Mali
gɔfɛrɛnaman y’a fɛla fɔ Lamerikɛnjamana ka ŋaniya sirilen kan wizako la.
Lamerikɛnjamana ko k’a daminɛ ɔkutɔburukalo in tile 23 la san 2025, k’olu b’u
ka dolariwari 5.000 walima 10.000 sarali bilankɔrɔ ye (sefawari miliyɔn 2
walima 4) o wajibiya wiza kelen kunkɔrɔ makow walima ɲɛ daamuda kama ; o
wiza suguya ninnu bɛ wele B-1/B-2.
Kɔkankow ni
diɲɛ tɔnbaw cɛ koɲɛnabɔ minisiri ka laseli la, Lamerikɛnjamana ye bilankɔrɔ min
kofɔ wizako la ɔkutɔburukalo tile 11 san 2025, o bɛ wuzako kuntaala jan bɛnkan
sɔsɔ donkabɔw la jamana fila ninnu kɔnɔ, o min tun waleyali daminɛna
awirilikalo tile 14 san 2005.
Kɔkankow ni
diɲɛ tɔnbaw cɛ koɲɛnabɔ minisiri ka fɔ la, n’i y’a kɛ n na, n fana b’a k’i la
nasira la, Mali fana y’a ŋaniya k’o ɲɔgɔnna kɛ wizako la ka ɲɛsin Lerikɛnjamana
mɔgɔw ma, i n’a fɔ u fɔlɔ y’o kɛ cogo min na ka ɲɛsin Malidenw ma, ka sɔrɔ ka
hakililajigin kɛ jɛkabaara sinsinnen na ni Lamerikɛnjamana ye, tungafɛtaa
kɛcogo jugu kɛlɛli la hadamadenya ka hakɛ an’a danbe labatoli hukumu kɔnɔ.
O kɔfɛ,
kɔkankow ni diɲɛ tɔnbaw cɛ koɲɛnabɔ minisiri ye gɔfɛrɛnaman ka kandili jira
fana ni Lamerikɛnjamana ye, jɛkabaarasira nafamaw ɲɛtaa la sigikafɔ ani
ɲɔgɔnbonya hukumu kɔnɔ.
Dɔkala
Yusufu JARA
Mohamɛdi JAWARA
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
