Faso y’u
bila ci min na, n’o ye ka basigi sabati jamana fan tan ni naani kↄnↄ, baara in
dabↄkun y’o ye. Terorisiw ka Kidali bila, ka jamana marabolo 8 nan in marali to
gↄfɛrɛnaman bolo : maraɲɛmↄgↄw ka segin dugu in kↄnↄ, lakↄlisow ni
dↄgↄtↄrↄw ka dayɛlɛ, faso ka cakɛda bɛɛ k’u ka baara daminɛ, sↄrↄdasiw, garadiw,
zantaramuw, polisiw, adw., olu k’u ka baara kɛ u sago la, o dↄrↄn de ye
finitigiw ka wulikajↄba in kun ye.
Mali
kɛlɛbolow ka kunnafonidicakɛda, DIRIPA/DIRPA ka fↄ la, baaraw bɛ kɛ hadamaden
ka hakɛw lafasali hukumu kↄnↄ. O kↄrↄ ye k’u tɛna se mↄgↄ ma, u tɛna bin mↄgↄ
kan, fo ni minnu sera u ma. Ni banbaganci minnu ko ka Mali tila, u tɛna sↄn o
ma. Ni terorisiw ko u bɛ kidalikaw karaba k’u don u ɲɛnasira fɛ, u tɛna sↄn o
ma. Ni banbaganciw n’u dɛmɛbaga terorisiw ko u tɛ Mali gↄfɛrɛnaman lakodↄn, u
tɛna sↄn o ma. Kidalikaw b’a fɛ k’u ɲɛnamaya kɛ bɛn ni lafiya ni basigi kↄnↄ,
Mali FAMAw nakun y’o ye.
Sↄrↄdasiɲɛmↄgↄw ko u b’a ɲini
dugumↄgↄw fɛ, u kana siran, u kana yilanyilan. U k’u hakilisigi, ka Mali
ɲɛmↄgↄw ka cikanw lamɛn, k’u labato. U kana sↄn ka banbaanciw n’u jɛɲↄgↄn
terorisiw ka bagabagaliw ni porobaganiw lamɛn, u kana sↄn ka tugu u kↄ, cogoya
si la.
DIRIPA/DIRPA ko fɛn o fɛn mana bↄ a ko la, jamanadenw n’a ladↄnniya o la. Tiɲɛ don,
sↄrↄdasiw ma don fↄlↄ Kidali, nka u bɛ ka sanfɛkɛlɛminɛnw bilali min kɛ baara
la, olu mana tila, duguma kɛlɛkɛdenw b’u ka baara kɛ.
. Hakililajigin na, FAMAw bɛ sanfɛla kↄlↄsili minnu na, o y’a to u ka se ka juguw dogoyↄrↄw, n’u dagayↄrↄ dↄw
lakodↄn, ka gɛlɛw fili u kan, taratadon, kalo tile 7 ani arabadon kalo tile 8.
Juguw ka bolifɛnw ni kɛlɛkɛminɛn caman bonna k’u tiɲɛ. Sↄrↄdasi bɛ k’u koron,
donta tɛ yen, bↄda tɛ yen. An b’o yↄrↄ de la bi. FAMAw b’a la ka Kidali lamini
dↄↄnin-dↄↄnin, fo juguw ka kɛlɛ bila don min walima k’u tiɲɛ pepewu..
FAMAw kalekan ye k’u tɛ Mali dugukolo mɛtɛrɛ kelen to
juguw bolo. U bɛ k’u gɛrɛ dↄↄnin-dↄↄni wa seginkↄ t’a la.
Abubakari TARAWELE/ Mahamadu KƆNTA
Dɔkala Yusufu Jara
Minisiriw y’u ka laadalatɔnsigi kɛ araba utikalo tile 28 san 2024 jamanakuntigiso la Kuluba. A ɲɛmɔgɔya tun bɛ furancɛlafanga jamanakuntigi Kolonɛli Asimi Goyita bolo. Don baara kɛta bolodalenw fɛsɛfɛsɛlen kɔ ka bɛn u kan, minisirilajɛ bɛnna sariya dɔw kan ani ka kumaɲɔgɔnya .
Kolonɛli Asimi Goyita ye hakilila falen kɛ n’a ka dunanw ye numerikiko nafaw kan. A ye laadilikanw fana di u ma, sanni a k’a jira u la, ko AES jamanakuntigi bɛɛ ka senkɔrɔmadon bɛ ka taa u ma.
Kolonɛli Asimi Goyita ye hakilila falen kɛ n’a ka dunanw ye numerikiko nafaw kan. A ye laadilikanw fana di u ma, sanni a k’a jira u la, ko AES jamanakuntigi bɛɛ ka senkɔrɔmadon bɛ ka taa u ma.
Sahelikungo jamanaw ka jεkulu (kɔnfederasɔn) sigili senkan, o ɲεbila-poroze ani a jamanakuntigiw ka lajε lataamasariya fεsεfεsεra ka bεn u kan. Sεbεn ninnu donna Mali jamanakuntigi Kolonεli Asimi Goyita, Burukina Faso jamanakuntigi Kapitεni Ibarahimu Tarawele ani Nizεri jamanakuntigi.
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
