Taasiblakɛnɛ sigira u tɔgɔ la alamisa Modibo Keyita tɔgɔ la hakililajiginyɔrɔ la, « Ɛrɛ-Mali baarakɛla kɔrɔw ani banbaatɔ ninnu somɔgɔw fɛ. Kow denfaya tun bɛ ƐrƐ-Mali ɲɛmɔgɔba kɔrɔ Mamadu Hasimi Kumarɛ bolo. Taamakow ni sirakow minisiri Madamu Danbɛlɛ Madina Sisɔkɔ ka fara alimami caman kan, olu tun b’a kɛnɛ kan.
Pankurunko kasaara in
kɔfɛ, su ninnu tun donna Takin kaburudo la Wagadugu. U sukɛsuw labɔra ka Mali
darapo da u kan k’u jira jama na. Nin yɔrɔ kɛra hinɛ ni makari dan bɛɛ ye. Mɔgɔ
bɛ mɔgɔ la, olu ma se u ɲɛji la fiyewu. Kuraanɛkalan kɔfɛ, sanga kelen
taasibila kɛra ka ɲɛsin banbaatɔw ma.
Mamadu Hasimi Kumarɛ ka
fɔ la, an ka kɛta ye nin ye ; ani a tun kɛra wajibi ye an ma ka taasibila
kɛ ka ɲɛsin banbaatɔw ma, ka segin ni seyusu ninnu ye Bamakɔ u somɔgɔw bara. Banbaatɔw
somɔgɔw ka kumalasela Usumani Salifu Keyita ye foli ni tanuni lase
furancɛlafanga ɲɛmɔgɔw, ani balimaw ni teriw ma, minnu y’u cɛsiri walasa ka nin
waleya in sabati. A ye ɲɛfɔli kɛ, k’a jira ko banbaatɔ ninnu danbe seginna u
ma, k’u kɔmɔgɔw dusu saalo.
Furancɛlafanga ɲɛmɔgɔw tɔgɔ la, taamakow ni sirakow minisiri ye dugawudon kɛ banbaatɔw somɔgɔw ye. Dugawudonw bannen kɔ, su wolonwula ninnu n’o ye Abudulayi Makan Konate (arajo kotigi), Birama Jara (pankurun dilanna), Adama Konate (pankurun bolila), Moriba Dunbiya (pankurun bolila filanan), Amadu Salifu Keyita (Ɛrɛ-Mali ka lasigiden Ɲame), Umaru Si (jagoko kotigi) ani Seyidu Kuyate (jagoko kotigi), u suturala Hamudalayi kaburudo la.
Dɔkala Yusufu JARA et
Fadi CISSE
Jɛn kɛra ni Mali ka kunnafoni ni lagamuni cakɛda ka san 2024 baarakɛnafolo labaaracogo ye a ka laadalatɔnsigi 45nan senfɛ. Sɔrɔ cayara ni sefawari miliyari 2,3 ye ; kasɔrɔ san 2023 ta sɔrɔ kɛra miliyari 2,2 ye, o ye tɛmɛn kɛlen ye o kan ni 0,80% ye.
Mali kunnafoniko mabɛnni cakɛda n’a bɛ wele tubabukan daɲɛ surun na « Hac », o ye kunnafonidilajɛ kɛ a dagayɔrɔ la kunun ntɛnɛn sɛtanburukalo tile 02 san 2024 kunnafoni tɛmɛniraw kan an ka jamana kɔnɔ. Cakɛda in ɲɛmɔgɔba Gawusu Kulubali ni kunnafonidilaw ye hakilila falenw k.
