Minisiriɲɛmɔgɔ Zenerelai de diwisɔn Abudulayi Mayiga ye Zapɔn lasigiden Yukuwo Murata bisimila alamisa mɛkalo tile 8 san 2025 minisiriɲɛmɔgɔso la. Ale sugandira o jɔyɔrɔ in na san 2024 nowanburukalo la a kɛlen kɔ k’a ka lasigidenya sɛbɛn don furancɛlafanga jamanakuntigi Zenerali darimɛ Asimi Goyita bolo.
A bɔlen ɲɔgɔnye in na a
y’a jira ko a ni minisiriɲɛmɔgɔ tun bɛ hakilila falen na san 2025 diɲɛ bolofɛnjira
kan, min bɛ sen na kabini awirilikalo tile 13 n’a bɛ kuncɛ ɔkutɔburukalo tile
13 san 2025 Osaka Kansayi, Zapɔn.
Lasigiden Yukuwo Murata y’a
jira ko a ni minisiriɲɛmɔgɔ kumana Mali taali kan o kɛnɛ in kan, min senfɛ Mali
tɔgɔladon bɛna sigi utikalo tile 2 san 2025. A k’u jigi bɛ minisiriɲɛmɔgɔ yeli
kan o don in na.
Lasigiden in y’a sinsin cogoya in kan ka jamana fila
in cɛ jɛkabaara foli kɛ. Baara suguya caman b’o jɛkabaara in kɔnɔ ;
kɛrɛnkɛrɛnnenya la baarakɛminɛnw dili baaradegekalansow ma Bamakɔ san daminɛ na. Ani kɔsa in na, poroze kofɔlen dɔ
musakako, i n’a fɔ dɔ farali muɲunni fanga kan ani yiriwali kuntaala jan Mali
kɔnɔ, o poroze minnu bɛna waleya diɲɛ tɔnba ONU tɔgɔla cakɛda dɔw ani kuruwa
uruzi (CICR) fɛ, Zapɔn ka dɔ farali baarakɛnafolo hakɛ san 2024-2025 kɔnɔ, o
hukumu kɔnɔ.
Lasigiden Yukuwo Murata seginna k’a kandi ko a ka jamana bɛna Mali furancɛlafanga hakililaw senkɔrɔmadon.
Ka hakililajigin kɛ, ko san 2025 bolofɛnjira Osaka Kansayi, o bɛ cogoya di hakilila falenw ma kalo wɔɔrɔ kɔnɔ ka fara fɔkabɛnw kan diɲɛ kunkankow la, ka sinsin masalakun min kan, o ye « ka siniɲɛsigi sigida dilan, ka miiri an ka sini ɲɛnamaya la».
Dɔkala Yusufu JARA et
Aboubacar TRAORE
U ka wulikajɔw hukumu kɔnɔ jamana lafasali siratigɛ la, Mali sɔrɔdasiw b’a la ka sebaayaw sɔrɔ dɔrɔn kojugubakɛlaw kan ka taa a fɛ..
Kojugubakɛlaw kɛlɛli wulikajɔw bɛ sen na Mali sɔrɔdasiw fɛ. O siratigɛ la, u tigɛlen don a kan k’u bɛ faso dugukolo mumɛ lakanan fo ka se a dan na. U b’a la k’u daji, k’u dagayɔrɔw tiɲɛ jamana fan caman fɛ.
Cakɛda min ɲɛsinnen bɛ mɔgɔ bugunnatigɛ gansili dabilali ma, n’a tubabukan daɲɛ surun ye (APDP), o ye laseli kɛ alamisa sɛtanburukalo tile 05 san 2024, k’a jira ko a bɛ waati jan bɔ sisan, mɔgɔ dɔw kɛlen bɛ ka lasɔrɔsiraw dayɛlɛ erezo sosiyow (ɛntɛrinɛti) kan, ka sariya .
Furancɛlafanga faamaw wulilen don k’u jɔ, min b’a to basigi bɛ se ka don hadamadenya ko bɛɛ la ; kɛrɛnkɛrɛnnenya la, Bamakɔ faaba kɔnɔ. o min ye Mali yeyɔrɔ fɔlɔ ye diɲɛmaa bolo..
