U kɛlen kɔ ka hakilila
falenw kɛ san 2025 baarakɛnafolo bolodalen kan zanwuyekalo tɛmɛnnen in, Amap
kolatigɛjɛkulu mɔgɔw, kunun u ye san 2024 baarakɛnafolo labaaracogo sɛbɛn
fɛsɛfɛsɛ ka jɛn n’o ye kunnafoni, numreriki sɔrɔ ni fanga ka baara yɛlɛma kura
minisiriso lajɛkɛso kɔnɔ. Laadalatɔnsigi 45nan in ɲɛmɔgɔya tun bɛ minisiri Alihamudu
Agi Iliyɛni bolo, Amap ɲɛmɔgɔba Alasani Suleyimani tun b’a kɛnɛ kan.
Jɛn kɛra ni Amap ka san 2024 baarakɛnafolo min ye sigili 45nan senfɛ, o
sɔrɔ cayara ni sefawari miliyari 2,3 ye, kasɔrɔ san 2023 ta kɛra miliyari 2,2 ye,
o ye tɛmɛn kɛlen y’o kan ni 0,80% ye. Gɔfɛrɛnaman ka dilen ka fara Amap yɛrɛ ta
kan o kɛra baarakɛnafolo in ye. Gɔfɛrɛnaman ka dilen cayra ni miliyɔn 548,4 ye.
O hakɛ in na san 2024 desanburukalo tile 31 y’a sɔrɔ miliyɔn 545,6 labaara. O
bɛnna 99,49% ma a mumɛ na. O waati kelen na, Amap yɛrɛ ka sɔrɔlen tun bɛnna
miliyari 1,2 ma, a jigi tun dalen bɛ miliyari 1,4 min sɔrɔli kan o la, n’o ye 84,58%
ye ka fara juru kaninenw miliyɔn 916,9 ni kɔ kan. O ye 73,05% sɔrɔlen ye juruw
la.
Ka da nin jaabi ɲuman sɔrɔlenw kan, kunnafoni, numeriki sɔrɔ ni fanga ka baara yɛlɛma kura minisiri y’a ɲinin kolatigɛjɛkulu mɔgɔw fɛ, u mana sɛbɛn minnu sɔrɔ u bolo kɔrɔ, u k’u fɛsɛfɛsɛ koɲuman ; min b’a to cakɛda in ka se ka siniɲɛsigikow boloda. A labanna ka foli ni tanuni kɛ Amap la, a ka kunnafonisɛbɛn Esɔri, a ka fasokanw kunnafonisɛbɛnw (Kibaru, Kibare ani Kabaaru) sababu la, ka fara sɛbɛn tɔ minnu bɛ bila ɛntɛrinɛti kan foroba baara kɛlenw ani lakananko la.
Kunnafoni, numeriki sɔrɔ ni fanga ka
baara yɛlɛma kura minisiri ni kolatigɛjɛkulu ɲɛmɔgɔba Alihamudu Agi Iliyɛni
Alihamudu Agi Ilyɛni y’a jira ko jaabi fɔlɔw san duuru baara bolodalen
(2025-2028) bɔlɔw waleyali la, o min dajirala kolatigɛjɛkulu mɔgɔw la
zanwuyekalo tɛmɛnnen in Amap ɲɛmɔgɔba Alasani Suleyimani fɛ, olu kɛra wasa ye. O
bɔlɔ ninnu sɔrɔla cakɛda in baarakɛlaw ka hakilijakabɔ kɔnɔ, n’u ye : baara
kɛta cayali, yɛlɛmani ɛntɛrinɛti kan, ɲɛbilakumaw kɛcogo ɲuman, dɔ farali mara
kɛcogo ɲuman fanga kan ani wariko bilali sira ɲuman kan. Jaabi min sɔrɔla baara
kɛta cayaliko la, o kɛra « magaziniw » ye. O kun fɔlɔ gansira ntɛnɛn
tɛmɛnnen in, san 2025 sɛnɛ kanpaɲi kan.
Baaraw kɔnɔnan na, kolatigɛjɛkulu mɔgɔw ye sɛbɛn minnu fɛsɛfɛsɛ, o kɛra
kolatigɛjɛkulu ka lajɛ tɛmɛnnen seereyasɛbɛn, o laɲininw bɛ dankan min na ani
san 2024 baarakɛnafolo waleyacogo k’a ta zanwuyekalo tile 1lɔ la ka
se desanburukalo tile 31 ma san 2024. U ye san 2024 baarakɛlenw seereyasɛbɛn
fana lajɛ ka fara warikosɛbɛnw kan.
Nin laadalatɔnsigi in sera k’a to u ka se ka san 2024 baarakɛnfolo waleyacogo
faamuya baara kɛtaw la ani laɲininw na, gɛlɛya waati in na jamana kɔnɔ. Amap
ɲɛmɔgɔba Alasani Suleyimani y’a jira ko an bɛ kologɛlɛya kɔnɔ don n’a dugu jɛ,
i n’a fɔ cakɛda tɔw cogoya, olu bɛ k’u kɔgɔ da disidakow la cogo min a, gɛlɛyaw
n’u ta bɛɛ nafoloko la. A ko Amap bɛ k’a jilaja cogo bɛɛ la k’a kun bɔ ji
jukɔrɔ, ka fiyɛ saman.
Fɛn min ye siniɲɛsigikow ye, a ka fɔ la, Amap baara kɛtaw ɲɛmɔgɔso kelenna
ka kan ka ye kɛnɛ kan jaabiw diyɔrɔ la, laɲininw sabtili hukumu kɔnɔ, foroba
fangaw ye minnu dantigɛ. Fɛn min ye Esɔri ye, a y’a faranfasiya ko : «Ni
kolatigɛjɛkulu ka yamaruya ye, kunnafoni minisiri fana ka ɲɛmɔgɔya kɔnɔ, an y’a
ŋaniya ka dɔ fara Esɔri bonya kan k’a kɛ furaɲɛ 24 ye, ka ɲɛ caman kɛ kulɛrima y’o
la. Min b’a to a kalanbaaw bɛ wasa sɔrɔ cogo min na, ani fana, a ka di an
jɛɲɔgɔn minnu ye ka k’u ka kunnafoni sɔɔri esɔri kɔnɔ u ka lakodɔn kosɛbɛ, o
donyɔrɔw ka se ka sɔrɔ».
Fɛn min ye Amap kunnafoni cakɛda yɛrɛ ye, o y’a jira ko cɛsiriba ka kan ka kɛ. Fanga
kura donni a la o ye laɲinin ye, ka fara fasokanw kunnafonisɛbɛnw kan. Fo k’olu
bɔli daminɛ kura ye ;ka da a kan fasokanw forobayara jamana sariyasunba fɛ.
« Erezi pubilisitɛri » n’o ye lagamuni bolofara ye, o fana b’o cogo
la ; yɛlɛma ɲuman ka kan ka don a fana cogoya la.
Dɔkala
Yusufu JARA
Fadi SISE
Fadi CISSE
Mali hiijiden minnu ni tora pankurun kasaara la utikalo tile 11 san 1974 Burukina faso, u bɔtɔ Umura la Arabi sawuditi, u suturala Hamudalayi kaburudo la Bamakɔ faaba komini 4nan na..
Mali kunnafoniko mabɛnni cakɛda n’a bɛ wele tubabukan daɲɛ surun na « Hac », o ye kunnafonidilajɛ kɛ a dagayɔrɔ la kunun ntɛnɛn sɛtanburukalo tile 02 san 2024 kunnafoni tɛmɛniraw kan an ka jamana kɔnɔ. Cakɛda in ɲɛmɔgɔba Gawusu Kulubali ni kunnafonidilaw ye hakilila falenw k.
