Namori Keyita
ye Bamakɔ bɛɛ la mɔgɔkɔrɔba ye. A si bɛ san 113 la, yecogo la a ka kɛnɛn a ni
na, a tulo ka di, wa a senw fana ka kɛnɛn.
Ɲɔgɔndɛmɛn ani dɛnkɛrɛfɛ kɛlɛli kalo hukumu kɔnɔ, furancɛlafanga
jamanakuntigi Zenerali darimɛ Asimi Goyota ma laada tiɲɛ, a taara a ɲɛ da Bamakɔ bɛɛ la mɔgɔkɔrɔba Namori Keyita kan Jikɔrɔnin-Para la
Bamakɔ faaba komini 4nan na. Kɛnɛyako ni hadamadenya yiriwali minisiri
Kolonɛli-mazɔri Asa Bajalo Ture, ɲinan ɲɔgɔndɛmɛn kalo denfa Seyidu Sangare, ka
fara maaba caman wɛrɛw kan, olu tun b’a kɛnɛ kan.
Nɛgɛ kanɲɛ 9 tɛmɛnnen ni sanga 57 ye, furancɛlafanga jamanakuntigi donna
Namori Keyita ka du kɔnɔ. Basandulokiba bula sanankolen tun b’a kanna, fugula
jɛman b’a kun na ani ka medayi don a kan na. An bɛ don min na, cɛkɔrɔba san 113
in ka kɛnɛn, a kan ma minɛ a la. A bangera san 1912 fanfɛlaw la Bamakɔ.
Lise min bɛ wele sisan Ba Aminata Jalo, o lakɔlikaramɔgɔ kɔrɔ don, den 11 b’a
bolo ani mɔden 20. Baro ani jɛmukanw arajo la, olu lamɛnni ka di a ye kosɛbɛ
sisan. Namori Keyita bɛ dumuni suguya minnu fɛ sisan o ye to, ɲɔseri ani jɛgɛ
ye.
Furancɛlafanga jamanakuntigi ka nin nani in senfɛ a ɲɛ da Bamakɔ bɛɛ la
mɔgɔkɔrɔba Namori Keyita kan, a bolo lankolon ma na. Sagajigi kelen, worow,
birifini kelen, selitapi kelen, kɔlɔsi kelen ani sefawari miliyɔn kelen nana a
bolo ka di a ma. Cɛkɔrɔba in ye dugawu kɛ jamanakuntigi ani Mali bɛɛ ye.
O senfɛ kɛnɛyako ni hadamadenya yiriwali minisiri ye laseli kɛ
kunnafonidilaw ye, k’a jira ko nin ye waati jɔnjɔn ye ɲɔgɔndɛmɛn ani dɛnkɛrɛfɛ
kɛlɛli kalo kɔnɔ. Kolonɛli-mazɔri Asa bajalo Ture ko nin donbolonin b’a jira ko
an jan b’an ka mɔgɔkɔrɔbaw la. Wa k’u b’a ɲinin mɔgɔkɔrɔba ninnu fɛ, u ka dugawu
k’u ye ani jamana ye u ka batow kɔnɔnan na.
Furancɛlafanga jamanakuntigi kɛlen filɛ ka sira di, taali la ɲɛw da
sigidaw mɔgɔkɔrɔbaw kan. Ale kɔfɛn minisiriɲɛmɔgɔ ani fangabulonw ɲɛmɔgɔw fana
bɛna wuli ka taa u ɲɛw da dɔwɛrɛw kan.
Dɔkala Yusufu
JARA
Mariyetu KOYITE
Dɔkala Yusufu Jara
Journée internationale de la Jeune fille édition 2025.
Journée internationale de la Jeune fille édition 2025.
Mali - Etats-Unis.
Texte sur la phase éliminatoire de la coupe du monde.
Kalan ko kibaru.
Minisiriɲɛmɔgɔ ye balikukalan tɔgɔladon laɲɛnamayali lajɛ ɲɛmɔgɔya kɛ Bamakɔ lajɛkɛsoba Seyisebe (CICB) la. A ye hakililajigin kɛ, ko an bɛ don min na, a fasoden ɲɔgɔn ba caman ye balikukalan kɛ k’a sababu kɛ gɔfɛrɛnaman, sigidaw ani jɛɲɔgɔnw yiriwaliko la, olu ka c.
