O cakɛda kelen in y’a jira ko tasuma wulili daminɛna mɔbili fila la minnu jɔlen tun don soba in R+3 dukɛnɛ na. Tasuma sɔrɔla ka jaman ka barikonw lasɔrɔ, minnu tun sigilen bɛ mɔbiliw masurunna na, ani kurandi gurupu ani moto caman, ka sin ka bɛɛ ja wuli soba in kɔnɔ an’a dafɛlanw na.
Bamakɔ
marayɔrɔ siwiliw lakananni cakɛda ɲɛmɔgɔ Kolonɛli sapɛri-pɔnpiye Adama D. Jara
n’a baarakɛɲɔgɔnw ye baara kɛ ni ko ɲɛdɔnni ye. U ka fɔ la, magɛnni cakɛda min
bɛ ACI 2000 kɔnɔ yen, o ɲɛmɔgɔya bɛ Liyetenan IB bolo, o de n’a ka cɛdenw kɛra
mɔgɔ fɔlɔ ye k’a su tasuma fagali kan, Bakɔ-Jikɔrɔnin, Darawela ani 1008 Lozeman
taw nana dɛmɛn don u la.
Walasa ka se
ka tasuma in faga a ɲɛma, minɛn suguya caman labaarala, i n’a fɔ, tasuma faga
sitɛrinin naani, ji sitɛrinin kelen, taa ka segin mɔbili fila ani pɔnpiye bi
wolonwula. Tumanin kelen u sera ka tasuma faga fo ka jama dabali ban.
An b’aw
ladɔnniya ko mɔgɔ si kelen ni ma to tasuma kasaara in na, nka sisi kɔni tun
digira mɔgɔ caman ana so in kɔnɔ, minnu bilala pɔnpiyew ka kɛnɛya tigilamɔgɔw
ka bolo kan. Minɛn caman fana tiɲɛna, i n’a fɔ, mɔbili fila minnu jeninna ka
sisi pewu, moto tan ni kelen, barikon tan, ka fara so fan dɔw kan, sɛbɛn nafama
caman ani kɛrɛfɛso kelen yɔrɔ in dukɛnɛ na ; minɛn caman tun b’o kɔnɔ
minnu fana tiɲɛna.
Siwiliw
lakananni ɲɛmɔgɔba Kolonɛli Adama D. Jara y’a sinsin nin kɛnɛ in kan ka cikan
lase sigidalamɔgɔw ma k’u lasɔmi. A b’a ɲinin u fɛ, u kana taji walima
tajimafɛnw lamara sow kɔnɔ walima baarakɛyɔrɔw la, ani u ka ko ɲɛdɔnbaaw bila
ka tasuma kasaaraw kunbɛnni minɛnw sigi u ka yɔrɔw la, ani ka fɛn mɛnɛntaw
lamaracogo ɲuman sariyaw labato. A ye hakililajigin kɛ, k’o waleyaw matarafali
de bɛ sɔn k’an bolofɛnw tagan ani kɛrɛnkɛrɛnnenya la ka nibɔ bali an yɛrɛw ka
tasumaw fɛ.
Dɔkala Yusufu
JARA
Makan SISƆKƆ
Dɔkala Yusufu Jara
Conseil des ministres.
Amélioration de la crise du carburant.
Arbitres.
Année de la Culture.
Page noire.
Sortie de promotion à l'EMIA.
