Kiiri cɛli ka bɔ a dɔgɔ kɔrɔ, o sɔrɔla
basigiko cogoya fɛ dugu kɔnɔ ; n’o
ye kojugubakɛlaw ye binni min kɛ zandarama kalanyɔrɔ kan
Bamakɔ nɔnɔ. Wulayanfan fɛ kiiriso kuntigi Bamasa Sisɔkɔ n’a laadibaaw bɔra k’u sigi kɛnɛ kan. Dantigɛliw
daminɛna ni mɔgɔ jalakilenw jirali ye. Jamana ka hakɛw lafasabaa n’o ye porokirɛri ko ye, Kɔkɛ Kulubali y’a ɲinin
kiiriso fɛ, a ka kiiri in bɔ a dɔgɔ kɔrɔ ; sabula ko bin kɛra
zandarama kalanyɔrɔ kan ; ko mɔgɔ minnu jalakilenw minnu lamaralen don
bolo kɔrɔ nin kiiriko in na, olu caman bɛ yen.
A k’u labɔli yen, o gɛlɛyara u bolo kosɛbɛ. O siratigɛ la, u b’a ɲinin
kiiriso fɛ, a ka kiiri in bɔ a dɔgɔ kɔrɔ. A k’a b’o yaafa ɲinin kɛ jama fana fɛ.
An b’aw ladɔnniya, ko kunun kiiri
daminɛna ni mɔgɔ jalakilen 4 ye nafoloko ni wariko minisiri kɔrɔ Madamu Buwarɛ Fili Sisɔkɔ, jamanakuntigi kɔrɔ ka
baarakɛkulu kuntigi Mahamadu Kamara, Kolonɛli Nuhun Dabitawo ani zenerali Musutafa Darabo.
Dɔkala Yusufu JARA
Tamba CAMARA
Madamu Buwarɛ Fili Sisɔkɔ ye ɲɛfɔli kɛ, k’a jira k’ale ye wariko baara bɛɛ kɛ jɛlenya kɔnɔ ni ŋaniya ɲuman ye. A ko fana, ko jamanakuntigi ka pankurun sanna sefawari miliyari 18,5 ; nka ko miliyari 21 tɛ, i n’a fɔ kiiriso bɛ k’a sinsin jate min kan ka kɛɲɛ ni faso wagand.
