Hakililaɲininw hukumu kɔnɔ bɛn ni fɔkabɛn bɛnkansɛbɛn ɲɛbila-poroze kolabɛnkulu ɲɛmɔgɔ Usumani Isufi Mayiga sera jamana sariyasunba lafasabulon mɔgɔw ma tarata sɛtanburukalo tile 24 san 2024 k’u kumaɲɔgɔnya. O kiiritigɛso in ɲɛmɔgɔ ye Amadu Usumani Ture ye. Minisiriɲɛmɔgɔ kɔrɔ in n’a baarakɛɲɔgɔnw tun taalen bɛ laadilikanw ɲinin u fɛ ani n’u b’a fɛ ka dajirali minnu kɛ sariyasɛbɛn dilanta in kan. Jamana jɔli kura minisiri Ibarahimu Ikasa Mayiga ka ɲɛsin gɔfɛrɛnaman ni fangabulonw cɛ koɲɛnabɔ ma, o tun b’a kɛnɛ kan.
Kolabɛnkulu
ɲɛmɔgɔ ka kɔrɔfɔ kɔnɔ, a ye hakililajigin kɛ. A y’a jira ko walasa bɛɛ
sen ka don baara in na ka kɛɲɛ ni jamanakuntigi sariya n°2024-O384/PT-RM
min tara zuwɛnkalo
tile 28 san 2024, o sariyasen 8nan kɔnɔko ye, jamana jama fangamaw, iniwɛrisite mɔgɔw ani mɔgɔbaw hakililaw ɲininna Bamakɔ ani jamana marayɔrɔ tɔ bɛɛ la.
Usumani Isufi Mayiga y’a faranfasiya, k’o hakililaɲininw kun ye ka mɔgɔw fɛla dɔn kow la ani ka dajiraliw sɔrɔ. O siratigɛ la, a y’a seereya ko mɔgɔ caman y’a fɛla jira.
Fɛn min ye kiiriko fanfɛla ye, minisiriɲɛmɔgɔ kɔrɔ ka fɔ la, hakililaɲininw sera k’a to haminanko caman ka da kɛnɛ kan ; kɛrɛnkɛrɛnnenya la kiirisow lasɔrɔli gɛlɛya, kiirisɛbɛnw labɛnni sennasumayani, kiiri tɛmɛnsiraw musakaw cayali, yuruguyurugu, kiiri dɔw tigɛlen bɛnkan talenw waleyali gɛlɛyaw, faso nafolo burujali kɛlɛbaliya ka se a dan na, ereso sosiyow kan kuma juguw. Ani fana, jamana sariyasunba lafasabulon ka kiiri dɔw tigɛcogo kalataw kan. Ninnu ye gɛlɛya caman sun ye kalataw kɔfɛ, minnu bɛ fiɲɛ bila bɛn, basigi, fɔkabɛn, donɲɔgɔnna ani ku-ɲɔgɔn-kan na jamana kɔnɔ.
O siratigɛ la,
kolabɛnkulu ɲɛmɔgɔ y’a ŋaniya ka se sariyasunba
lafasabulon ma hakilila dɔw
sɔrɔli la, u sago don minnu ka don bɛn ni fɔkabɛn sariyasɛbɛn kura dilanta in kɔnɔ ; kɛrɛnkɛrɛnnenya la, hakilila minnu bɛ na
ni jigisigi ye hadamadenya kɔnɔ ani politikiko la, ka fara dajirali wɛrɛw kan u
yɛrɛ b’a dɔn nafa bɛ minnu na bɛn, basigi, fɔkabɛn, donɲɔgɔnna ani ku-ɲɔgɔn-kan
na o sariyasɛbɛn in kɔnɔ
Sariyasunba lafasabulon
ɲɛmɔgɔ ye kuma ta. A fɔlɔla ka baara kɛcogo foli kɛ kolabɛnkulu la,
ka hakililajigin kɛ
fana, ko bɛn ni fɔkabɛn sirilen don ɲɔgɔn na sisan kow la ani sariyako laɲininw na an ka jamana kɔnɔ. Amadu Usumani Ture bolo, bɛn ni fɔkabɛn fila bɛɛ ye hadamadenya jɔsenbaw ye, minnu bɛ mabɛnni don kow cogoyaw la ani k’an
ka hadamadenya yiriwa.
Gɛlɛyaba b’an ka jamana kɔnɔ o ka ca ni san tan ye, fara-faraliw
kɛra, damakɛɲɛbaliyaw bɛ yen. O la, a ɲininnen don an fɛ, an ka hakilijakabɔ kɛ bɛn ɲɛtaa sɔrɔcogo la ani ka fɔkabɛn sabati jamana kɔnɔ, sariyasunba ɲɛmɔgɔ ka fɔ la.
Ɲininkali min kɛra jamana jɔli kura minisiri la marabolo kuraw sigili hukumu kɔnɔ, jaabili la o y’a jira ko gɔfɛrɛnaman sago ye kalataw ka se ka labɛn ka ɲɛ. A ko fo an yɛrɛw ka sɛbɛkɔrɔ labɛn kalataw kama fɔlɔ ; o b’a to n’a don sera an bolokɛɲɛko ka dɔgɔya k’a sababu kɛ fangasigiyɔrɔw kɛli ye ka jamana labɔ, ka fara kalataw kolabɛnkuluw kan. O si dun sabati man di ni basigi tɛ yen, ni fanga ma segin a sigiyɔrɔ kɔrɔw la, ni hadamadenya sabatili bajuw tɛ yɔrɔw la, ani fana, ni mɔgɔ minnu y’u sigiyɔrɔw bila ka yɛlɛma jamana fan wɛrɛw fɛ, walima yɛrɛkunkalifayɔrɔw la jamana wɛrɛw la, n’olu ma segin.
Kumaɲɔgɔnya in kama, ɲininkalisɛbɛn min tun labɛnna bɛn, basigi, fɔkabɛn, donɲɔgɔnna ani ku-ɲɔgɔn-kan masalakun kan, o dira mɔgɔw ma kɛnɛ in kan, min b’a to u bɛ se ka masalakun in faamuya cogo
min na, k’u ka dajiraliw kɛ.
Dɔkala Yusufu JARA
Suleyimani SIDIBE
Souleymane SIDIBE
Ka se ka basigi ani jɛkabaara kuntaala jan sinsin, o de ye kɔrɔ ye, mɔgɔ bɛ se ka min di kɛnɛ in ma kɔrɔfɔw cogoya la Bamakɔ lajɛkɛsoba Seyisebe (CICB) la. A ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. Kɔkanmalidenw nɔrɔli u faso la, a y’o f.
Kɔkanmalidenw ni Afiriki donɲɔgɔnna minisiri y’a lase kunun sufɛ Mali Kura Taasira 3 jɛmukan kɛnɛ kan ORTM na, k’a faranfasiya k’o poroze in bɛ jɛn sɔrɔli sira kan gɔfɛrɛnaman fanfɛ. Mosa Agi Atahɛri y’a jira fana, ko baaraba dɔw bɛ sen na a ka minisiriso in fɛ k’a ɲin.
Nin dɔgɔkun labanw na, binkanni cayara kojugubakɛlaw fɛ jamana yɔrɔ caman na. Nka sɔrɔdasiw ka galabu kɛnɛya sera k’a to a kow masiba kana bonya. U sera fana k’u ɲɛmatunun ɲɔgɔn na, k’u dagayɔrɔw an’u ka kɛlɛminɛn caman tiɲɛ, ka caman sɔrɔ ka faga u la.
Mali sɔrɔdasiw ɲɛmɔgɔso ka kunnafoniko cakɛda « Dirpa » ye laseli kɛ mɛkalo tile 24, k’a jira ko mɛkalo tile 23 san 2025 walaha tile bantɔ, Mali sɔrɔdasiw sera ka jan da bafolo fɛ kojugubakɛlaw jamaba ɲɛ Sofara sɛrɛkili kɔnɔ..
Furancɛlafanga jamanakuntigi Kolonɛli Asimi Goyita yaafara kasoladen 390 ma. O mɔgɔ labilalen ninnu tun bɛ jamana kasobon caman na. Nin kunnafoni in lasera arabadon sɛtanburukalo tile 25 san 2024, kiirikow, hadamadenw ka hakɛw labatoli ani jamana taamasiyɛnw lamarali minisiri Mamudu Kasoge f.
