Mali U16 musow jatelen bɛ farinmanw ye nin
janjo in na
Cɛ kunda, jamana 12 bɛ kɛnɛ kan Afiriki Aforobasikɛti ŋanaya kupu
nɔfɛ ; n’o ye Angola, Kameruni, Kɔnɔwari, Eziputi, Lajinɛ, Liberiya, Mali,
Marɔku, Uruwanda (jatigi), Siyera Leyɔni, Tunizi ani Uganda. Muso kunda, jamana
11 bɛ kɛnɛ kan ; n’o ye Angola, Kameruni, Kɔnɔwari, Eziputi, Lajinɛ, Keniya,
Mali, Marɔku, Uruwanda, Tanzani ani Tunizi.
A kupu fila basikɛtiw bɛ kɛ ɲɔgɔn fɛ Kigali, FIBA Afiriki ka politiki
kura hukumu kɔnɔ, k’a ɲinin ka dɔ fara basikɛti yiriwali fanga kan denmisɛn
kunda. Kabini a ko daminɛna san 2009, Mali b’a la ka Afiriki ŋanaya sɔrɔ ;
wa tɔn fila minnu filɛ kɛnɛ kan, u delila ka kupuw tako 11 kɛ (musow siɲɛ 8,
cɛw siɲɛ 3).
Mali ye kupu in dako fila fɔlɔw ta san 2009 ani 2011, sanni Eziputi k’a
jaso a ɲɛkɔrɔ san 2013 Maputo (Mozanbiki). O ye Mali gosi yen finali la 62–61).
San 2019, u ye ɲɔgɔn sɔrɔ Kigali. O la, Mali ye ta da Eziputi tɛgɛ k’a ta juru
sara 84-48 finali la. U ye ɲɔgɔn sɔrɔ kokura Kɛri, Mali y’a da to o Eziputi
kelen na finali la.
Mali ni Eziputi ka ɲɔgɔn sɔrɔko laban kɛra Monasitiri san 2023 (Tunizi), Mali
y’o fana kupu ta. O kɛra Aforobasikɛti gɛlɛnba ye 57-56, Mali kanu na.
Nin sen in na Mali musow bɛ kulu B kɔnɔ, ka fara Angola, Kɔnɔwari ani
Lajinɛ kan. cɛ kunda, Mali ni Eziputi jatelen bɛ jamana farinmanw ye Aforobasikɛti
in na. U fila bɛɛ n’u sekow an’u dɛsɛkow don. Wa a bɛɛ sago don fana, ka jigin
ni kupu in ye a ka jamana na. Afiriki ŋanaya ye disigosiko ye tɔnw bolo, nka a
nɔgɔya n’a gɛlɛya fila bɛ ɲɔgɔn dafɛ.
Jamana fila minnu mana se finali ma, olu bɛ yamaruya ni u ka kupudimɔni
taali ye. O min bɛna daminɛ zuwɛnkalo tile 27 ka se zuluyekalo tile 5 ma san
2026 Türukiye. Fo ka se sisan ma, Afiriki jamana naani dɔrɔn de sera ka sebaaya
sɔrɔ ka ye U17 kupudimɔni kɛnɛ kan cɛ kunda. Éziputi ye siɲɛ wolonwula kɛ ka da
ɲɔgɔn kan k’a daminɛ san 2010 na, ka Mali da o kan ni siɲɛ saba ye san (2016,
2018, 2022), Angola ni Lajinɛ sera a kɛnɛ kan san 2024.
Cɛ kunda, Mali, Eziputi, Marɔku ani Liberiya kɛ kulu C kɔnɔ.
Dɔkala Yusufu Jara
Sɛtanburukalo tile 22 wulikajɔw labɛn hukumu kɔnɔ jamana lakananbaaw fɛ, lakananbaaw ɲɛmɔgɔba ye laseli kɛ, k’a jira ko sira dɔw bɛ ka tigɛ Bamakɔ kɔnɔ, a daminɛna bi tarata la sɛtanburukalo tile 16 san 2025 sɔgɔmadaw fɛ..
Minisiriɲɛmɔgɔ ye balikukalan tɔgɔladon laɲɛnamayali lajɛ ɲɛmɔgɔya kɛ Bamakɔ lajɛkɛsoba Seyisebe (CICB) la. A ye hakililajigin kɛ, ko an bɛ don min na, a fasoden ɲɔgɔn ba caman ye balikukalan kɛ k’a sababu kɛ gɔfɛrɛnaman, sigidaw ani jɛɲɔgɔnw yiriwaliko la, olu ka c.
Kojugubakɛlaw b’a la ka bin tajidoni kamiyonbaw ni « Jara taransipɔri » kaarebaw kan sisan k’u tajiw bɔ. O ye k’a ɲinin ka jamana nafoloko don nkalama na. Ka da u ka nin binkannibaw kan, jamana lakananbaaw fana jɔlen b’u ɲɛ k’u ŋaniya jugu jigin u yɛrɛ kɔnɔ.
Supɛri kupu Asimi Goyita dako 5nan finali tanna kunun kari sɛtanburukalo tile 7 san 2025 Mamdadu Konate tɔgɔla farikoloɲɛnajɛkɛnɛ kan. A tun bɛ marayɔrɔ fila balontantɔnw cɛ : Kulukɔrɔ ani Moti. Moti delila k’a ta san 2022, Kulukɔrɔ tun delila k’a ta san 2024. Nin sen in na, Ku.
Kalanko minisiriso ye nin kunnafoni in lase kunun araba sɛtanburukalo tile 3 san 2025.
Abubakari, n’a tun bɛ wele Bakari Kulubali, a jɔyɔrɔ bonyana kosɛbɛ a tile kɔnɔ yɛlɛma donni na laadala furakɛli kɛcogo la. Moto « CG 125 », n’a bɛ wele Daragɔn, a ka furafeerelaw tun bɛ tile kuurukaara kɛ mununmununsaalo la dugu ɲɛfɛ, mikoro sirilen b’u ka motow gidɔnw n.
