Jamanakuntigi ka pankurun sanni ani lakananbaaw ka minɛnw sanni kiiri tun bɛ sen na Bamakɔ sigili kɛrɛnkɛrɛnnen ɲɛkɔrɔ, seere saba ɲininkanna kunun. N’o ye Kolonɛli-mazɔri Amadu Makan Sidibe, lafasa ni sɔrɔdasi kɔrɔw minisiriso ka wariko ni minɛnko ɲɛmɔgɔba, Kolonɛli Badara Aliyu Jɔpu, taamako ɲɛmɔgɔba lakananbaaw ka minɛnko ni tajiko ɲɛmɔgɔso (DMHTA) la ani Seyidu Dikɔ, ciden wariko kɔlɔsilikɛla cakɛda « Guo-Star » ka bɛnkansɛbɛn sɔrɔli jɛkulu kɛrɛfɛ kow waati la.
Kiiriso ye Kolonɛli-mazɔri
Amadu Makan Sidibe wele minɛnɲininsɛbɛn bolonɔbilali la don jɔnjɔn sɛbɛnnen tun
tɛ min kan, fɛnw kelenna sɔngɔ tun ma dantigɛ a kan sango minɛnw sɔngɔ mumɛ. « E
de ko i sen ma don bɛnkansɛbɛn labɛnni baaraw la lafasa ni sɔrɔdasi kɔrɔw ka
minsiriso ni cakɛda « Guo-Star » cɛ, n’o ye tiɲɛ ye, munna sɛbɛn min
ye farankan ye bɛnkansɛbɛn in na e bolonɔ b’o kan ?», jamana ka hakɛw lafasabaa
(porokirɛri) Kokɛ Kulubali ye nin ɲininkali in k’a la. Kiiriso y’a ɲinin k’a
dɔn fana, munna minɛnɲininsɛbɛn dilanna ka kɔn bɛnkansɛbɛn bolonɔbilali ɲɛ. «Yala
o ka kan wa ?», kiiritigɛlaw sinsinna o kan. Jaabili la, Kolonɛli-mazɔri Amadu
Makan Sidibe y’a jira k’o ye tiɲɛ ye. «O la, munna e ye minɛnɲininsɛbɛn
bolonɔbila o kan ?», Kɔkɛ Kulubali y’o ɲininkali k’a la.
Wariko ni minɛnko ɲɛmɔgɔba kɔrɔ in ko wari sarali yamaruya ditɔ de tun don. A labanna k’a sɛmɛntiya, ko lafasa ni sɔrɔdasi kɔrɔw ka minisiriso sekeretariya min tun bɛ yen a waati la, o de tun ka kan ka minɛnɲininsɛbɛnw bolonɔbila, nka ko tuma dɔw la ale fana tun bɛ sɛbɛnw bolonɔbila don sɛbɛnnen tɛ minnu kan. Amadu Makan Sidibe y’a jira fana, ko minɛnɲininsɛbɛnw ma dilan lakananbaaw ka wariko ni minɛnko ɲɛmɔgɔso (DFM) la ; nka ko u dilanna lafasa ni sɔrɔdasi kɔrɔw ka minisiriso de la, Ala m’an hinɛna Sumeyilu Bubeyi Mayiga la, ale fɛ.
Ɲininkali kɛra fana, n’a y’a sɔrɔ o minɛnɲininsɛbɛnw tun ye kelen ye ? A
ko u tun tɛ kelen ye, nka ko fɛn suguya kelen tun b’u kɔnɔ minnu ni bɛnkansɛbɛn
taw ye kelen ye. Seere in ko ale kɔni m’a faamuya, munna fɛnw kelenna sɔngɔ tun
ma sɛbɛn minɛnɲininsɛbɛn kɔnɔ, kasɔrɔ u tun sɛbɛnnen bɛ bɛnkansɛbɛn kɔnɔ.
Lakananbaaw ka wariko ni minɛnko ɲɛmɔgɔ kɔrɔ in jɔra a la, ko bɛnkansɛbɛn
kɔnɔko waleyali min musaka bɛ se sefawari miliyari 69 ma, k’o tun ka kan ka
tɛmɛn minisirilajɛ fɛ fɔlɔ. Wa ko a tun ma faranfasiya ko bɛnkansɛbɛn in ye
lakananbaaw tɔgɔlata ye. Nka ko minɛn suguya dɔw de tun kofɔlen bɛ a kɔnɔ,
minnu tun ka kan ka to gundo la.
Fɛn min ye Kolonɛli
Badara Aliyu Jɔpu ye, taamakow ɲɛmɔgɔba (DMHTA) la kow waati la, wa ni o cakɛda
in ɲɛmɔgɔba yɛrɛ don sisan, o y’a jira ko ale ka cakɛda ye mɔbili 281 sɔrɔ « Guo-Star »
ka bɛnkansɛbɛn kɔnɔ, 14 ye bilɛnde y’o la. A ye jigisigi kɛ ko an bɛ don min na,
o mɔbili bɛɛ sɔrɔla a ka cakɛda fɛ.
Fɛn min ye ciden wariko kɔlɔsilikɛla in ye bɛnkansɛbɛn sɔrɔli jɛkulu kɛrɛfɛ kow waati la, o y’a jira ko minɛnw sɔrɔli daminɛna utikalo tile 11 san 2014, ka kuncɛ zuluyekalo tile 9 san 2015. A ka fɔ la, minɛn fɛn o fɛn kofɔlen tun don bɛnkansɛbɛn kɔnɔ, o bɛɛ sɔrɔla.
Kiiri senfɛ, laadilibaaw
ka ɲininkaliw bolila sefawari miliyari 29 danfara kan fakitiri-ɲɛbila ni
gɔfɛrɛnaman ka wari saralen cɛ.
U y’a ɲinin fana k’a dɔn, cogo di sugu min musaka ye sefawari miliyri 69 ye ni
bilɛndew sɔrɔli b’o la, o musaka kofɔlen surunyana miliyari 5 la, k’o bɛ se ka
dabɔ dɔwɛrɛ kama ni lakananbaaw tɛ, kasɔrɔ wari tɔ sefawari miliyari 64 ɲɔgɔnna,
o taara finiw, dalanw, mɔgɔdonimɔbiliw, adw dafɛ.
Dɔkala Yusufu JARA
Bembablin DOUMBIA
A kofɔlen don sariyasunba kɔnɔ, ko fangabulon minnu bɛ sigi n’o ye furancɛlafanga jɔsenw ye, olu bɛ tɛmɛn n’u jɔyɔrɔw an’u ka baara kɛtaw ye. Nin latilenni b’a to furancɛlafanga taabolo ka mabɛn ni politiki ni fangabulonw yɛlɛma kura cogoyaw ye jamana kɔnɔ, ani ka sarati d.
Furancɛlafanga sariya kura in kosɔn, Zenerali Asimi Goyita bɛ jamanakuntigiya jɔyɔrɔ fa a ɲɛma san 5 kuntaala, min bɛ se ka mɔɔnɔbɔ siɲɛ hakɛ la n’o b’a kunbɔ fo ka jamana basigi tuma min na. Wa a bɛ se fana k’a kanbɔ jamanakuntigiya nɔfɛ a ka furancɛlafanga bannen kɔfɛ.
Lafasa ni sɔrɔdasi kɔrɔw ka minisiri ye taama kɛ Kidali jumadon, a ma san fila bɔ o dugu in bɔɔsilen kɔ kojugubakɛlaw n’u dɛmɛnbaaw la Mali sɔrɔdasiw fɛ. Zenerali de kɔri darimɛ Sajo Kamara tun taalen bɛ ni furancɛlafanga jamanakuntigi Zenerali darimɛ Asimi Goyita ka bɛn cikan.
Minisiriɲɛmɔgɔ dɛmɛnni minisiri Mamanin Nasire ka ɲɛsin politiki yɛlɛma kuraw ani kalataw tɛmɛnsira senkɔrɔmadonni ma, o y’a jira kunun kunnafonidilajɛ dɔ senfɛ, ko politikitɔnko sariya ni fanga sinamatɔnw ɲɛmɔgɔba jɔyɔrɔ binna, wa ko politikitɔn bɛɛ ani jɛkulu fɛn o.
Kojugubakɛlaw ka binkanni n’a ta bɛɛ sigimajɔyɔrɔw kan Bamakɔ dɔgɔkun tɛmɛnnen in, Mali ka yɛrɛmahɔrɔnya sɔrɔli sanyɛlɛma 64nan laɲɛnamatali seli, n’a bɛ wele sɛtanburukalo tile 22, o wulikajɔw kɛra an ka jamana kɔnɔ..
