Minisiriɲεmɔgɔ Dr
Sogεli Kokala Mayiga y’a jira kunun ɔkutɔburukalo tile 25 san 2023 Bamakɔ
bolofεnjirakεnε in daminεtɔ, ko k’an yεrε ka fεnw dun ani k’u labaara, o ye
k’i bolo don faso nafoloko kɔrɔ k’a sankɔrɔta. Dɔgɔkun sugu Mali kɔnɔ,
o tako 1lɔ yεrε don ; n’a bε wele tubabukan daɲε
surun na (Secoma). Minisiri caman tun bε kεnε kan ; kεrεnkεrεnnenya la,
iziniko ni jagoko minisiri Musa Alasani Jalo ani jamana jɔli
kura minisiri ka ɲεsin gɔfεrεnaman ni fangabulonw cε koɲεnabɔ
ma Ibarahimu Ikasa Mayiga. Maaba caman wεrεw tun bε yen.
Dɔgɔkun
sugu Mali kɔnɔ,
a hakilila bɔra jagoko ni iziniko soba (Ccim) n’a jεɲɔgɔnw
na. A kuntaala ye dɔgɔkun fila ye. A denfaya bε furancεlafanga
jamanakuntigi Kolonεli Asimi Goyita bolo. Dɔgɔkun sugu hakilila bεnna ni ɲɔgɔndεmεn
ani dεnkεrεfε kεlεli kalo dɔgɔkun naaninan ye ; an yεrε ka sɔrɔfεnw
dunni an’u labaarali kalo. O min sigira senkan (Uemoa) fε. A masalakun ye :
« Fεεrε jumεn ka kan ka tigε, walasa an yεrε ka fεnw bε se ka dun ani ka
labaara Uemoa kɔnɔ ? ».
« Secoma »
laɲinin
ye an yεrε ka fεnw ɲεtaa sababili ye, u ka se ka sɔrɔ
bolo kɔrɔ
ani sɔngɔ
duman na u ɲininbaaw
fε, ka makobatigiw fara ɲɔgɔn kan kεnεba kelen kan (dilannikεlaw, dilikεlaw/feerelikεlaw,
baara suguya bεε kεbaaw ani cakεda minnu ɲεsinnen bε jago yiriwali ma) Mali sɔrɔfεnw
kunkan. Bolofεnjirakεnε in hakilila bilalen don segin kεli ma jagoko ni
nafoloko koɲε
bεε ma, walasa ka se k’an ka jamana nafoloko wuli k’a jɔ a sen kan. Lajεba
min kεra Segu nafoloko kan marisikalo tεmεnnen in na, hakilila in miiriya sɔrɔla
o kan.
Bolofεnjirala
400 bε kεnε kan. Febaki de tun bε kε o kεnε in kan fɔlɔ. Mɔgɔ 16.000 bεna se ka taakaseginw kε u ni ɲɔgɔn cε
dɔgɔkun fila in kɔnɔ. Baara
kεta suguya caman bolodalen don ; kεrεnkεrεnnenya la, barosigiw,
hakililajira kεnεw sigili ani lajεw makobaitigiw yεrε dama (B2B) cε. Kɔrɔfɔw
bε boli masalakun minnu kan, olu bε tali kε u baara kεtaw nafako an’u donni ba
la, o musakako la, yεlεma ɲuman donni siratigε la an yεrε ka fεnw na
« Zelecaf » kɔnɔ ;
n’o ye bolofεn falenyɔrɔ ye Afiriki mɔgɔw cε. A bε dabɔ ka dɔ bɔ an siriliba la
kɔkanjamanaw na dunfεnko la.
Kolabεnkulu
ɲεmɔgɔ
ye hakililajigin kε « Secoma » hakilila sɔrɔcogo
la. A y’a jira k’a bɔra Dɔgɔkun Jago la ; n’o tubabukan daɲε
surun ye (Seco) ye. O dun fana hakilila tara san 1999. O sugu tun bε mununmunun
marayɔrɔw
faabaw cε jago minisiriso lahɔrɔma kɔnɔ.
Secoma bε bila nafoloko ɲεtaa hukumu kɔnɔ. Faso
tɔgɔlakoba
don, an ka jamana makobatigiw bε ɲɔgɔn sɔrɔ yɔrɔ min na ka bolofεnjiraw kε, ka feerw kε ani k’u
ka baara kεtaw ɲɔfɔ ɲɔgɔn ye. Mali iziniko ni jagoko soba (Ccim) ɲεmɔgɔ
Maju Sεnpara y’a jira, ko Secoma laɲinin ye an ka jamana sɔrɔfεnw
bayεlεmani ye, k’u bɔli nɔgɔya kɔkan feereli kama. A b’a to a ka dɔn,
ko dɔnniyaw
bε Mali izinitigiw an’a jagokεlaw la.
Uemoa
ka lasigiden min bε Mali kɔnɔ,
n’o ye Mamadu
Musutafa Baro ye, o ye hakililajigin kε, ko kabini san 2019, Uemoa jamanaw
jagow minisiriw y’a ŋaniya, ka ɔkutɔburukalo kε an ka sɔrɔfεnw
ɲεtaa
waleyaw sinsinni ye. Walasa ka se ka Secoma hakilila waleya, Uemoa n’a tɔndenw
ye sugu sigiko 3 kε jamanaw kɔnɔ ani Uemoa kɔnɔ.
A kεra san 2020, 2021 ani
2022. A bεε kεra wasa ye. Kunnafonidiw, lafaamuyaliw ani hakilijakabɔw
kεra u senfε jago yiriwakow kan.
Jamanaw
ka bolofεnjirala 1.200 yera u kεnεw kan. Jamana kelenna tɔgɔlamɔgɔ
tun bε mɔgɔ
50 bɔ san o san. An yεrεw ka sɔrɔfεn kg60.000 jirala,
lajεlikεla ni feerelikεla tun ka ca ni mɔgɔ 20.000 ye. U ye kunnafoni minnu
lase, o nafa sera mɔgɔ ba caman fana ma. O
la, Secoma bε jate Uemoa ani Mali yεrε nafoloko yiriwalan ye.
Jamana
ɲεmɔgɔw
bε cεsiri min na a ko la, minisiriɲεmɔgɔ ye caman fɔ o la ; n’o ye faso nafoloko wulili ye ka
sanfεla sɔrɔ, Maliden bεε ka hεrε kama. Segu Komatεkisi, Kulukɔrɔ
huwikoma, tεrεnbaara wulili ani Mali furafeereyɔrɔba wulili b’o baaraw la. O la, Secoma ye Segu lajε ka laɲinin
kεlenw waleyali ye.
Minisiriɲεmɔgɔ
k’a jigi b’a kan, ko laɲinin minnu mana dajira Secoma senfε, olu bεna sɔn
ka sira ɲuman
wεrεw don gɔfεrεnaman
kɔrɔ
kalo nataw walima san nataw la kεnyεrεye ɲεtaa an’a yiriwaliko la. O la, a b’a ɲinin
mɔgɔ
bεε fε, u k’u jilaja ka se bolofεnjirakεnε in kan, u ka se k’an ka jamana sɔrɔfεnw
dɔn,
ani k’u fεlaw jate minε u donniko la ba la ; ka da a kan bεε n’a niyɔrɔ
don jamana nafoloko sɔrɔ jɔlɔkɔ kɔnɔ.
Dɔgɔkun sugu in damnεni kεnε kan, (Ccim) ɲεmɔgɔba ye Komatεkisi ka fini
dilannen dɔw di minisiriɲεmɔgɔ ma.
Baara kuncεra ni kεnε yaalali ye ka bolofεnw lajε.
Amadu
GEGERE
Dɔkala
Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.