Jamana ka
hakɛw kiiriko ɲɛmɔgɔso (DGCE) ye hakilila falenw don tako 3nan lajɛ kɛ alamisa
nowanburukalo tile 27 Seyisebe (CICB) la soko ani dugukoloko tɛmɛnsiraw kan.
Lajɛ in
ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. Baara
kɛbaa mara ɲɛmɔgɔw ani kiiri tigilamɔgɔ minnu sen bɛ dugukoloko tɔpɔtɔli la,
olu tun b’a kɛnɛ kan.
(DGCE)
ɲɛmɔgɔba Badu Hasɛyi Tarawele y’a jira ko kiirisɛbɛn 314 minnu fɛsɛfɛsɛra
kiirisɛbɛn mumɛ 643 cɛla san 2025 kalo saba fɔlɔ kɔnɔ, o bɛɛ tun ye dugukoloko
kan. A da sera jama hakɛ dantɛmɛn cayali, kɛnɛ hakɛ dɔgɔyali baganmara ni sɛnɛ
na ani kiiri tɛmɛnsiraw ɲɛ misɛnyani ma ka na ni fɔɲɔgɔnkɔw ye.
Minisiriɲɛmɔgɔ
ka kɔrɔfɔ kɔnɔ, a sinsinna dugukolo maracogo ɲuman kan a ɲɛma, bɛnkan kɔnɔ ka
kɛɲɛ ni sariyaw ye, a ye hakililajigin kɛ, ko dugukolo bɛ hadamadenya
donɲɔgɔnna ani jamana basigili cɛmancɛ la. Jɛkabaara min bɛ foroba cakɛdaw cɛ,
a y’o foli kɛ ani ka soko ni dugukoloko taabolo kura nafa kofɔ, bɛn kɛra o min
kan furancɛlafanga jamanakuntigi ka yamaruya kɔnɔ.
Minisiriɲɛmɔgɔ
ye foli ni tanuni lase jamana ka hakɛw kiiriko ɲɛmɔgɔba ma a ka baara kuncɛtɔ
jɔyɔrɔ in na. A y’a ɲinin lajɛkɛlaw fɛ, u ka dɛmɛn don dugukolow tɔpɔtɔcogo
ɲuman na basigi kɔnɔ hadamadenya yiriwali ani bɛn kama.
Dɔkala
Yusufu JARA
Suleyimani
SIDIBE
Dɔkala Yusufu Jara
Page noire.
Sortie de promotion à l'EMIA.
Sport.
Lutte contre les terroristes.
Réunion ministres AES.
Fin des fils devant les stations d'essence.
