Sanga bolodalen dafara
k’u to filaninbin na 1-1. Moti de fɔlɔla ka bi don sanga 34nan na Bubakari Dikɔ
fɛ, nka Musa Mariko y’o kuru jibɔ Kulukɔrɔ ye sanga 73nan na. San 2024 kɔfɛ, Kulukɔrɔ
filɛ k’a siɲɛ fila Supɛri Kupu Zenerali darimɛ Asimi Gpyita, furancɛlafanga
jamanakuntigi, o tɔgɔla kupu dako 5nan tali la.
Musa Mariko min kɛra sababu ye ka Moti ka kuru donnen jibɔ, ni Kulukɔrɔ balontannaw
ɲɛmɔgɔ fana don, o nisɔndiyabaatɔ y’a jira ko a wasara ni kupu in tali ye, hali
n’i ya sɔrɔ u ye san tɛmɛnnen in ta fana ta. A ko sanni janjo in ka daminɛ olu
ye layidu ta Kulukɔrɔ jama ɲɛkɔrɔ, k’u bɛ segin ni kupu in ye. A fɔra cogo min
na, a kɛra ten ; layidu tiimɛna ! A ko baara ɲɛna, a ka foli b’u yɛrɛ
ye. A ko u n’u ka degelikaramɔgɔw ye wulikajɔ caman kɛ. Bɛɛ y’a seko jira, wa o
cɛsiriw sarala ni ɲuman ye. Ko nin kupu in ye Maliden bɛɛ ta ye.
Kupu in balontan laban ɲɛmɔgɔya tun bɛ minisiriɲɛmɔgɔ, mara ni desantaralizasɔn minisiri, gɔfɛrɛnaman ka kumalasela Zenerali de diwisɔn Abudulayi Mayiga bolo. Jamanakuntigiso sekeretɛri zenerali Pr Alifuseyini Jawara, denmisɛnya, farikoloɲɛnajɛ minisiri, ka ɲɛsin fasodenya ladamuni ni fasoden ɲuman dilanni ma Abudulu Kasimu Ibarahimu Fɔnba ani kolabɛnkulu kuntigi Komisɛri Kolonɛni Sɛki Mamadu Serifu Tunkara, olu tun bɛ kɛnɛ kan. Minisiriɲɛmɔgɔ y’a ka nisɔndiya ni wasa jira baara kuncɛli kɔrɔfɔ kɔnɔ, ani k’a fɔ ko Supɛri Kupu Asimi Goyita kɔgɔra an bɛ don min na.
Nin kɛra a siɲɛ fɔlɔ ye, an ka jamana marayɔrɔ 19, ka fara Bamakɔ faaba kan,
u bɛɛ sen ka don janjo in na. A ye hakililajigin kɛ o la fɔlɔ, sanni a bɛ dɔ fɔ
janjo in laɲininw na. A ka fɔ la, Supɛri kupu dali jamanakuntigi Zenerali
darimɛ Asimi Goyita tɔgɔ la, a dabɔra ka farikoloɲɛnajɛ ɲɛtaa sabati ka taa a
fɛ an ka jamana kɔnɔ ani ka dɔ fara kelenya ni donɲɔgɔnna fanga kan. A ko janjo
in waati fana ye ɲɛnajɛ ye, wa ko Zenerali darimɛ Asimi Goyita bɛ tulon ni yɛlɛ
kanu kosɛbɛ balonantɔnw cɛ.
Jamanakuntigiso sekeretɛri zenerali Pr Alifuseyini Jawara ye ɲɛfɔli kɛ, ko
furancɛlafanga jamanakuntigi tɔgɔla Supɛri Kupu kɛlen bɛ ɲɔgɔnkunbɛnbaw dɔ ye
san kɔnɔ, dan tɛ min nisɔndiya la Mali denmisɛnw bolo. Ɲɛnajɛko ani yɛrɛdiyabɔ
kɔfɛ, janjo in kɛnɛw kɛlen bɛ balontanna ɲumanw lakodɔnni sababu ye marayɔrɔw
la, mɔgɔw bolo, minnu ka baara ɲɛsinnen bɛ balontanna ɲumanw tali ma ka di
tɔnbaw ma. A ye dugawu kɛ, ko Ala ka kupu in dali mɛɛn sen na, Salifu Keyita
‘’Domɛngo’’caman ka se ka sɔrɔ, ka Mali balontan tɔgɔ bɔ ka taa a fɛ. A ko
furancɛlafanga jamanakuntigi tɔgɔ la, a b’a ka wasa jira tulon ni yɛlɛ hakilila
toli la mɔgɔw hakili la janjo in kuntaala kɔnɔ.
Denmisɛnya, farikoloɲɛnajɛ minisiri, ka ɲɛsin fasodenya ladamuni ni fasoden
ɲuman dilanni ma Abudulu Kasimu Ibarahimu Fɔnba fana kumana o sira kelen fɛ. Ale
ko Supɛri Kupu Asimi Goyita kɛlen bɛ bi, ɲɔgɔnkunbɛnba ye, faso farikoloɲɛnajɛ
hukumu kɔnɔ, ka marayɔrɔ bɛɛ wuli ka jɔ a ko la. Nin ye denmisɛnya ani farikoloɲɛnajɛ
baara kɛbaaw cɛsiriko ye ka dɛmɛn don Mali jɔli la donɲɔgɔnna, bɛn kuntaala jan
ani ɲɔgɔndɛmɛn hakilila kɔnɔ.
A ko an bɛ hakililajigin kɛ, ko u dalen b’a la, Supɛri Kupu Asimi Goyita ye
seko ni dɔnko, bɛn ani donɲɔgɔnna sabaticogo dɔ ye an ka jamana kɔnɔ, ka
faraɲɔgɔnkan jira. Ka da labɛnw kɛcogo kan, ani baara yɛrɛ kɛcogo, a yera ko
farikoloɲɛnajɛ, tulon ni yɛlɛ, jamana ni AES taamasiyɛnw donni ba la, olu
sɛbɛkɔrɔ gansira janjo in kuntaala kɔnɔ, Sɛki Mamadu Serifu Tunkara ka fɔ la.
Bubakari CERO
Dɔkala Yusufu Jara
Walasa ka se ka dɔ fara jago ni baarabaw kɛli fanga kan diɲɛ silamɛdiinɛ tɔnba ni silamɛdiinɛ cakɛda min ɲɛsinnen bɛ jago yiriwali ma, ni jago ni izininko minisiriso ka jɛɲɔgɔnya ye, u bɛna baarabaw kɛli Afiriki kɔnɔ, o lajɛba 1lɔ kɛ k’a daminɛ desanburukalo tile 2 la ka s.
Sɛtanburukalo tile 22 wulikajɔw labɛn hukumu kɔnɔ jamana lakananbaaw fɛ, lakananbaaw ɲɛmɔgɔba ye laseli kɛ, k’a jira ko sira dɔw bɛ ka tigɛ Bamakɔ kɔnɔ, a daminɛna bi tarata la sɛtanburukalo tile 16 san 2025 sɔgɔmadaw fɛ..
Minisiriɲɛmɔgɔ ye balikukalan tɔgɔladon laɲɛnamayali lajɛ ɲɛmɔgɔya kɛ Bamakɔ lajɛkɛsoba Seyisebe (CICB) la. A ye hakililajigin kɛ, ko an bɛ don min na, a fasoden ɲɔgɔn ba caman ye balikukalan kɛ k’a sababu kɛ gɔfɛrɛnaman, sigidaw ani jɛɲɔgɔnw yiriwaliko la, olu ka c.
Kojugubakɛlaw b’a la ka bin tajidoni kamiyonbaw ni « Jara taransipɔri » kaarebaw kan sisan k’u tajiw bɔ. O ye k’a ɲinin ka jamana nafoloko don nkalama na. Ka da u ka nin binkannibaw kan, jamana lakananbaaw fana jɔlen b’u ɲɛ k’u ŋaniya jugu jigin u yɛrɛ kɔnɔ.
Kalanko minisiriso ye nin kunnafoni in lase kunun araba sɛtanburukalo tile 3 san 2025.
Abubakari, n’a tun bɛ wele Bakari Kulubali, a jɔyɔrɔ bonyana kosɛbɛ a tile kɔnɔ yɛlɛma donni na laadala furakɛli kɛcogo la. Moto « CG 125 », n’a bɛ wele Daragɔn, a ka furafeerelaw tun bɛ tile kuurukaara kɛ mununmununsaalo la dugu ɲɛfɛ, mikoro sirilen b’u ka motow gidɔnw n.
