O terikulu in tun nanen bε seko ni dɔnko kalansoba INA dabolo jira minisiriɲεmɔgɔ la. Minisiriɲεmɔgɔ ko INA kunko ye Maliden bεε kunko ye ; n’o ye seko ni dɔnko yiriwali ye an ka jamana kɔnɔ. A y’a jira fana, a ma nɔgɔ tɔ a ka kuma na, ko INA ma feere bi, a ma feere sini ; wa faso cεnw dɔ don. A sɔrɔla ka jisigikumaw fɔ, ko tεmεn bε kε ni kalandenw bilali ye ka taa u ka kalanw kε yen. Bololabaara, seko ni dɔnko, lotoliko ani ɲε daamuda minisiri Andogoli Gindo tun b’a ɲɔgɔnye kεnε kan.
O kɔfε, minisiriɲεmɔgɔ ye ɲɔgɔnye wεrε kε ni Mali kεnyεrεye arajosow n’a telesow ye ; n’o bε wele tubabukan daɲε surun na (Urtel). O cidenw ɲεmɔgɔya tun bε Mamadu Bokumu bolo. Olu fana tun nanen bε u ka gεlεyaw dajira minisiriɲεmɔgɔ la ; i n’a fɔ nafolo min ka kan ka bila u ka bolo kan, ani olu ka kan ka wari minnu sara kunnafoniko mabεnni cakεda (HAC) ye.
Mamadu Bokumu y’a ɲinin minisiriɲεmɔgɔ fε, a ka damakasili k’u tɔgɔ la « HAC » ɲεkɔrɔ, o ka se ka yaafa u ka juru kɔrɔw kɔ. U ko « Mali sariya b’o wariw sarali wajibiya u kan, nka ka da gεlεyaw kan jamana cogoya kama sisan, u bε sabali ɲinin HAC fε fɔlɔ, u ka se ka tεmεn n’u ka baaraw ye jamana dεmεnni na, ka se k’a bɔ dingε kɔnɔ». Mamadu Bokumu sɔrɔla ka (Urtel) biro kura mɔgɔw jira minisiriɲεmɔgɔ la. O biro sigira zuwεnkalo tile 8 san 2023. Mɔgɔ wolonwula don, arajoso 451 tɔgɔ la Mali kɔnɔ.
Bεnbabilen Dunbiya
Dɔkala Yusufu Jara
Sports.
Retour de l'Administration à Kidal.
Sports.
Concours fonction publique.
Vente de carburant.
Vente des produits phytosanitaires.
