KANI 2025 ɲɛbila ntolantan : Sɛgɛw ta kɛra jigilatigɛ ye u yɛrɛ bara

U ka ɲɔgɔnkunbɛn fila tɛmɛnnen na, a kelenna bɛɛ ye sebaaya sɔrɔ ntolantan dɔ la. Nka nin sen in na, sebaa ma sɔrɔ u la ; a kɛra filaninbin ye. U dɛsɛra ɲɔgɔn na 1 ni 1. Mali ka bi donbaa kɛra Iwu Bisuma ye sanga 52nan na, Mozanbiki ta donna kabini sanga 37nan na Zeni Sipiriyano Katamo fɛ.

Nin filaninbin in jaabi bɛ Mali kɛ jɔyɔrɔ sabanan ye u ka kulu I in kɔnɔ ni kuru 1 ye Mozanbiki kɔfɛ. nka o fana ta ye kuru 1 ye. Gine-Bisawo min ye Ɛsitwatini gosi 3 ni 0, o ta ye kuru 3 ani farankan 1 ye. Jɔyɔrɔ naaninan bɛ Ɛsiwatini bolo ; kuru 0 ni dɔbɔ 1.

Tile filanan na, Mali ni Ɛsiwatini bɛ ɲɔgɔn sɔrɔ tarata sɛtanburukalo tile 10 san 2024 Afirikidisidi jamana na. Mozanbiki ni Gine-Bisawo fana bɛ ɲɔgɔn sɔrɔ o don kelen na Maputo, u ka faaba la.

Dɔkala Yusufu JARA

Boubacar THIERO

Tigi ka sεbεnniw

L’espace des contributions est réservé aux abonnés.

Abonnez-vous pour accéder à cet espace d’échange et contribuer à la discussion.