Mali
lakananbaaw (FAMa), nowanburukalo tile 28 tɛmɛnnen in, u ye kojugubakɛlaw bon
k’u dalajɛlen to ɲɔgɔnye la Sunga-Maraka masurunna na Jene mara kɔnɔ.
Baara in
sababu bɔra kunnafoni jɛlen sɔrɔli la, ka se ka kojugubakɛlaw daji u dalajɛlen
bɛnbɛnbɛn sirili la sanni u k’o waleya.
Nin laseli
in kɛra sibiri nowanburukalo tile 29 san
2025 lakananbaaw ka kunnafoniko cakɛda (Dirpa) fɛ.
A bɛ cɛsiriw
kɔnɔ tɛmɛnni na ni kojugubakɛjɛkuluw kɛlɛli ye jamana cɛmancɛ la. Nin
bonni kura min kɛlen filɛ, a bɛ jamana lakananbaaw sannayɛlɛnni sɛmɛntiya ka
taa a fɛ, ka dɔ fara u fanga kan kɔnni ma kow ma k’a sababu kɛ kunnafoni jɛlenw
sɔrɔli ye ani sanfɛkɛlɛ ni dugumakɛlɛ kɛcogow mabɛnni ɲɔgɔn ma.
A bɛ lakananbaaw
ka tigɛnkan fana sɛmɛntiya gɛrɛntɛ sirili la kojugubakɛlaw kan, ni kɔnni ye u
ma sanni u ka tiɲɛni kɛ sigidalamɔgɔw an’u bolofɛnw lakananni kama ani ka taa
ka segin kannabila kɔnɔ, ka jigisigi k’o la.
Mali
lakananbaaw ɲɛmɔgɔso bɛ to cɛsiri la jamana lafasali la, wa u tɛna kɛnɛ fosi to
kojugubakɛlaw ye, n’i yera i bɛ daji.
Dɔkala
Yusufu JARA
Suleyimani
SIDIBE
Dɔkala Yusufu Jara
Page noire.
Sortie de promotion à l'EMIA.
Sport.
Réunion ministres AES.
Fin des fils devant les stations d'essence.
Réunion ministres affaires étrangères à Ouaga.
