Kupudimɔni
ɲɛbila ntolantanw kuncɛra kari tɛmɛnnen in na Sɛgɛw bolo, hali n’u ye Madagasikari
sɛbɛkɔrɔ gosi u bɔko laban na. O n’a ta bɛɛ, sebaaya in kɛra tɔkajɛ ye an bolo,
ka da a kan Mali ma se ka wasa sɔrɔ, a tɛna se ka taa kupudimɔni nata kɛnɛ kan
San 2026
kupudimɔni ɲɛbila ntolantanw daminɛna kabini san 2024 nowanburukalo kɔnɔ. Nka
Afiriki kulu I ka ɲɛbila ntolantanw kuncɛra kari ɔkutɔburukalo tile 12 san 2025.
Mali tun b’o kulu in kɔnɔ, a y’a ka balontan laban kɛ nka jama ma ye a kɛnɛ
kan ; sabula a tun dɔnnen don kaban, ko Mali bɔra tulon tɔ la a mɛɛnna.
A balontan
in kɛra « 26Mars » farikoloɲɛnajɛkɛnɛ na Bamakɔ, a ye Madagasikari
gosi 4-1. Nka nafa ma ye o sebaaya in na ka da a kan Mali ma se ka wasa sɔrɔ ka
taa kupudimɔni san 2026 janjo kɛnɛ kan.
Hali ni wasa
ma se ka sɔrɔ o la, Mali ka kan k’a fasa de fili kosɛbɛ sa, KANI nata nɔfɛ. O
balontanw bɛna daminɛ desanburukalo nata in kɔnɔ. O bɛna kɛ cogoya ye degelikaramɔgɔ
Tɔmu Sɛnfiye n’a ka cɛdenw bolo ka dannaya ɲinin a ni Malidenw cɛ balontanko la.
Dɔkala
Yusufu JARA
Alasani Sisuma
Dɔkala Yusufu Jara
Rencontre sur l'AES.
Rencontre Primature.
VBG.
Conseil des ministres.
Amélioration de la crise du carburant.
Arbitres.
