Mali sɔrɔdasiw ka kunnafoniso « Dirpa » ye laseli kε, k’a ka nisɔngoya jira Minusima ka janfa la. Minusima balali ka sin ka yɔrɔ bila k’a sɔrɔ sarati min tun dara a ye yɔrɔ bilali la, o tun ma se. A k’o
waleya in bε yεlεma don a taacogo bolodalen tɔ la, ka na ni basigibaliya ni hakiliwuli ye Agelihɔku n’a lamini na.
«Dirpa » ka laseli la, a y’a jira k’a y’a mεn ɔkutɔburukalo tile 23 san 2023, ko
Minusima y’a dagayɔrɔ labila Agelihɔku. A y’o kε
k’a sɔrɔ a m’o dagayɔrɔ in latεmεn Mali sɔrɔdasiw ma, i n’a fɔ o ye wajibi ye
a kan cogo min na, n’a bεna a dagayɔrɔ min labila.
O de y’a to tarata ɔkutɔburukalo tile 24 san 2023, kojugubakεlaw sinna ka taa don Minusima dagayɔrɔ lankolon kɔnɔ n’u yεrε ye ka fεn caman tiɲε yen. Nka Mali sɔrɔdasiw ka kɔlɔsili bolila u kan. Olu ye pankurun wuli ka taa bɔnε jigin u kan yen.
O yɔrɔw koorilamini kɔnɔ, Mali sɔrɔdasiw bε Anefisi ani Tesaliti dagayɔrɔw la. Wa dabali bεε tigεlen don u bolo, ka Minusima dagayɔrɔ laban lasɔrɔ Kidali, n’o labiladon sera.
Abubakari
TARAWELE
Dɔkala Yusufu Jara
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
Denmisɛnw bɛ ka kalan bila ka firi Kɔfilacɛ damanda kan Kangaba sɛrɛkili kɔnɔ kosɛbɛ sisan. Cɛmannin fara musomannin kan, u kɛlen bɛ ka Kɔfilacɛ damandaw fa tewu digɛn senni ani damanbɔgɔw koli kama sanu nɔfɛ. U bɛ firi dugukolo jalan kan i ko fɛn wɛrɛ, k’u jigi dalen to sa.
Kow gɛlɛyara Mali bolo. An tɛ se k’a fɔ fɔcogo wɛrɛ la n’o tɛ, Mali dɛsɛlen kɔ Santarafiriki la 0-0 kunun ntɛnɛn marisikalo tile 24 san 2025, kupudimɔni san 2026 ɲɛbila ntolantanw tile 6nan hukumu kɔnɔ.
Taamasiyɛnnanw jɔra Bamakɔ ani jamana marayɔrɔ caman faabaw la k’a daminɛ san 1992 la, walasa ka hakililajigin kɛ Malidenw ka wulikajɔba la demokarasi nɔfɛ.
Lajɛ in ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. A y’a gɛlɛya cakɛdaw ma, minnu bɛna degedenw sɔrɔ, u ka baaradege sarati fɔ ka gɛlɛya u ye.
Denmisɛnninw (cɛmanw ni musomanw) bɛ nin laadalako in kɛ ni sunkalo ye tile 10 sɔrɔ. Laada min don, hakilimaw ka fɔ la, a bɛ ɲɔgɔndɛmɛn ani ku-ɲɔgɔn-kan hakilila de kofɔ.
