« Dirpa » ɲɛmɔgɔ Kolonɛli-mazɔri Suleyimani Danbɛlɛ ye jigisigi
kɛ, ko lakananbaaw ka kandili an’u ka galabu kɛnɛya b’a ɲinin ka sigidalamɔgɔw
an’u bolofɛnw lakanan jamana dugukolo kan. A ye foli ni tanuni lase
sigidalamɔgɔw ma lakananbaaw dɛmɛnni na kojugubakɛ kɛlɛli la. A labanna k’a
ɲinin u fɛ, u ka tɛmɛn n’o waleya in ye jɛkabaara kɔnɔ. A ko a’ ye an dɛmɛn ka
aw lakanan ; sabula sɔrɔdasiw ye aw balimakɛw ye, a’ denw, an’a’ furucɛw
don. Aw lakananni ye anw ka baara ye hali n’o bɛ bɛn an ka saya ma.
Kojugubakɛla caman dajili kɔfɛ, bɔ kɛra u senkɔrɔmadonbaaw ka dɛmɛn kalama
kɔkan. U tun ye yɔrɔ o yɔrɔ suman binkanni in kama, lakananbaaw y’u jɔyɔrɔ fa a
bɛɛ kunbɛnni na. Sigidalamɔgɔw ye foli ni tanuni kɛ lakananbaaw la. Ɲɔnɔn ani
Kayi, denmisɛnw ye lajɛbaw kɛ ka senkɔrɔmadonni na ka ɲɛsin u ma. O waleya
kelenw kɛra yɔrɔ tɔw fana na.
Lakananbaaw ka nin sebaaya kura in bɛ bila lafasa ni sɔrɔdasi kɔrɔw ka
minisiri Zenerali de kɔri darimɛ Sajo Kamara ka kuma kɔrɔ fɔlen da la o dɔgɔkun
damadɔ ye nin ye a ka kɔrɔfɔ kɔnɔ Mali kura taasira 3 kan. A tun y’a jira ko
jugu bɛ nimakaran na ; o b’a bila sɛrɛgɛli banbali la, ka bila mɔgɔw la,
minnu m’a min, u m’a bɔn. Wa u ka nin waleyaw de bɛ dɔ fara lakananbaaw ka
dusukun gɛlɛya kan ka taa a fɛ kɛlɛdagaw la, ani ka to sigidalamɔgɔw ka dannaya
kɔrɔ. Nin bɛɛ b’a jira ko siga t’a la, Mali sɔrɔdasiw bɛ ka sannayɛlɛn.
Dɔkala
Yusufu JARA
Abubakari TARAWELE
Aboubacar TRAORE
Jaabiw y’a jira ko kojugubakɛla 80 ni kɔ de lakodɔnna su ye fɔlɔ, ka kɛlɛminɛn caman sɔrɔ u kɔ.
Yukuwo Murata y’a sinsin cogoya in kan ka jamana fila in cɛ jɛkabaara foli kɛ. Baara suguya caman b’o jɛkabaara in kɔnɔ ; kɛrɛnkɛrɛnnenya la baaradegekalan, dɔ farali muɲunni fanfa kan ani yiriwali kuntaala jan Mali kɔnɔ.
U ka wulikajɔw hukumu kɔnɔ jamana lafasali siratigɛ la, Mali sɔrɔdasiw b’a la ka sebaayaw sɔrɔ dɔrɔn kojugubakɛlaw kan ka taa a fɛ..
Kojugubakɛlaw kɛlɛli wulikajɔw bɛ sen na Mali sɔrɔdasiw fɛ. O siratigɛ la, u tigɛlen don a kan k’u bɛ faso dugukolo mumɛ lakanan fo ka se a dan na. U b’a la k’u daji, k’u dagayɔrɔw tiɲɛ jamana fan caman fɛ.
Cakɛda min ɲɛsinnen bɛ mɔgɔ bugunnatigɛ gansili dabilali ma, n’a tubabukan daɲɛ surun ye (APDP), o ye laseli kɛ alamisa sɛtanburukalo tile 05 san 2024, k’a jira ko a bɛ waati jan bɔ sisan, mɔgɔ dɔw kɛlen bɛ ka lasɔrɔsiraw dayɛlɛ erezo sosiyow (ɛntɛrinɛti) kan, ka sariya .
Furancɛlafanga faamaw wulilen don k’u jɔ, min b’a to basigi bɛ se ka don hadamadenya ko bɛɛ la ; kɛrɛnkɛrɛnnenya la, Bamakɔ faaba kɔnɔ. o min ye Mali yeyɔrɔ fɔlɔ ye diɲɛmaa bolo..
