Sanpεrεn jiginna mɔgɔ min ka bagan kan, a n’a somɔgɔw filε baganmara fεεrεlacakεda mɔgɔw cεla
Sanpεrεn ye Amadu Sali ka misi 61 faga Segala pɔnda maurunna na, Kayi sira kan. Nin kasaara in kεra kari tεmεnnen in na nεgε kanɲε 16 ni 17 furancεw la Jɔnbugu-Segala.
Nin don in, midi tεmεnnen kɔ, sanjiba suurula Kayi n’a lamini na. Ala m’an hinεna Segala alimami na, o den ye bagantigi in ye, sanpεrεn jiginna min ka misiw kan. Segala komini lakodɔnnen bε ni sεnε ani baganmara ye kosεbε.
Samiyε fε, tuma dɔw la sanpεrεn bε jigin, ka mɔgɔw an’u bolofεnw kasaara Kayi mara kɔnɔ. Kεɲεba ani Bafulabe fana, tuma dɔw la a bε jigin buguw kan, walima tasuma bε wuli u la. O dama tε, sanjiba fana bε kura kε a la.
Bande Musa Sisɔkɔ
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.