Jagokɛla
baɲumankɛ Ɛlihaji Hamɛdi Niyangi fatura kari nowanburukalo tile 30 san 2025
Dakaro Sɛnɛgali faaba la
Diinɛkow
minisiri ye dugawudon kɛ banbaatɔ n’a somɔgɔw la gɔfɛrɛnaman tɔgɔ la a don
kelen na. Mali bɔnɛna silamɛdiinɛ dunge dɔ la, a tun kɛra mɔgɔ dawulamaba ye
Kayi kɔnɔ. A denkɛ Hamani Niyangi kɛrɛ minisiri ye ani diɲɛ basikɛtiko tɔnba
(Fiba) ɲɛmɔgɔ ye ka tɛmɛn.
Cɛkɔrɔba san
bi kɔnɔntɔn ni kɔ in kɛra Kayi mara jago ni izininko soba ɲɛmɔgɔ ye. Ale ni Ala
m’an hinɛna Umaru Sanba Jalo la, u fila tun kɛra jagokɛlaba tɔgɔtigiw ye Kayi
kɔnɔ.
Minisiri
Mahamadu Kɔnɛ y’a jira a ka dugawu kɔnɔ, ko banbaatɔ in y’a ka ɲɛnamaya kɛ
silamɛya sankɔrɔtali waleyaw la, bɛn ani donɲɔgɔnna ɲɛtaa sabatili la.
A ka kɔrɔfɔ kɔnɔ,
a y’a jira ko Mali bɔnɛna mɔgɔba dɔ la. A ka cɛsiri kɔtigɛbali, a ka sabali ani
a ka kɛtakɛ, dan tun t’o la, Ɛlihaji Hamɛdi Niyangi y’a tile kɛ ka taa k’a nɔ
to diinɛ na an’an sigidaw la. Minisiri ye foli lase cɛba in ma a ka waleya ɲumanw
kosɔn sigidalamɔgɔw ka hɛrɛko la ɲɔgɔndɛmɛn ani basigi kɔnɔ.
Dɔkala
Yusufu JARA
Mohamɛdi JAWARA
Dɔkala Yusufu Jara
Sortie de promotion à l'EMIA.
Sport.
Lutte contre les terroristes.
Réunion ministres AES.
Fin des fils devant les stations d'essence.
Réunion ministres affaires étrangères à Ouaga.
