Minisiri Musa Alasani Jalo filɛ kuma na
Lajɛba in masalakun
ye : « Ka nɔgɔyadaw yɛlɛ baarabaw kɛli
kama Aifirki kɔnɔ ». A laseli kɛra araba tɛmɛnnen in « CICB » la izininko ni jago
minisiri fɛ ; kɛnyɛrɛye baara kɛbaa caman tun b’a kɛnɛ kan.
Nin koba in diɲɛ kɔnɔ,
o ye nɔgɔyada kelen pe ye, ka se ka Bamakɔ kɛ Afiriki faaba ye baarabaw kɛli
siratigɛ la ani ka yecogo ɲuman kura di kɛnyɛrɛye ma, minisiri ka fɔ la. Walasa
lajɛba in ka se ka kɛ wasakoba ye, izininko ni jago minisiriso ye kolabɛnkulu dɔ
sigi senkan kabini nowanburukalo tɛnɛnnen in na. O kolabɛnkulu ye baara kɛ kosɛbɛ,
fo ka laɲininw ani baaraw kɛcogo dɔ dantigɛ, min bɛna sira don bi, a tɛmɛnsira
kɔnɔ. Kolabɛnkulu dɔ fana sigira Mali tɔgɔ la zuluyekalo tɛmɛnnen in na.
Fɛn min ye kɛnyɛrɛye
ye, Musa Alasani Jalo y’a jira k’o jɔyɔrɔ ka bon kosɛbɛ porozew labɛnni na. A
ye wele bila nafolotigiw ma minnu bɛ u ka wari don baarabaw dafɛ, u ka poroze
nafamaw dantigɛ karankobaw kan ; i n’a fɔ sɛnɛ ni dunfɛnw bayɛlɛmani, kuranko,
dugujukɔrɔfɛnko, sirako, ɲɛ daamuda, finidilan ani izininko tɔw. A ka fɔcogo
la, « An jigi b’aw kan kolabɛnkulu dɛmɛnni na ni jɛɲɔgɔnyasiraw ye ». Hakilila
falen kɛnɛw sigili kɔfɛ, barosigiw bɛna kɛ masalakunw kan ani ka bolofɛnjiraw
kɛ (OCI) jamana kelenna fɛ, k’a sababu kɛ baarabaw ɲɛtaa cakɛdaw ye. Olu bɛ nɔgɔyadaw
jira. Ɲɔgɔnyew fana bɛna kɛ « B2B » ani « B2G » cɛ, min b’a
to julabaw bɛ se ka hakilila falenw kɛ baara kɛtaw kan.
Mali makobatigiw ka
jɛkuluba (CNPM) ɲɛmɔgɔ Mosadɛki Babi ka fɔ la, nin lajɛba in sɔrɔko la,
ŋaniyaba sirilen don, ka se ka OCI tɔndenw bila cogoya ɲuman na ; i n’a fɔ
baara kɛbaaw diɲɛ ɲɛtaali kan. « Afiriki, kɛrɛnkɛrɛnnenya la nafa bɛ sɔrɔ Mali
la ; nka a mako bɛ lajɛba fana na i n’a fɔ nin n’a ɲɔgɔnnaw, walasa ka se
k’a haminankow bɛ porozew ye, minnu bɛ se ka sɔrɔ lase a ma, ka baaraw di. Ale
bolo, Bamakɔ sugandili jama bisimilali la lajɛba in tako 1lɔ la o ye
dannaya taamsiyɛn ye Mali la, ani a kɛnyɛrɛye la. A ye jigisigi kɛ CNPM ka
wulikajɔ la Mali kɛnyɛrɛyew hakililaw ani poroze nafamaw donni na ba la walasa
ka se ka jɛ ɲɔgɔnyasira kolo gɛlɛn don ni baarabakɛlaw ye ani jilabaw ye,
olu minnu bɛna ye nin kɛnɛ in kan.
Mali jago ni izininko soba (Ccim) ɲɛmɔgɔ Maju Sɛnpara y’a ka nisɔndiya jira lajɛba in tako 1lɔ kɛli la an ka jamana kɔnɔ. A ye wele bila kɛnyɛrɛye baara kɛbaaw ma, u ka wuli k’u jɔ wasa sɔrɔli kama lajɛba in na. K’a jira ko OCI tɔndenjama 57 nafoloko ni wariko minisiriw an’u jako ni izininko minisiriw bɛna ye kɛnɛ in kan.
Dɔkala Yusufu Jara
Ni kumaɲɔgɔnya dɔgɔyara furu kɔnɔ, a bɛ fiɲɛ bila kowkɛcogo ɲuman na furu ɲɔgɔnw cɛ. Sigi gɛlɛyali sababu dɔw bɛse ka kɛ, ɲɔgɔn faamubaliya, yaafabaliya, erezo sosiyowkɔlɔlɔ ani k’i furu ɲɔgɔn jate i n’a fɔ nkunankunan tɛ mɔgɔmin na.
Kunnafoni, numeriki sɔrɔ ni fanga ka baara yɛlɛma kura minisiri ye Mali ka kunnafoni ni lagamuni cakɛda (Amap) ka baara kɛtaw wulili kura ye o ɲɛmɔgɔya kɛ kunun ntɛnɛn ɔkutɔburukalo tile 27 san 2025 Bamakɔ lajɛkɛsoba Seyisebe (CICB) la..
A bɛ tile caman bɔ sa, Mali faaba Bamakɔ tajiko gɛlɛya fanga ka bon yen, o bɛ ka jama dɔgɔya siraw kan k’u tonnen ton tajitayɔrɔw la. Nka o degun n’a ta bɛɛ, mɔgɔw b’a la k’u kologɛlɛya, ka muɲun a ko kɔrɔ, k’a ɲinin ɲɔgɔn fɛ halibi u k’u fanga kɛ kelen ye.
Gɔfɛrɛnaman ye kalanw jɔ fɔlɔ k’a daminɛ ɔkutɔburukalo tile 7 san 2025 jamana fan bɛɛ fɛ ; kalanw wulili kura ye kalo in tile 10 ye..
Ɲɔgɔndɛmɛn ani dɛnkɛrɛ kɛlɛli kalo hukumu kɔnɔ ani musow ka hɛrɛ ɲɛtaa kama, muso, den ni denbaya ɲɛtaa minisiri Madamu Jara Jɛnɛba Sanɔgɔ taara a ɲɛ da Sabalibugu sugu kan sibiri tɛmɛnnen in Bamakɔ faaba komini 5nan na..
Conseil des ministres.
