Mali ni Zɔrɔdani bɛ ɲɔgɔn sɔrɔ teriya ntolantan na bi araba Aradɛsi Olɛnpiki Hamadi-Agerebi la Tunizsi. O ntolantan in bɛ KANI 2025 labɛnw kɔnɔ, min bɛna daminɛ desanburukalo tile 21 san 2025 k’a kuncɛ zanwuyekalo tile 18 san 2026 Marɔku. Sɛgɛw ka nin teriya ntolantan in laɲinin ye dɔ farali ye u ka dɔnniyaw kan.
Fama tun
kɛra ntolantanna kɔrɔ dama min ma, o caman bɛna ye kɛnɛ kan. An bɛ se ka minnu
kofɔ, o ye kɔfɛmɔgɔ kinin fɛ Hamari Tarawele (Pari FC, Faransi), ani ɲɛfɛmɔgɔ Ɛli
Bilali Ture (Beşiktaş, Turukiye) ye. Mɔgɔ kura dɔ fana b’a la i n’a fɔ, kɔfɛmɔgɔ
cɛmancɛ la Natan Gasama (FK Balitika Kaliningaradi, irisila).
O n’a ta bɛɛ,
ntolantannba dɔw fana tɛna ye kɛnɛ kan bi : Kɔfɛmɔgɔ Siku Niyakate (SC Baraga,
Pɔritugali), cɛmancɛmɔgɔw Iwu Bisuma (Tottenham, Angiletɛri) ani Kamori Dunbiya
(Sitadi beresituwa), kɛrɛfɛmɔgɔ Nɛnɛ Dɔrizilɛsi (Fenerbahçe, Turukiye) ani
Lasini Sinayɔkɔ (Auxerre, Faransi).
Balontannaw
y’u ka farifoni fɔlɔ kɛ kari tɛmɛnnen in Aradɛsi Olɛnpiki Hamadi-Agerebi la, wa
u y’u yɛrɛ jira kosɛbɛ ɲɛmɔgɔjɛkulu ka laɲininw sabatili la. Sɛgɛw
degelikaramɔgɔ Tɔmu Sɛnfiye ko a jigi sigilen don n’a ka cɛdenw cogoya ye sisan
balontan in nafa ka bon u bolo cogo min na.
A ka fɔ la,
a nisɔndiyalen don n’a ka cɛdenw ye, wa ko u ka kan k’u banba nin balontan in
kan kosɛbɛ. Ko mɔgɔ caman kɔni t’a bolo kɔrɔ, k’o fana ye nɔgɔyada ye mɔggɔ tɔw
bolo k’u jeninyɔrɔ fin kosɛbɛ sebaaya sɔrɔli kama. A da ma dogo Zɔrɔdani fana
cɛdenw cogoya la.
A ko
Zɔrɔdani dɔnnen tɛ kosɛbɛ Mali fɛ, kasɔrɔ balontan jamanaba don Azi gun ŋanaw
cɛla. San 2023, Zɔrɔdani kɛra jɔyɔrɔ filanan ye Azi gun kupu balontanw na (a
gosira Katari fɛ o la 3-1 finali la), O b’a jira ko a ka ɲi ni jamana caman ye.
Ka fara o
kan, ale de kɛra jamana fɔlɔ ye Azi gun kan ka sebaaya sɔrɔ yeliko la
kupudimɔni san 2026 kɛnɛ kan. Nin balontan in Mali ni Zɔrɔdani cɛ, a bɛna kɛ sifilɛli
ye, fo an k’an ɲɛsin a ma cogo bɛɛ la, bɛɛ kelenna k’a seko jira jaabi ɲuman
sɔrɔli kama. Mali ka degelikaramɔgɔ ye Bɛliziki jamanaden ye.
A ko kabini
u ye baara daminɛ, a bɛ ka jigisigi kɔlɔsi n’a ka cɛdenw ye. Balontannaw galabu
ka kɛnɛn wa u sɛbɛ ye Mali wasali ye fadenkɛnɛw kan. U bɛɛ ye denmisɛn biɲɛ
kɛnɛw ye, u bɛ ɲɔgɔn faamu, hali n’i y’a sɔrɔ mɔgɔ kura ka ca u cɛla, nka ko a
hakili la u ɲagamincogo ka ɲi.
Woyo Kulubali
y’a ka nisɔndiya jira u yɛrɛ cogoya la. Ko u hakili sigilen don ka nin balontan
in makɔnɔ, ka da a kan KANI labɛnni don. A k’u bɛna u fasa fili kosɛbɛ i n’a fɔ
u b’o kɛ cogo min na balontan tɔw la.
KANI 2025
senfɛ, Sɛgɛw ni Zanbi, Marɔku ani Komɔri ye ɲɔgɔn sɔrɔ kulu A kɔnɔ
wicɛmudefinali lasɔrɔli kama.
Dɔkala
Yusufu JARA
Abudaramani
DIYOMA
Dɔkala Yusufu Jara
Conseil des ministres.
Amélioration de la crise du carburant.
Arbitres.
Année de la Culture.
Page noire.
Sortie de promotion à l'EMIA.
