Mali
kerecɛnw ka lajɛba (CEM) ye laseli kɛ nowanburukalo tile 11
san 2025, k’a jira ko hiiji 54nan min tun ka kan ka kɛ ɲinan, k’o bɔra a ma
Kita
Nin laseli in n’a bolonɔbilala Mgr
Jonasi Danbɛlɛ fɛ, Kayi ewɛki ni CEM ɲɛmɔgɔ don,a kɛra ka da sisan kow cogoya
kan an ka jamana kɔnɔ, kɛrɛnkɛrɛnnenya
la taamako gɛlɛyaw ka se hiijikɛyɔrɔ la k’a sababu kɛ tajiko gɛlɛya ye.
CEM ka fɔ la, nin dabali in tara
hakilijakabɔba senfɛ ani diinɛ bonya kɔnɔ, k’a ɲinin ka dannabaaw ka hɛrɛ tagan.
Ewɛkiw ye nin dabali in tigɛ jɔyɔrɔ fali ani dugawu kɔnɔ, ka da gɛrɛntɛ minnu
bɛ se ka kɛ dannabaaw ani kolabɛbɛnnaw kan.
O n’a ta bɛɛ, lajɛba bɛ Mali kerecɛnw
wele u galabu kana kari diinɛko la, nin laadalako in sinsinnen b’o de kan. A bɛ
dusu don jama kelenna kɔnɔ balo ɲɔgɔn kan na, waati fɔlɔ kofɔlen kɔnɔ hiiji
kama, ka dugawu kɛ ani ka Mali Mari saniman kumaɲɔgɔnya, walasa ka se ka sira
da ko jugu ɲɛ bɛn ka sɔrɔ, donɲɔgɔnna ka sabati ani ɲɛtaa an ka jamana kɔnɔ.
CEM y’a ka waleɲumandɔn kɛ Bamakɔ
Arisidiyosɛri ani san 2025 diyosɛzi labɛnbaa la, u ka cɛsiri kɛlenw kosɔn, ani
ka dusu don mɔgɔw kɔnɔ ka tɛmɛn ni hiiji nata labɛnni ye dannaya ani sinsinni
hakilila kɔnɔ. A ye foli di gɔfɛrɛnaman fana ma a ka dɛmɛn na ka ɲɛsin Kita
hiiji labɛnni ma.
Mali Mari saniman ka duga aw ye, ka
don an ka jamana n’a juguw cɛ, walasa Ala ka bɛn lase jamanaden bɛɛ ma, donɲɔgɔnna
ani jigifa kɔnɔ, Mgr Jonasi Danbɛlɛ ka kumakuncɛ la, Mali kerecɛnw ka lajɛba
ɲɛmɔgɔ.
Dɔkala
Yusufu JARA
Makan SISƆKƆ
Dɔkala Yusufu Jara
Sport/football.
Terrorisme à Kita.
Salon des armements.
Tasuma kasaara dɔ kɛra kunun ntɛnɛn nowanburukalo tile 10 san 2025 KAFO JIGINƐW dagayɔrɔ la ACI 2000 kɔnɔ Bamakɔ. Sapɛri-pɔnpiyew ka wuli ka jɔ joona ani baara kɛtaw mabɛnni kosɔn, kasaara in sera ka dalasa a tuma na mɔgɔ si kelen ni ma to a la. An ye kunnafoniw sɔrɔ Bamakɔ mara.
Ni kumaɲɔgɔnya dɔgɔyara furu kɔnɔ, a bɛ fiɲɛ bila kowkɛcogo ɲuman na furu ɲɔgɔnw cɛ. Sigi gɛlɛyali sababu dɔw bɛse ka kɛ, ɲɔgɔn faamubaliya, yaafabaliya, erezo sosiyowkɔlɔlɔ ani k’i furu ɲɔgɔn jate i n’a fɔ nkunankunan tɛ mɔgɔmin na.
Kunnafoni, numeriki sɔrɔ ni fanga ka baara yɛlɛma kura minisiri ye Mali ka kunnafoni ni lagamuni cakɛda (Amap) ka baara kɛtaw wulili kura ye o ɲɛmɔgɔya kɛ kunun ntɛnɛn ɔkutɔburukalo tile 27 san 2025 Bamakɔ lajɛkɛsoba Seyisebe (CICB) la..
