San 2025 « DEF » kiimɛni daminɛna kunun ntɛnɛn zuwɛnkalo tile 2 jamana fan bɛɛ fɛ ; a bɛ kuncɛ araba nata in na. Cidenkulu dɔ, ni minisiri wolonwula b’a la, i n’a fɔ kalanko minisiri Dr Amadu Si Sawanɛ, u taara u ɲɛ da Mamadu Jara N°2 kalanso kiimɛni kan Madina-kura Bamakɔ, ka baaraw nun don san kuncɛli kiimɛni na.
Ɲinan, kalanden hakɛ min b’a la ka kalanso 9nan kuncɛli kiimɛniw kɛ, o ye mɔgɔ 350.409 ye ; musomannin y’o la 173.767 ye. U tilalen don kiimɛnikɛyɔrɔ 1.842 cɛ. Kalanden minnu bɛ gɔfɛrɛnaman ka bolo kan, olu ye mɔgɔ 332.233 ye ; minnu tɛ gɔfɛrɛnaman ka bolo kan bilen n’u bɛ wele tubabukan daɲɛ surun na « CL », olu ye mɔgɔ 18.176 ye. Maliden minnu bɛ yɛrɛkunkalifayɔrɔ la Basikunu (Moritani), kalanden 233 b’a la ka kiimɛ yen
Gɔfɛrɛnaman minisiriw ye
kalanyɔrɔ damadɔ yaala ka laailikanw di kalandenw ni kɔlɔsilikɛlaw ma. Nɛgɛ
kanɲɛ 8 waati la, minisiri Si Sawanɛ ye sɛbɛnforoko fɔlɔ dayɛlɛ kiimɛso N°1 kɔnɔ
Mamadu Jara N°2 tɔgɔla kalanyɔrɔ la kiimɛnisɛbɛn 300 tun b’o kɔnɔ walafili kan,
min bolodalen tun don lɛrɛ fila kuntaala kama. Kiimɛnisen saba tun don kalanden
b’a sago ta minnu cɛla. Kalanden 250 tun bɛ yen, musomannin hakɛ tun y’o la 140
ye, kiimɛniso 10 kɔnɔ. Kalanden minnu tɛ gɔfɛrɛnaman ka bolo kan bilen n’u bɛ
wele tubabukan daɲɛ surun na « CL », olu ye mɔgɔ 14 ye, musomannin 7
b’u la. O kiimɛniso in kɔnɔ, kɔlɔsilikɛla 20 bɛ yen ka baaraw kɛcogo lajɛ.
Baaraw nun donnen kɔfɛ,
kalanden fila tun bɛ mununmununsaalo la halibi k’u ka kiimɛnisow ɲinin ;
n’o ye Ayisa Sila ani Mariyamu Kamara ye. Kiimɛnikɛlaw ɲɛmɔgɔ Mamadu Jara
tɔgɔla kalanyɔrɔ la yen, n’o ye Abubakari Siriman Konate ye, o n’a dɛmɛnbaaw
jɛra ka Mariyamu Kamara ka kiimɛniso N°1 jira o la. Nka fɛn min ye Ayisa Sila
ye, o tɔgɔ ma ye kiimɛniso si da la yen. Ale ka koɲɛ donna Hipodɔrɔmu
« CAP » bolo.
Misiran kalanyɔrɔ Sama 2 la, kalandenw tun bɛ kiimɛni na basigi kɔnɔ. Bɛɛ tun nana ka kɔn waati ɲɛ. O kiimɛniyɔrɔ ɲɛmɔgɔ Daramani Berehima Tarawele ni kɔlɔsilikɛlaw tun bɛ jateminɛw na ; polisiw fana tun bɛ yen. Kalanden 297 bɛ ka kiimɛ yen kiimɛniso 10 kɔnɔ, kɔlɔsilikɛla 20 b’u kunnan.
BASIGI DAN BƐƐ- Komini wɛrɛ, kiimɛniyɔrɔ wɛrɛ. Sogoninkɔ 1 kalanyɔrɔ la, basigi dan bɛɛ
tun ye yen ta ye. Kunnafonidilaw bɛ se yen waati min na, kalanden 282 cɛla, ni
musomannin ye 154 ye, dɔw tun tilalen don baara kɛta fɔlɔ la kaban. Olu tun b’a
la ka segin kalansen nataw kan sanni k’o waati se. Nka kalanden 16 ma ye kɛnɛ
kan ; cɛmannin 8 ani musomannin 8. Kɔlɔsilikɛlaw tun bɛ kiimɛnikɛlaw
ɲɛmɔgɔ Abudulu Karimu Ncayi n’a jɛɲɔgɔnw bara o ɲɛfɔliw la.
« Sekotara » kɛnyɛrɛye kalanyɔrɔ la Maɲanbugu, kalandenw tun labɔra
dukɛnɛ na pewu u tilalen kɔ walafili la walasa ka namara kunbɛn baara kɔnɔ. O
de kosɔn u jama tonnen tun bɛ da la. Kalanden 244 ni musomannin ye 125 y’u
cɛla, olu bɛ ka kiimɛ kiimɛniso 10 kɔnɔ, kɔlɔsilikɛla 20 b’u kunnan.
Kunnafoni, numeriki sɔrɔ
ani fanga baara yɛlɛma kura minisiri Alihamudu Agi Iliyɛni, kɛnɛyako minisiri
Kolonɛli Asa Bajalo Ture, ani muso ni den ani denbaya ɲɛtaa minisiri Madamu Jara
Jɛnɛba Sanɔgɔ, olu ye dusu don kalandenw kɔnɔ, k’a ɲinin u fɛ u k’u banban u yɛrɛ
kan, ka da u yɛrɛ la ka baara ɲuman kɛ.
Kalanko minisiri Dr Si
Sawanɛ y’a jira kalandenw na, ko n’i y’a ye u minisirijama sera yan, a kun ye
ka DEF daminɛ cogoya ɲuman na, ka dusu don aw kɔnɔ. U ye laadilikanw di
kalandenw ma, ka laban ka jamana ɲɛmɔgɔw ka senkɔrɔmadonni jira u la. A ko
gɔfɛrɛnaman jigi bɛ aw kalandenw kan ; o de kosɔn a sago don aw ka se ka
kiimɛ cogoya ɲuman na. Ka laban ka dugawu kɛ san kuncɛli baaraw tiimɛko ɲuman
na jɛlenya kɔnɔ, ka dugawu kɛ fana kalanden bɛɛ ka se sɔrɔli la. Kalanko
minisiri ye hakililajigin kɛ kɔlɔsilikɛlaw ye u jɔyɔrɔ la kiimɛni tɛmɛnsira
kɔnɔ.
K’a faranfasiya, ko kiimɛnikɛyɔrɔ fɛn o fɛn na, basigi tun bɛ yen. Mantɔɔrɔko si ma mɛn fɔlɔ. Jamana ka kiimɛniko cakɛda (CNECE) ɲɛmɔgɔba Zeyinu Agisa Mayiga n’a jɛɲɔgɔn Ogobasa Sayi, olu bɔra ka minisirikulu bilasira.
Dɔkala Yusufu JARA
Sidi WAGUE
« DEF » ka kan ka kuncɛ bi. Don fɔlɔ kɛlen kɔ basigiba kɔnɔ, ŋunuŋunu cayara dugu kɔnɔ ntɛnɛn su k’a dugu jɛ tarata la ; ka da a kan matematiki kiimɛnisen tun kɔnna ka sidɔn kiimɛnikɛyɔrɔ ɲɛmɔgɔw ka fɔ la..
San 2024-2025 kalanta bolodalen don ka bila tarata ɔkutɔburukalo tile 1lɔ kan. Walasa ka bisigiyaw kɔlamunun, sabula ŋununŋunun na, a bɛ ka fɔ ko don fɔlɔ bɛ sɔn ka bɔ a dɔgɔ kɔrɔ. O siratigɛ la, kalanko minisiri ye laseli kɛ sɛtanburukalo tile 24 tɛmɛnnen in, k’a jira ko don.
Kojugubakɛla caman minɛna ; dɔw fana tora sisi la. Tile tɔ mumɛ kɛra yɔrɔw larawulili la.
