Nɔgɔ jɔyɔrɔ ka bon sεnεkεla ka sɔrɔ jiidili
la ; kεrεnkεrεnnenya la, farafinnɔgɔ. Wa ni farikololabaara tε, o dilanni
tε se sεnεkεla ka waribɔ la. Farafinnɔgɔ fana ye suguya fila ye : nɔgɔ kologεlεn ani nɔgɔ jima. Fεn min
y’o nɔgɔ jima in ye, an
b’a fε k’o dilancogo ɲεfɔ an balima sεnεkεla tɔw ye.
Mako bε jɔ fεn minnu na nɔgɔ jima dilanni na, olu ye : Bagan
sugunε litiri 10, i b’a fε k’a don foro min kɔnɔ, o bɔgɔ tεgε fa 2, sumanmugu kg2. O bε se ka
kε saɲɔ,
kaba walima malo ye. Namasa walima papayi mɔnnenba kg2, sεbo walima misibo jalan
kg10. Litiri 200 manabarikon kelen, ani ji litiri 190. O ji bε se ka kε kɔji, sanji walima
kɔlɔnji ye ; nka
a tε kε worobinεji walima pɔnpeji ye. Wa n’i bε ji kε o
manabarikon kɔnɔ, i kana a ta ni nεgεpalan ye, fo manapalan. Sayijirinin ni dɔw b’a wele
alimakεkε, o furabulu kg20.
I bε nin fεn kofɔlen tɔw kε sugunεji la k’a lamaga kosεbε. Ka
sɔrɔ k’o yεlεma
manabarikon in kɔnɔ ji la, ka sayijirinin furabulu k’a
la, k’a sεbεkɔrɔ lamaga ni bere
jan ye. Misali la n’i ye bere jan don a la k’a mununmununni daminε ka taa fan
min fε, i n’a fɔ numanyanfan, i t’a segin a kɔ. I bε tεmεn n’a
mununmununni ye ka taa o fan kelen fε kudayi fo k’i tila a lamagali la. Tile kɔnɔ i b’a lamaga siɲε saba : sɔgɔma, tilegan ani
wula. Ka sɔrɔ ka barikon dasiri ni fubɔrε walima finibɔrε ye. Manabɔrε tε kε k’a
dasiri. A dasirilen bε to o cogo la fo a ka dɔgɔkun kelen tile wlonwula dafa. O ye nɔgɔ jima ɲuman sɔrɔlen y’i bolo.
Nɔgɔji sɔrɔlen
labaaracogo
I bε barikonji sεεnε ni lilɔntεmε walima finimugutεmε ye. Nεgεtεmε
tε kε k’a sεεnε. O nɔgɔji sεεnεnen min b’i bolo, o bε kε pɔnpebara kɔnɔ dɔɔnin-dɔɔnin nin
cogo la. I bε nɔgɔji litiri 1,5 k’a kɔnɔ, k’o dafa ni ji
litiri 14,5 ye. O mumε ye litiri 16 ye fiyεli kelen o kelen na.
I bε foro fiyε ka kɔn danni ɲε ni tile 15 ye. Suman dannenw falentɔ, i bε segin k’a
fiyε. U falennen ka dɔgɔkun kelen tile wolonwula dafa, i bε
segin k’a fiyε kokura. O ye foro nɔgɔ donnen ye. Barikon kelen nɔgɔ dilannen bɛ foro taari saba
nɔgɔ don.
Amadu Sogo ka bɔ Timisa, Tomiɲan
mara la
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
