Jamana jɔli kura minisiri ka ɲɛsin gɔfɛrɛnaman ni fangabulonw cɛ koɲɛnabɔ ma Bakari Tarawele ye faso ka lajɛ dɔ daminɛni ɲɛmɔgɔya kɛ kunun. Laselisɛn fɔlɔ min dilanna sariya n°2014-049 min tara sɛtanburukalo tile 19 san 2014 kan, o kiimɛni fɛsɛfɛsɛli ani ɲɛbila sariya poroze labɛnnen foroba cakɛdaw sigili, u blabaarali an’u kɔlɔsi kan o fana fɛsɛfɛli. Kunnafoni minisiri tun b’a kɛnɛ kan.
Jamana jɔli kura minisiri Bakari Tarawel ani kunnafoni, numeriki sɔrɔ ni fanga ka baara yɛlɛma kura minisiri Alihamudu Agi Iliyɛni baaraw senfɛ
Lajɛ in kɛra Bamakɔ lajɛkɛsoba la, k’a ɲinin ka kiimɛni kuncɛkanw fɛsɛfɛsɛ ani ka lajɛkɛlaw fɛlaw dɔn foroba cakɛdaw sigili, u labaarali an’u kɔlɔsili kan.
Jamana jɔli kura minisiri, ka ɲɛsin gɔfɛrɛnaman ni fangabulonw cɛ koɲɛnabɔ ma, o ye haikililajigin kɛ, ko ka kɛɲɛ ni sigikafɔbaw laɲininw ye jamana jɔli kurako la, an ka jamana y’a kandi yɛlɛmaw donni na sɔrɔ ni hadamadenya, politikiw ni fangabulonw cogoyaw la. Bakari Tarawele ye ɲɛfɔli kɛ, ko nin tɛmɛnsira in nafa ka bon, ka da a kan a dabɔlen bɛ yɛlɛma ɲuman donni kama fanga ka baara kɛcogo la, ani k’a ɲinin ka jigisigi kɛ baara ɲuman kɛli la u ɲininbaaw fɛ forobakow la.
Minisiri Tarawele ko sariyasunba b’a jira ko fanga ka kan k’a jɔyɔrɔ fa forobako suguya caman na. O siratigɛ la, a b’a sendon hadamadenya ani seko ni dɔnko yiriwali la sigidalamɔgɔw makow ɲɛnabɔli kama jɛlenya, bonya, hadamaden ka hakɛw labatoli ani demokarasi hakɛ labatoli la.
Minisiri da sera sariya in waleyali gɛlɛyaw ma. A ko san tan ni kɔ waleyali kuntaala kɔnɔ, a ɲuman ye ka yɛlɛma ɲuman don a cogoya la, walasa ka se k’a gɛlɛyaw furakɛ. Bakari Tarawele ka fɔ la, o gɛlɛyaw ye kɔnɔna sɛgɛsɛgɛli cakɛdaw ni kɔlɔsili cakɛdaw cɛ ye, faso ɲɛmɔgɔso yɛlɛmani ka kɛ ɲɛmɔgɔsoba ye. Cakɛdaw labaaracogo b’o la ka kɛɲɛ ni sigidalamɔgɔw ka sisan makow cogoyaw ye, ani baara suguya dɔw tabaliya ba la foroba baaraw fɛ.
Ka kɛɲɛ ni gɔfɛrɛnaman ka baarabolodalen ye san 2025 kalo saba filanan kɔnɔ, minisiri Bakari Tarawele ye jama ladɔnniya, ko jamana jɔli kura minisiriso ye sariya n°2014-049 min tara sɛtanburukalo tile 19 san 2014 foroba cakɛdaw sigili, u labaarali an’u kɔlɔsili filiw latilenni daminɛ. O la, a ɲininna minisirisow, marali cakɛda minnu bɛ baara kɛ u yɛrɛ kolo la ani foroba cakɛdaw kɔlɔsili cakɛdaw fɛ, u k’u fɛlaw di u kan. Minisiri ko biro dɔ sugandira sariya in filiw latilenni kama, min mɔgɔw ye gɔrɛnɛnaman baarakɛla kɔrɔ faamuyalenbaw ye, u ka se ka hakilijakabɔ kɛ a ko kan ani k’u fɛla fana di.
Jamana jɔli kura minisiri Bakari Tarawele ka fɔ la, a bɛ kalo caman bɔ sa, o biro in ye baara kɛ ni jama sago ye. A ka baara kuncɛlen, a ye laselisɛbɛn fɔlɔ dilan ani ka ɲɛbila sariya poroze dɔ labɛn, bɛn bɛ ɲinin min kan nin lajɛ in senfɛ. Dajirali minnu mana se ka kɛ k’a ko sinsin ka taa a fɛ, o bɛna se k’a to sariya ɲuman ka sɔrɔ an bolo kɔrɔ, ka bila gɔfɛrɛnaman ka bolo kan don nataw la, o k’a fɛla di o kan.
Dɔkala Yusufu JARA
Fatumata KAMISƆKƆ 
Dɔkala Yusufu Jara
Coupe du monde.
Perturbation des transports des hydrocarbures au Mali.
Journée internationale de la Jeune fille édition 2025.
Journée internationale de la Jeune fille édition 2025.
Mali - Etats-Unis.
Texte sur la phase éliminatoire de la coupe du monde.
