O siratigɛ la, tile
wɔɔrɔ fɔlɔw tɛmɛnnen kɔfɛ, Mali bɛ jɔyɔrɔ 4nan na kulu I kɔnɔ ni kuru 9 ye Gana
kɔfɛ ; o ta ye kuru 15 ye, Komɔri ta ye kuru 12 ye, Madagasikari ta ye
kuru 10 ye. Sɛgɛw bɛ Santarafiriki Ni Cadi fila de ɲɛ. Santarafiriki ta ye kuru
5 ye, kuru 0 de bɛ Cadi bolo. An ka kunnafoniw na, balontanna minnu kofɔra
degelikaramɔgɔ Tɔmu Sɛnfiye fɛ Komɔri ani Gana kunbɛnniw na, ni Mali ni Komɔri
ka ɲɔgɔn kunbɛn ye sibiri nata in ye, siga bɛ Sɛgɛw ɲɛmɔgɔ Iwu Bisuma sɔrɔli
la ; sabula o joginnen don kabini utikalo tile 15 tɛmɛnnen in.
Mali sɛkasidondon in ma ye u ka tɔn « Totanamu » ka balontan fila si
la Angilɛjamana Ligi 1 na. Totanamu ye Burunileyi gosi (3-0) ka Mansɛsitɛri
Siti gosi (2-0). Femafuti kolatigɛkulu mɔgɔ dɔ y’a jira k’u ni Iwu Bisuama ka
dɔgɔtɔrɔ bɛ kumaɲɔgɔnya la k’a ka bana cogoya dɔn. Mali jigi b’a yeli kan
balontan fila dɔgɔdalenw na. Iwu Bisuma bɛ jogin tuma min na, o y’a sɔrɔ a ka
tɔn bɛ k’a dɛn kɛrɛfɛ Erɔpu Supɛrikupu ntolantanw na k’a sababu kɛ kolonbaliya
ye u ka sariyaw kɔrɔ. PSG ye sebaaya sɔrɔ u kan 4 ni 3 penalitanw kɔfɛ, k’a
sɔrɔ u ye filaninbin kɛ 2 ni 2.
Totanamu degelikaramɔgɔ Tomasi Faranki y’a jira kunnafonidilajɛ senfɛ, ko Iwu Bisuma ma na joona siɲɛ caman ; wa ko a siɲɛ laban yɛrɛ la a ye dan sagon kosɛbɛ. O de kosɔn a ɲangira. Iwu Bisuma si bɛ san 28 na. Totanamu y’a ta, o bɛnkan b’u cɛ fo san 2026 ; wa a bɛ sefawari miliyari 16,3 de don a dafɛ. Ŋununŋununw y’a jira ko Zoze Morino ka tɔn « Fenerbahçe » de ɲɛbɔlen b’a fɛ.
Dɔkala Yusufu Jara
Kalan ko kibaru.
Minisiriɲɛmɔgɔ ye balikukalan tɔgɔladon laɲɛnamayali lajɛ ɲɛmɔgɔya kɛ Bamakɔ lajɛkɛsoba Seyisebe (CICB) la. A ye hakililajigin kɛ, ko an bɛ don min na, a fasoden ɲɔgɔn ba caman ye balikukalan kɛ k’a sababu kɛ gɔfɛrɛnaman, sigidaw ani jɛɲɔgɔnw yiriwaliko la, olu ka c.
Discours à la Nation du président de la Transition, général d'armée Assimi Goïta. C'était dans la nuit du 21 au 22 septembre 2025, à l'occasion du 65ème anniversaire de l'accession de notre pays à l'indépendance.
Discours à la Nation du Président de la Transition, général d'armée Assimi Goïta, prononcé dans la nuit du 21 au 22 septembre 2025 à l'occasion de la fête anniversaire de la naissance du Mali, il y a 65 ans.
Fanga bɛ k’a ka baara yɛlɛma kura ni ɛnfɔrɔmatiki ye, o sennateliya.
Bamakɔ Bajoliba kininbolo kalanko ɲɛmɔgɔso ye balikukalan tɔgɔladon laɲɛnamaya juma sɛtanburukalo tile 12 san 2025, Kalaban-kura musow ka baaradegekalanso (CAFE) la. A kɛnɛ labɛnna bajoliba kininbolo kalanko ɲɛmɔgɔso fɛ ni Kalaban-kura « CAP » ka jɛɲɔgɔnya ye..
