An ka nsana dɔ b’a fɔ ko « kɛntulola tɛ mugu to marifa kɔnɔ abada ». A kɛra i n’a fɔ ci tun bɛna a fɔbaa kɔn, kalo labanw na, tajidoni sitɛrininw nani tajifeereyɔrɔ la !
Mɔgɔw jurunintonni taji nɔfɛ o bɛ ɲinin ka nɔgɔya sisan, ka sagon tajiko
gɛlɛya waati ta cogoya kan. Jama tɛ ka tuntun tajifeereyɔrɔw da la bilen,
kɛrɛnkɛrɛnnenya la Bamakɔ faaba komini 3nan tajifeereyɔrɔ dɔw. I bɛ to ka mɔgɔ
damadɔnin minnu jɔlen ye olu tɛ mɛɛn makɔnɔni na bilen, tarata nowanburukalo
tile 25 tɛmɛnnen in, mɔgɔw kumakan kɛlen bɛ ko « a banna ! Bɛɛ wasalen don ni taji sɔrɔli ye hali i tɛ
sanga 20 jɔ a nɔfɛ
.
Ayisa Ture, san 18 ɲɔgɔnna, tun ma se ka da a la. Nisɔndiya ni kabakoya bolo a
halakilen de tora kunnafoni in na, kuma ma sɔrɔ a da. A nana dɔrɔn k’a ka moto fa ka tɛmɛn n’a yɛrɛ
ye ɲɛ tuguli n’a yɛlɛli cɛ. A ka fɔ la, nin bɛ mɔgɔ nisɔndiyako bɔ dɔgɔkun
damadɔ tirigitɔrɔgɔ kɔfɛ taji nɔfɛ walasa i ka se ka taa i makow la. Ni dɔw tun
tɛ ɲinin k’a fatɔminɛ a kabako jugu nisɔndiya bolo.
Fo yɔrɔ jan ! Nisɔndiya tun bɛ kɔlɔsi mɔgɔ bɛɛ ɲɛ kan. Nin kɛra Samɛ Site
arayida la. Kɛrɛnkɛrɛnnenya la jiginjigin jiginnen kɔfɛ ka taa Kati fanfɛ
kuluju la, mɔgɔw tun jurunintonnen tɛ bilen taji nɔfɛ. N’in y’a siɲɛ fɔlɔ ye
lafiya ka don tajiko la nin cogo la kabini tajiko gɛlɛya nɔgɔyara. Cɛ dɔ ka fɔ
la, a dabaliban bɛ mɔgɔ caman na jamana sera ka nin degun furakɛ cogo min na. Ntomikɔrɔbugu,
Bajalan II, III, I, Samɛ, Bolibanna, ani kin wɛrɛw la, bɛɛ lafiyara tajiko la.
Nin sen in na an bɛ se k’a fɔ ko a banna, mɔgɔ si tɛ fo a jigi kɔ tajiko la
tuguni tajifeereyɔrɔw la,
Dɔkala
Yusufu JARA
Umaru JAKITE
Dɔkala Yusufu Jara
Page noire.
Sortie de promotion à l'EMIA.
Sport.
Lutte contre les terroristes.
Réunion ministres AES.
Réunion ministres affaires étrangères à Ouaga.
