Jabi bilenman dali daminεni Mali kɔnɔ, o yera Cadi jamanaden minnu sigilen bε yan. Mali musow fana donna a la olu kɔfε. O uso fɔlɔ minnu donna a la, a tun bε wele « dugu muso gorobonεw ». Sisan, i tε se ka tile bɔ k’a bin, n’i ma jabi bilenman ye muso dɔ senw walima a bolow la. O jabi suguya in bε dilan ni dabilennin ɲagamini ye jabi la.
Jabida kεlen bε hali cε denmisεnnamɔgɔw diyanyekoba ye bi. U caman bε ka jabida kalan da a nafa kan, ani sisan jabida kuntaala surunya kan. Wa a bε ja joona ka tεmεn jabi gansan kan. O de y’a diya musow fana ye, jabida kuntaala jan timinandiya tε minnu na.
Nka jabi bilenman dasara ka gεlεn, a b’a ta sefawari dɔrɔmε ba fila la, ka se ba seegin ma ma, jabidala ŋanaw bara ; i n’a fɔ Sεkinε Daɲogo, n’a bε wele Babusi. Nka a da gεlεya n’a ta bεε, muso gorobonεw bε ɲɔgɔn sen foroki yen. Don o don a bε se ka jabi da mɔgɔ 50 ni kɔ la.
Sεkinε Daɲogo ka fɔ la, muso caman ni dungo kεlen bε jabi bilenan ye ; kεrεnkεrεnnenya la, min ɲagaminen don dabilennin na. O de b’a ɲε bilenya kosεbε. Surakamusow yεrε ma dan sɔrɔ o la Mali kɔnɔ ani Moritani. U b’o fε, ka tεmεn jabi gansan kan.
Kasɔrɔ jabi gansan dalen bε mɔgɔ ɲε minε kosεbε, ka tεmεn ɲagaminen kan. Jabi bilenman in ye Sεkinε yεrε ka labεnnen ye. A y’a jira k’a y’o kε, walasa ka se ka danfara don a ni jabidala tɔw cε. Fatumata Sise ye mus oye, mi bε Sεkinε Daɲogo sirabɔ kosεbε jabida la, a ka jabi bilenman kama. Dɔgɔkun fila o fila, muso in bε jabi da. O ka fɔ la, Daɲogo ka jabi bε dɔ fara muso dawula kan.
Fanta Hayidara fana ye jabi bilenman kanubaa ye. O ka fɔ la, a bε sanga la, o de y’ale nɔrɔ a la. Ni muso y’a da, a b’a senw n’a bolow minε kosεbε, k’a ka sara sankɔrɔta. A bε farikolo labεn. Gansan ma Larabumusow nɔrɔ jabi bilenman na. Olu tε dɔwεrε san n’a tε. Jabi bilenman bε da kunsigi fana na. A b’o magaya k’a kologεlεya, k’a tanga kari-karili ma.
Ŋununŋunun tun bɛ sen na a bɛ tile damadɔ bɔ. Furancɛlafanga gɔfɛrɛnaman y’a sɛmɛntiya alamisa utikalo tile 14 san 2025, ko lakananbaa ani siwili caman minɛna. Zenerali fila bɛ u cɛla, minnu tun b’a fɛ ka jamana fangabulonw dafiri, nka a ko ma se ka sira sɔrɔ ka da gɔfɛrɛnam.
Minisiriw y’u ka laadalatɔnsigi kɛ araba utikalo tile 13 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
Wulikajɔ demokarasiko ani politikitɔn camanko la an ka jamana kɔnɔ, o cɛba dɔ taara i da. Kɔkankow ni diɲɛ tɔnbaw cɛ koɲɛnabɔ minisiri kɔrɔ Cɛbilen Daramɛ fatura kunun utikalo tile 12 Pari, Faransi faaba la k’a si to san 70 la bana kuntaala jan senfɛ. A ka denbaya de ye nin kunn.
Nun donna kunun, furancɛlafanga jamanakuntigi Zenerali darimɛ Asimi Goyita fɛ ; n’o ye faso ka san 2025 fɛɛrɛ tigɛlen ye, k’a ɲinin ka dɛmɛn don dɛsɛbaatɔ miliyɔn 2,3 la baloko la jamana kɔnɔ..
Lamɛnnen kɔ siɲɛ fɔlɔ la juma utikalo tile 1lɔ, minisiriɲɛmɔgɔ kɔrɔ Dr Sogɛli Kokala Mayiga welela kokura k’a lamɛn kunun faso nafoloko an’a wariko kɔlɔsili cakɛda fɛ, ka laban k’a lamara bolo kɔrɔ. Kunnafoni in dira a ka awoka Me Sɛki Umaru Konarɛ fɛ..
Minisiriw y’u ka laadalatɔnsigi kɛ araba utikalo tile 6 san 2025 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Zenerali darimɛ Asimi Goyita bolo..
