Ajatatu Kɔnɔ ye gadonmuso ye Misiran, Bamakɔ faabakomini 2nan na. A ko : Ne ye muso furulen ye n si bɛ san 18 na. Cɛmannin fila ani musomannin kelen bɛ n bolo. Baro tɛ ne ni n furucɛ cɛ, wa baro tɛ a ni n denw fana cɛ. N’a donna du kɔnɔ, i b’a sɔrɔ a dusuma ka go.
Ni ne y’a ɲinin ka n ka gɛlɛyaw ɲɛfɔ a ye, a tɛ n jaabi abada. O de la ne fana bɛ n da den n ka kow kan. O kɛcogo in bɛ ne denmuso Ami tɔɔrɔ ka da a kan o bɛnna ni ne ni n ba ka kumaɲɔgɔnya dɔ ye n furucɛ kan. In si bɛsan mugan ni kɔ la. A y’a jira ko ale n’a fa bɛ nin dabolo juguin kan kabini a ka dɔgɔn. Hali ale ka sɛbɛnw bolonɔbilali fo a ka cu-cu-cu k’a nɔfɛ walasa a ka sɔn k’o kɛ. A ko ni ale ba tuntunɛ du kɔnɔ, olu ka so sigili ka go kɛrɛnkɛrɛnnenya la dɔgɔkunlabanw na.
Nin kumaɲɔgɔnyantan in bɛ furu caman kɔnɔ. A gɛlɛya misɛnnin caman sababu ye, ɲɔgɔn faamubaliya, kɛlɛmisɛnninw, yaafabaliya, erezo sosiyow labaracogo jugu furuɲɔgɔn dɔ fɛ fo k’a yɛrɛ laɲinɛ a furu ɲɔgɔn kɔ. O ko ninnu bɛse ka na ni dusukasi fanga bonyani ye furu ɲɔgɔn dɔ kan. A hakili la ko ɲɛci fosi wɛrɛ tɛ furumuso la ni dilanko tɛ. Sɔkɔna Jakite ko a furucɛ b’a kunfɔ a ba dɔrɔn de ye. Ne tɛ se k’a fɔ k’o man di n ye, nka a ɲuman ye tuma dɔw la i k’ifurumuso jate ko dɔw la.
A b’a ɲinin cɛw fɛ u ka kuma n’u furumusow ye walasa k’u bɔ kunpan na. A ko a bɛ san 2 bɔ, don o don ale bɛ sefawari dɔrɔmɛ kɛmɛduuru (d500) di a furumuso in ma ; kɛmɛ y’a ka fɔrifɛ sɔngɔye, a tɔ kɛmɛ naani ye nasɔngɔ ye. A ko tuma dɔw la a b’alewajibiya ka fɔrifɛ kɛmɛ naanina san a ye walasa a ka se ka dilan sɔrɔ dayɔrɔ la. Alasani Ture ko ale bɛ jigi a buranmusode la, sabula k’o bɛ a denmuso ka nin ko bɛɛ kalama.
A ko n’a ma yɛlɛma, ale bɛna wajibiya k’a furu sa ka muso wɛrɛ furu, min ma kalan, n’a yɛrɛ tɛ se telefɔni ncɛrɛkɛcogo la. Sɔkɔna Jakite ka bɔ Misiran-Bamakɔ, o y’a jira ko kumaɲɔgɔnya t’ale ni a furcɛ cɛ o bɛ san 2 bɔ, k’a sɔrɔ u ka furu b’a san 10 ɲɔgɔnna na. A b’a miiri a furucɛ ka nisɔndiyawani u cɛ gundolakow tɛmɛnnenw na. A ko sisan ale bɛ k’aɲinin k’a dɔn fɛn min y’a yɛlɛma nin cogo la, a tɛ ka se ka kuma sɔrɔ a da halibi.
A ko a b’a la k’ale minɛ cogo min na o b’a tɔɔrɔ kosɛbɛ, hali ale ka denmisɛnninw a mako tɛ a si la. Sɔkɔna ye kɔntabulu ye, a cɛ mako wɛrɛ i tɛ jɔ a la sisan ni dilanko tɛ. Sɔkɔna Jakite furucɛ Idirisa Jawara welelen telefɔni fɛ, a jɔra a la ko kumaɲɔgɔnya tɛ a n’a furumuso cɛ ka da a kan k’oterimuso ka ca kojuggu. Ko ale y’a jira a la a k’a janto a nɔfɛmɔgɔw la, nka a mako t’ale ka laadilikan na. O tuma na fa fana t’ale la k’a kɔnɔnanjɛya a ye a kana o kumaw da lɛfɛ kan a terimusow ɲɛkɔrɔ.
KƐLƐ CAMAN SABABU YE TELEFƆNI YE- Ko in b’a la ka taama denmisɛnninw ka kalanko kan. Luwizi Kamate yesariyakow kalanden ye min ko ale degunnen bɛ kosɛbɛ. Ale bɛlɛrɛ caman kɛ kɛnɛma k’a sɔrɔ a ma na so kɔnɔ. A laban a yɛlɛmana a mɔmuso bara n’o y’a ba ba ye, a faso la degunkosɔn. A ko ale mansaw man telin ka kumaɲɔgɔnya kɛ du kɔnɔ. U tɛ kuma bila ɲɔgɔn na.
A ko ale denmisɛninnama tunbɛ ɲɛbɔ a tɔɲɔgɔnninw fɛ minnu mansaw bɛ kumaɲɔgɔnyawkɛ. Ina ye delege medikali ye, o fana y’a faso bila ka da bɛnbaliyakan. A ko ale mansaw cɛ kumaɲɔgɔnyantanya kosɔn alewajibiyara k’a faso bila ka yɛlɛma a ba ba bara. Halikalanbilaw waati la a tɛ na du kɔnɔ. A ko tuma min na ale y’a ka laada fɔlɔ ye, a terimuso ba de ye ɲɛfɔliw k’a ye.
O don a ba ma sɔn ka kuma a fɛ o la k’o sudon ko ale sɛgɛnnenba don. Ni mansa y’a jɔyɔrɔ bila den fanfɛ, o bɛ ɲɛfɔ cogo di ? Telefɔni « Smartphone » cayalen ye kura fara degun kan, ka kumaɲɔgɔnya dɔgɔya kosɛbɛ furu ɲɔgɔnw cɛ, ka dusukasifana fanga bonya. Ajaratu Sɛni ye sekeretɛri ye cakɛda dɔ la, A ko iPhone 15 b’ale bolo. Nka ale tɛ iphone fɛ ka da a kan alefurucɛ, a b’i n’a fɔ o furumuso de y’a ka « iphone » ye.
A mako b’o dɔrɔn de la. Ɲɛgɛn kɔnɔ, dumunikɛyɔrɔ la, dilankan, a ka telefɔni de b’a bolo tuma bɛɛ la k’o ncɛrɛkɛ. Tiɲɛ na k’o waleya in b’ale tɔɔrɔ kosɛbɛ. K’a fɔ ko telefɔniko yegɛlɛya ye u ka furu kɔnɔ, ale cɛ t’o dɔn fiyewu. O de kosɔn Ajaratu Sɛni ko tuma caman na, ale b’a ta kɛ kɛlɛye a fɛ. San 2023, a y’a cɛ ka telefɔni fara dugu la k’a ci. A ko n’a somɔgɔw ka cɛsiri tun tɛ a cɛ tun tɛna o yaafa ale yefiyewu.
Cɛ ye jagokɛla ye, a tɔgɔ ye Usumani Sɛni. O welelentelefɔni na, a y’a jira ko a muso ye tiɲɛ fɔ. A ko ale b’a ka gundolakow ɲɛnabɔ n’a ka telefɔni ye baara nasira la. Nka ko a b’ale muso ɲɛna ko ale bɛ baro de la ni musomanninw ye. A ko mako wɛrɛ b’ale la min tɛ musofɛbaro gansan ye.
KA FURUNW FƆ ƝƆGƆN KƆ- Alasani Ture ye tajifeerelaye (pɔnpisi). O y’a jira ko ale furumuso bɛ telefɔni kanukojugu. A k’ale y’a furu san 2022 waati la. Sanni kɔɲɔ ka kɛ, se bɛrɛ tun b’ale ye ; nka ale y’a jilaja ka telefɔni kelen san a ye. Nka kabini u bɔra kɔɲɔso la ci wɛrɛ fosi t’a la ni erezososiyow ni TikTok lajɛli tɛ. Yirimajɔ-Kɔdabugu alimami Yaya Sise y’a hakilila fɔ ko in kan. Ale y’a jira ko kumaɲɔgɔnya de ka ɲin furu ɲɔgɔnw cɛ.
Wa ko furucɛ ka kan k’a janto hadamadenya kɛcogo ɲuman na du kɔnɔ, ani kɛrɛnkɛrɛnnenya la a n’a furu ɲɔgɔn cɛ walimafuru ɲɔgɔn tɔw cɛ. Cɛ de ka kan ka kɛ sababu ye ka mɔgɔwfununw fɔ ɲɔgɔn kɔ furu kɔnɔ. A ko Kuraanɛ ye datigɛndalakɔn, o de kosɔn Ala tɛ mɔgɔw fɛ, minnu y’u da tigɛ ɲɔgɔn na. Yaafali ka kan ka kɛ taamasiyɛn ɲuman ye furu ɲɔgɔnw cɛ, hakililatigɛ ka se ka na du kɔnɔ.
TAABOLO LABATOTAW- Idirisa Tarawele ye hakililakowdɔnbaa ŋana ye, o y’a jira ko ka to ka sigi ka hakilila falenwkɛ, o bɛ ka dɔgɔya duw kɔnɔ, ka da a kan mɔgɔw ɲɔgɔn sɔrɔwaatiw tɛ kelen du kɔnɔ, u ka baaraw kɛwaatiw tɛ kelen fana ye, denmisɛnninw bɛ baara minnu kɛ kalan kɛrɛfɛ, o camanfana tɛ kelen ye. Hali n’u bɛ so fana, bɛɛ ɲɛ coronnen bɛ i ka tele la, mɔgɔ si hakili t’a mɔgɔ ɲɔgɔn na.
O kɔlɔlɔ juguba bɛyɛlɛn denmisɛnninw na, olu minnu mako bɛ laadilikanw, nisɔndiya baroninw ani u faw n’u baw kumakanw na u ka basigi, yiriwali ani kodɔn kama. A kɛrɛbɛtɛ ni kumaɲɔgɔnyatigɛra k’a sababu kɛ dɔ ka ɲɛfili ye a ka telefɔni na, fiɲɛ bɛbila mɔgɔya la kuma ɲɔgɔnw cɛ. Modibo Ture ye hadamadenyakow dɔnbaa ŋana ye.
Ale b’aɲinin furu ɲɔgɔnw fɛ u ka bɛn taabolo labatota dɔw kan du kɔnɔ ani ka kɛ misali uman ye telefni labaaracogo la ani fɛn o fɛn bɛ se ka sɔgɔ ɛntɛrinɛti la. A ko hali ni mɔgɔw bɛ se ka bɛna kan ka kɛsu dɔ gangan kogo la du kɔnɔ donda la, ni min donna o k’a ka telefɔni bila o kɔnɔ yen, o ye dannaya dɔ ye.
Kumaɲɔgɔnya jɔyɔrɔ ka bon kosɛbɛ hadamadenya basigili la. Ni kumaɲɔgɔnya tɛ mɔgɔw cɛ, sira bɛ geren a’ ni ɲɔgɔn cɛ, fomɔgɔw ka sigikafɔw kɛ duw kɔnɔ ani furu ɲɔgɔnw cɛ, ka ɲɔgɔn fɛlaw dɔn, ka ɲɔgɔn diyanyekow dɔn, ka fɔɲɔgɔnkɔwdalasa, ka hakilila falenw kɛ sɔrɔ yiriwasiraw kan. Furu kɔnɔfuru ɲɔgɔn man kan k’u kuru u yɛrɛ kan k’u tɛ ɲɔgɔn hakililaɲinin. Sabula n’i mɛɛna ka degun muɲun, i dusu mana i kɛɲɛwaati min na, kubɛncogo ma telin ka sɔrɔ a sitaanɛ na a tumana.
Jɛnɛba BAGAYƆGƆ
Dɔkala Yusufu Jara
Kunnafoni, numeriki sɔrɔ ni fanga ka baara yɛlɛma kura minisiri ye Mali ka kunnafoni ni lagamuni cakɛda (Amap) ka baara kɛtaw wulili kura ye o ɲɛmɔgɔya kɛ kunun ntɛnɛn ɔkutɔburukalo tile 27 san 2025 Bamakɔ lajɛkɛsoba Seyisebe (CICB) la..
A bɛ tile caman bɔ sa, Mali faaba Bamakɔ tajiko gɛlɛya fanga ka bon yen, o bɛ ka jama dɔgɔya siraw kan k’u tonnen ton tajitayɔrɔw la. Nka o degun n’a ta bɛɛ, mɔgɔw b’a la k’u kologɛlɛya, ka muɲun a ko kɔrɔ, k’a ɲinin ɲɔgɔn fɛ halibi u k’u fanga kɛ kelen ye.
Gɔfɛrɛnaman ye kalanw jɔ fɔlɔ k’a daminɛ ɔkutɔburukalo tile 7 san 2025 jamana fan bɛɛ fɛ ; kalanw wulili kura ye kalo in tile 10 ye..
Ɲɔgɔndɛmɛn ani dɛnkɛrɛ kɛlɛli kalo hukumu kɔnɔ ani musow ka hɛrɛ ɲɛtaa kama, muso, den ni denbaya ɲɛtaa minisiri Madamu Jara Jɛnɛba Sanɔgɔ taara a ɲɛ da Sabalibugu sugu kan sibiri tɛmɛnnen in Bamakɔ faaba komini 5nan na..
Conseil des ministres.
Femme de Siby.
