokanw na.
Minisiriɲɛmɔgɔ
Zenerali de diwisɔn Abudulayi Mayiga y’a jira ko an ka kan ka walikajɔ kɛ, min
tɛ kɔtigɛ, ka ɲɛ kura sɛbɛn an ka tariku kɔnɔ ɲɔgɔn fɛ, walasa ka se ka an
yɛrɛw ye bɛn waleya minnu dantigɛ an danbe an’an seko ni dɔnko kɔnɔ, olu kana
segin kɔfɛ, jamana jɔli kura hukumu kɔnɔ ani ka hadamadenya kala.
Dɔkala
Yusufu JARA
Namori
KUYATE
Namory KOUYATE
Sɛbɛn min sɔrɔla fasojama bɛɛ ka san kelen ni tila hakilijakabɔ kɔnɔ, kunun a dira jamanakuntigi Zenerali darimɛ Asimi Goyita ma lajɛ senfɛ, jɛkulu kɛrɛnkɛrɛnnen ɲɛmɔgɔ fɛ, jamana jama fangamaw ani kɔkanmalidenw.
Gɔfɛrɛnaman ni sariya kura in kolabɛjɛkulu ye baaraɲɔgɔnya kɛ kunun minisiriɲɛmɔgɔso la walasa ka se ka yɛlɛma ɲuman don sɛbɛn in kɔnɔko la sanni a ka don furancɛlafanga jamanakuntigi bolo.
Fasa in bɛ wele tubabukan na «kɔnfederali». Dɔnkili ni poyi don, ka Burukina Faso, Mali ani Nizɛri fasojama foroba ni, u sigili danbew ani foroba ŋaniyaw mankutu. Dɔnkili dakun saba ani laminɛko fila don. Sinsinnan don bugunnatigɛli la ani wulikajɔlan bi ani sini bɔnsɔnw ye.
-.
Kojugubakɛlaw ye dan karili min kɛ zandarama kalanyɔrɔ la Falajɛ Bamakɔ tarata tɛmɛnnen, ani pankurunjiginkɛnɛ kan, mɔgɔw b’a la k’u hakiliw di u kan. Politikitɔnw, jɛkuluw ani jɛɲɔgɔnw, u y’u kɔn ani ka Mali senkɔrɔmadon.
