Sɔrɔdasiw
Gine-Bisawo, u ye laseli kɛ araba nowanburukalo tile 26 san 2025 k’u ye jamana
fan bɛɛ minɛ, ka kalata tɛmɛnsiraw lajɔ ani ka jamana dancɛw datugu. Sɔgɔmada
waati la, mugukanw tun ka surun jamanakuntigiso la Bisawo, sɔrɔdasiw tun bɛ ka
o lasɔrɔsira bɛɛ tigɛ.
Kuma bɛ
Gine-Bisawo jamanakuntigi Umaro Sisoko Anbalo min kan, a y’a sɛmɛntiya ko a
minɛna. Ɲɛmɔgɔ caman wɛrɛw minɛna i n’a fɔ sɔrɔdasiw ɲɛmɔgɔba Zenerali Biyage
Na Ntan, o dankan Zenerali Mamadu Ture ani jamana kɔnɔko minisiri Botise Kande.
Sɔrɔdasiw ye
nin waleya in kɛ k’a sɔrɔ sigi kɛlen bɛ ka jamanakuntigi sigili ani depitew
sigili kalata fila kɛlenw karidon, olu jaabiw makɔnɔ, namaraw ani ɲɔgɔn
saman-samanw tun cayalen bɛ sebaayako la u la, ka gɛlɛya don politikiko taabolo
la kosɛbɛ.
Umaro Sisoko
Anbalo, tun bɛ fanga la kabini san 2020 feburuyekalo la, minisiriɲɛmɔgɔ kɔrɔ
don, Sedeyawo ɲɛmɔgɔ kɔrɔ fana don, a bɛ san caman bɔ a bɛ ka gɛlɛya don jamana
dipulomasi taabolo la, ka gɛlɛyaba don fangabulonw cɛ, jamana kɔnɔ, jamana min
sɔrɔdasiw ka fangadafiri ka ca.
Nowanburukalo
tile 26 san 2025, a y’a minɛni laseli kɛ jamanakuntigiso la, biisibaasa ani
politikiko ni basigiko gɛlɛya kɔnɔ.
Dɔkala
Yusufu jARA
Suleyimani SIDIBE
Dɔkala Yusufu Jara
Transports des marchandises.
Fin de crise de carburant.
Sports.
Retour de l'Administration à Kidal.
Sports.
Concours fonction publique.
