Bamakɔ kɔnɔ,
siraw ni bɔlɔnw
taamabaa tε hadamadenw dɔrɔn
ye. Tile bɔ k’a bin, i bε
bagan yarεmabila dama min ye ka yaala, dan t’o la. Faliw b’u kolonkolon
gelengelenw kan, baw ni sagaw bε yaala ka ɲamanminεnw
nɔɔrɔ bɔ, misiw
fana bε mununmunun na fan bεε, gεnbaa t’u kɔ. Bamakɔ
bε nin cogo la. Tuma dɔw
yεrε la, baganw siratigεtɔ
bε ɲagami
bolifεntigiw la. O waatiw de la mɔgɔw
bε bagan yεrεmabilali juguya dɔn.
N’o tε, bεε ɲε
b’u la, nka mɔgɔ
si tε kuma.
Hali wulakɔnɔmɔgɔ
minnu bε baganw ye o yecogo la Bamakɔ
yan, a b’u dabali ban. Fo a dɔw
bε ɲininkali kε,
ko yala bagangεnyɔrɔ
tε Bamakɔkaw de bolo
wa ? Tile kuuru baganw ni mɔgɔw
ferekelen bε ɲɔgɔn
na siraw fε ani bɔlɔnw
kɔnɔ.
Bagan ninnu mako tε mɔgɔ
la. U kuntilennaw ye u ka dumunisɔrɔyɔrɔw
ye. U bε bo ni sugunε k’u tεmεnyɔrɔ
bεε fε.
Kasɔrɔ ɲinan,
cakεda ɲεmɔgɔso
min ɲεsinnen don
jogo ɲumanya ma duguba
kɔnɔ,
n’a tubabukan daɲε
surun ye (Dubope) ye, o ɲεmɔgɔba
Mɔrɔn
Jara ka fɔ la, Bamakɔ
Meriba ye sariya dɔ
ta ka baganw folofololi kɔn.
A sariya ye arεte n° 2023-023 / M – DB. A tara zuwεnkalo tile 07 san 2023.
Bagan folofololen mana minε ka taa a lamara furuyεri kɔnɔ,
ni mɔbili minnu jɔcogo
man ɲi siraw fε, o ɲangiliwariw
dantigεlen a kɔnɔ
a sariyasen fɔlɔ yεrε la. Misi, fali,
so, ɲɔgɔmε,
a kelen o kelen mana minε u bilalen u yεrε ma, sefawari d3 500. Ni u lamarala
furuyεri kɔnɔ,
don o don d540 bε sara a kelen o kelen kunkɔrɔ.
Saga, ba, wulu, kungosogo lamaralenw, lεw
an’a tɔw, d3 000
bε sara u minεnen yaala la. Ni u donna furuyεri kɔnɔ,
don o don d300 bε sara a kelen o kelen kunkɔrɔ. Nin
bεε kɔfε a tigi bε ɲangi
ka kεɲε ni sariyasen
266 kɔnɔko
ye. Sariya n’a ta bεε, bagan folofololen ka ca Bamakɔ kɔnɔ.
An bε don min na, furuyεri tε Bamakɔ
Meriba tɔgɔ
la. Nka a mana bagan folofololen minnu minε, a b’u lamara komini 1lɔ
ni 4nan furuyεriw la. Hali k’o bagan minεnenw cε ka se yenyɔrɔw
la, o bεε y’a damana gεlεya ye bolifεnntanya fε. Mɔgɔkodεsε
yεrε fana bε yen ka baara in matarafa.
Bagan yεrεmabilaw bε siraw minε, ka mɔgɔw
bali ka se u taayɔrɔw
la joona, u bε kε sababu ye ka kasaara lase u ma. Kεnε binkεnεma hakε fana bε
ka dɔgɔya
dugu kɔnɔ o
bagan ninnu fε. Jamana ɲεmɔgɔw
ka kan ka dabali wεrε tigε, min b’a to fu bε se ka siri baganw folofololi dan
na dugubaw kɔnɔ.
Sabua u fana bε yɔrɔw
nɔgɔ,
u bε kasaaraw kε.
Seyibu Sanbiri KAMISƆKƆ
Dɔkala
Yusufu JARA
Dɔkala Yusufu Jara
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
Nin baarabolodalen in laɲinin ye ka Maliden kura dilan, min b’an danbew dɔn, ka fangabulonw bonya, ani baarakεla. Jamana ɲεmɔgɔw bε wulikajɔ la ka Mali kura k’o kuntilenna in waleya, walasa ka se k’o hakilila don fasodenw na ani ka se di u ma ɲεtaa la kannabila ni hɔrɔnya kɔnɔ.