Korofinna bε Bamakɔ komini 1lɔ kɔnɔ. O polisiso ɲεmɔgɔba ye komisεri pεrεnsipali Bakari Culubali ye. A n’a
ka cεdenw y’u tεgε da kojugubakεla naani kan k’u bila o komini kelen in
kiiritigεso ka bolo kan.
Siga kεlen don u la dannayatiɲε, namara ani marafaw marali la kojugubakε kama. O
marifako dara kεnε kan ; sabula polisiw ka sεgεsεgεli y’a jira ko pisitole
fila sɔrɔa u kun. U datugura kaso la fɔlɔ sanni ka se u ka kiiri tigεli ma.
A kɔlɔsira ko nin mɔgɔ naani ninnu sen bε Bamakɔ komini 1lɔ mɔgɔw ka siɲεna na k’u bolofεnw kɔlɔsi, ani k’u yεrεkun tanga u mantɔɔrɔ ma. U tun b’u sago an’u dungɔ kε, hali u tε siga dɔɔnin, ko dɔn bε se ka yεlεma ɲama kɔrɔ don nataw la. Polisiw ka wulikajɔ y’o nsana in sεmεntiya u kan. Yanni ka tεgε k’u la, mɔgɔ caman de tun taara a ka nisɔngoya jira Korofinna polisiso la, k’u sigalen b’u la
kosεbε u tɔɲɔni
na. O de kosɔn polisiw fana wulila k’a ko ɲεɲinin, walasa ka se ka fu siri u ka waleya jugu dan na,
sigidalamɔgɔw ka se ka lafiya sɔrɔ.
U ka wulikajɔ y’a kun ɲε ; tεgε dara u kan lεrε 48 kuntaala kɔnɔ. U ye mɔgɔ kelen minε Korofinna yen, k’a ka so woloma ka bɔ pisitole fila kan : kelen ye tubabuw ka dilan
ye, kelen ye farafinw ka dilannen ye, ani kisε caman. O cε kelen tɔgɔ nɔrɔgɔlen don dannayatiɲεwale wεrε la.
Seereya fosi ma sɔrɔ a bolo marifa ninnu tigiya la. A y’a jira k’u b’ale
bolo dɔrɔn, k’a yεrε lakanan. Wa ko a y’u sɔrɔ a jigilamɔgɔ fila fε. Polisiw y’o mɔgɔ fila ɲinin k’u minε. Olu fana y’a jira k’u y’u san
lakananbaa dɔ bolo. U ɲininkalen k’u ka marifa ninnu sannisεbεn jira, o ma sɔrɔ yen. Marifaw kɔni sɔrɔla u ye lakananbaa min kofɔ, o fana ɲininna k’o minε . U mɔgɔ naani ye ɲɔgɔn sɔrɔ kaso la nin cogo de la.
Kabini o kεra, Korofinna polisiso y’u ka koɲε don kiiritigεso bolo, ka sɔrɔ k’a ɲinin sigidalamɔgɔw fε, u k’u janto u yεrε la kosεbε. N’u ye ko ɲεbali fεn o fεn kɔlɔsi, u ka lakananbaaw bɔ o kalama. O de b’a to wulikajɔw bε se ka kε a ɲεma a tuma na, ka mɔgɔ juguw bɔ an senkɔrɔ.
Cεjε DUNBIYA
Dɔkala Yusufu JARA
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.
