Mali
donitalaw ka jɛkuluba (CMC) ɲɛmɔgɔ Kisiman n’a bɛ wele Baa kisiman Sila, a ye
laseli kɛ araba nowanburukalo tile 26 san 2025 ko laɲinin kɛrɛnkɛrɛnnenya dɔw
kɛra ka ɲɛsin Mali jagofɛn balalennw ma Dakaro baton dankan na.
O dabali in
sababu bɔra Mali ni Sɛnɛgali taamakow minisiriw ka lajɛ la nowanburukalo tile 18
ka se a tile 20 ma san 2025.
A
bɛnkansɛbɛn n°002492-PAD-DG min tara nowanburukalo tile 25 san 2025, o b’a jira
ko Dakaro baton dankan bɛ jɛn musaka minnu kan ka sara minɛnw kunkɔrɔ, o kɔ. Minɛn
fɛn o fɛn ka kan ka na Mali kɔnɔ a ɲɛsinnen b’o bɛɛ ma n’u lamarali sarati
dafalen don k’a daminɛ bɛnkansɛbɛn in bolonɔbilali la, ani a kuntaala ye kalo
saba sarati ye walasa u bɛɛ ka se ka Mali lasɔrɔ.
Mali
donitalaw ka jɛkuluba ɲɛmɔgɔ b’a ɲinin julabaw fɛ sanni k’o sarat in dafa, u
k’u jilaja k’u ka minɛnw ladon jamana kɔnɔ. Hali kɔntenɛri minnu jɔli sarati ma
dafa fɔlɔ, a bɛ ɲinin u tigiw fɛ u k’olu fana ladon, min b’a to u ka se ka
tagan ɲangili ma o la. A b’a da julabaw tulon kan fana, ko kalo saba sarati min
dalen filɛ u ye, fɛn tɛna fara o kuntaala kan, o la, a bɛ ɲinin u fɛ u k’u
teliya u ka minɛnw ladonni fɛ.
Dɔkala
Yusufu JARA
Suleyimani
SIDIBE
Dɔkala Yusufu Jara
Conseil des ministres.
Amélioration de la crise du carburant.
Arbitres.
Année de la Culture.
Page noire.
Sortie de promotion à l'EMIA.
