Burukina Faso
kunnafoni, seko ni dɔnko ani ɲɛ daamuda minisiri Pingiduwende Zilibɛri Wedarawogo
yera araba nowanburukalo tile 26 san 2025 saheli kungo jamanaw ka kɔnfederasɔn
tɔgɔla arajoso sigili senkan, o bɛnkansɛbɛn bolonɔbilali kɛnɛ kan Burukina
Faso, Mali ani Nizɛri kɔkankow minisiriw cɛma.
Arajoso in tɔgɔ ye Fulakan na « Daandɛ Liputako ». O kɔrɔ ye
Bamanankan na Liputako kunkan. A bɛna kɛ saheli kungo jamanaw kumada ye ka fu
siri kunnafoni kolonw dan na ani kɛlɛ kunnafoni jugu minnu bɛ ta k’an ka
sigiyɔrɔ sɛgɛrɛ n’o ye AES kɛnɛ ye ani kɛrɛnkɛrɛnnenya la ka kunnafoni di
sigidalamɔgɔw ma ani ka tiɲɛ fɔ u ye.
Bɛnkan hukumu kɔnɔ, kɔnfederasɔn arajoso in « Daandɛ Liputako » laɲininw ye : ka
dɔ fara saheli kungo jamanaw ka kunnafoni dicogo fanga kan AES kɔnɔ ka
kunnafoni kolonw bali basigiko ani kunnafoniko la ; ka dɛmɛn don hakiliw
kununni na ani yɛlɛma ɲuman donni mɔgɔw jogow la kɔnfederasɔn kɔnɔ ; ka kɛ
kumaɲɔgɔnya kɛyɔrɔ ye seheli kungo jamanaw ka kɔnfederasɔn bolo. Ani fana, ka
sigikafɔ ani hakilila falenw ɲɛtaa sabati kɔnfederasɔn kɔnɔ.
Wagadugu bɛ kɛ arajoso in dagayɔrɔ ye, k’a bolofaraw turu Bamakɔ ani Ɲame, ka
laseliw kɛ sigidalamɔgɔw ye kɔnfederasɔn kɔnɔ.
Arajoso in kurunbonkarili bilalen bɛ ka saheli kungo jamanakuntigiw ka lajɛba
2nan makɔnɔ ; o min bɛna kɛ desanburukalo tile 22 ani 23 san 2025 Bamakɔ
Mali la.
Dɔkala
Yusufu JARA
Esɔri
sɛbɛnnijɛkulu
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
