Nin ŋaniya in tara jamanakuntigi fɛ ni sariya n°2024-0536/PT-RM ye, min tara sɛtanburukalo tile 21 san 2024, ka yaafa kasoladen dɔw ma. A hinɛna suguya in bɛ kɛ jamana ka yɛrɛmahɔrɔnya sɔrɔli sanyɛlɛma laɲɛnamayali hukumu kɔnɔ, ka ɲɛsin kasoladenw ma, minnu ka kiiri tigɛra kaban ani n’a kɔlɔsira k’u bɛ mɔgɔya sira ɲuman kan. Ɲinan ta bɛnna kasoladen 390 ma, yaafa kɛra minnu ma.
Mali kɔnɔ kasobonw ye Bamakɔ kasobonba, Kiɲɛroba ta n’o kasoladenw bɛ sɛnɛ kɛ, Bole ta n’o kasoladenw ye musow ye. Kasobonw bɛ Kayi, Bafulabe, Kita, Tukɔtɔ, Kulukɔrɔ, Kati, Kɔlɔkanin, Kangaba, Dɔyila, Fana, Sikaso, Kajolo, Kucala, Bugunin, Kɔlɔnjɛba, Welesebugu, Segu, Marakala, Bila, Ɲɔnɔn, San, Kinparana, ka fara sɛnɛ kasobon min bɛ Tana, Moti, Koro, Duwazan, Tumutu, Gawo ani Ɲafunke.
Minisiri ka fɔ la, nin kasoladen ninnu labialal ka kɛɲɛ n’u ka kow cogoyaw ye. Yaafa kɛra dɔw ma pewu, nka dɔ bɔra dɔw fana ka kaso kuntaala la. Jamana ka zuluyekalo tile 22 san 2023 sariyasunba sariyasen 65nan ani sariya N°82-117/AN-RM min tara desanburukalo tile 23 san 1982, o sariyasen 2nan bɛ yaafali kɛcogo dantigɛ, ka da kun jɔnjɔnw kan hadamadenyako la. Laɲinin min ye ka dɔ bɔ kasoladen hakɛ la, ani ka yɛlɛma ɲuman don hadamadenya kɛcogo la, o waleya dɔ don.
Minisiri Kasoge ye jigisigi kuma fɔ ; a ko nin dabali in tɛ dan kari mɔgɔ tɔw ka hakɛw la ; a k’a bɛ kɛ ka kɛɲɛ ni sariya kofɔlen sariyasen 3nan kɔnɔko ye ani ka gɔfɛrɛnaman ka cɛsiri jira hadamadenw ka hakɛw lakananni ɲɛtaa ani hadamadenya danbe labatoli la kasobonw kɔnɔ.
Dɔkala Yusufu JARA
Suleyimani SIDIBE
Souleymane SIDIBE
Ka se ka basigi ani jɛkabaara kuntaala jan sinsin, o de ye kɔrɔ ye, mɔgɔ bɛ se ka min di kɛnɛ in ma kɔrɔfɔw cogoya la Bamakɔ lajɛkɛsoba Seyisebe (CICB) la. A ɲɛmɔgɔya tun bɛ minisiriɲɛmɔgɔ Zenerali de diwisɔn Abudulayi Mayiga bolo. Kɔkanmalidenw nɔrɔli u faso la, a y’o f.
Kɔkanmalidenw ni Afiriki donɲɔgɔnna minisiri y’a lase kunun sufɛ Mali Kura Taasira 3 jɛmukan kɛnɛ kan ORTM na, k’a faranfasiya k’o poroze in bɛ jɛn sɔrɔli sira kan gɔfɛrɛnaman fanfɛ. Mosa Agi Atahɛri y’a jira fana, ko baaraba dɔw bɛ sen na a ka minisiriso in fɛ k’a ɲin.
Nin dɔgɔkun labanw na, binkanni cayara kojugubakɛlaw fɛ jamana yɔrɔ caman na. Nka sɔrɔdasiw ka galabu kɛnɛya sera k’a to a kow masiba kana bonya. U sera fana k’u ɲɛmatunun ɲɔgɔn na, k’u dagayɔrɔw an’u ka kɛlɛminɛn caman tiɲɛ, ka caman sɔrɔ ka faga u la.
Mali sɔrɔdasiw ɲɛmɔgɔso ka kunnafoniko cakɛda « Dirpa » ye laseli kɛ mɛkalo tile 24, k’a jira ko mɛkalo tile 23 san 2025 walaha tile bantɔ, Mali sɔrɔdasiw sera ka jan da bafolo fɛ kojugubakɛlaw jamaba ɲɛ Sofara sɛrɛkili kɔnɔ..
Kiiritigɛso in ka kiiri dɔw tigɛcogo ye gɛlɛya caman sun ye kalataw kɛlen kɔ an ka jamana kɔnɔ. O la, a ɲuman ye bɛn ni fɔkabɛn bɛnkansɛbɛn ɲɛbila-poroze labɛnkulu ka se kiiriso ma, min bɛ jamanakuntigisigi ni depitesigi kalataw kiiriw tigɛ. Sabula o mana a bila yɔrɔ min na ki.
