Fili Buwarɛ, ni nafoloko ni wariko minisiri kɔrɔ don, an’a tɔɲɔgɔnw kiirili baaraw daminɛna araba tɛmɛnnen in na. A daminɛna ni Madamu Buwarɛ Fili jɔli ye k’a ɲininka a nɔminɛkun na ; n’o ye sɛbɛn lankolonw dilanni, nkalontigɛ, faso nafolo burujali, yuruguyurugu, mɔgɔw hakili sonyani ani fisamanciya ye, pankurun dɔ sanni na Ala m’an hinɛna jamanakuntigi kɔrɔ Ibarahimu Bubakari Keyita la. Nɛgɛ kanɲɛ 10 tun sera, kiiritigɛlaw bɛ minisiri kɔrɔ in wele k’a jɔ u ɲɛkɔrɔ tuma min na.
Fili Sisɔkɔ ye kuma daminɛ ni banni ye a jalakikunw na. A y’a
jira k’u b’a la ka fɛn
o fɛn fɔ, ale nɔ t’a si la, wa ko ale ma dɔwɛrɛ kɛ a ka jamana ka baara kɔ. Nka
ko ni Ala sɔnna a ko tiɲɛ bɛna dɔn don nataw la, k’ale jɛya,k’a danbe segin a
ma.
Fɛn min ye jamanakuntigi
ka pankurun sanniko ye, Madamu Fili Sisɔkɔ ka fɔ la, ale sen ma don a ko si la, fo n’a kɛra wari labilali ye ; sabula
k’o tun tɛ ɲɛ n’ale bolonɔ tɛ. A k’ale ladɔnninana kow la u bannen kɔ ;
o dun y’a sɔrɔ sɛbɛnw bolonɔbilala kaban lafasa minisiri Sumeyilu Bubeyi Mayiga fɛ, fo ka sanni kɛli yamaruyasɛbɛn da a kan. A ko pankurun in sanni
koɲɛw tun bɛ minisiriɲɛmɔgɔ Umaru Tatamu Li, lafasa minisiri Sumeyilu
Bubeyi Mayiga, ani Madani Ture bolo. O Madani Ture tun bɛ faso ka baarakɛnafolo kunna.
Fili Sisɔkɔ y’a jira, ko gɔfɛrɛnaman tun labɛnnen don kaban pankurun sanni kama.
I n’a fɔ ale bɛ wariko kunna, a ɲininna ale fɛ dɔrɔn a ka wari labila ko sanni bɛna kɛ, sɛbɛn minnu tun dalen b’a kan olu tun
k’o kofɔ.
Kiiritigɛlaw ɲɛmɔgɔ Bamasa Sisɔkɔ ye ɲininkali kɛ, ko sanni sugu dicogo ma kɛ sariya kɔnɔ. Fili sisɔkɔ y’a jaabi ko pankurun sɔrɔli tun bɛ dakun min kɔnɔ, o tun tɛ sariya hukumu ye ; o de kosɔn a tun bɛ ka ɲɛɲinin cogoya kɛrɛnkɛrɛnnen na. A ko tuma si la, ale m’a ɲinin ka jamanadenw wɔɔsi don kunkalan na.
Kiiritigɛlaw ɲɛmɔgɔ ye ɲininkali wɛrɛ kɛ, ko pankurun in yɛrɛ sanna joli ? Minisiri kɔrɔ y’a jaabi ko a ka ca ni sefawari
miliyari 18,5 ye. Kiiritigɛlaw
ɲɛmɔgɔ y’a jira ko faso wagandenba ye
seereyasɛbɛn min di, o b’a jira ko wari min
donna a dafɛ, o ka ca ni
miliyaru 21 ye. Fili ko ale t’o da fɔlen in kalama. Kasɔrɔ sɛbɛn min jirala ale la, o fana bɔra faso wagandenba la Fili ka fɔ la. Bamasa Sisɔkɔ ye ɲininkali kɛ sefawari miliyari 7 ni kɔ kan jamana sɛgɛsɛgɛlikɛlaba ye min fɔ Sumeyilu Bubeyi Mayiga kan ? A
dabali banna o wari hakɛ
in na.
Minisiri kɔrɔ in y’a jira ko pankurun sanni tun
ma ɲɛsigi baarakɛnafolo kɔnɔ. O de kosɔn a
tun ɲininna minisiriɲɛmɔgɔ fɛ, a ka cogoya wɛrɛ ɲɛɲinin a la. A ko wajibi tun ye pankurun dɔ sanni ye ; sabula
jamanakuntigi ka taamaw na, u tun bɛ se ka sefawari miliyɔn 330 don pankurun luwanseli dafɛ kalo kɔnɔ.
Kiiriso bolo, pankurun sancogo de ye gɛlɛya ; n’o tɛ pankurunko yɛrɛ tɛ. U y’a jira ko dɔ de farala sansɔngɔ kan. Madamu Buwaɛ Fili Sisɔkɔ k’ale t’o kalama. A y’a jira k’ale
ma dɔwɛrɛ kɛ a ka jamana ka baara kɔ. Ko
pankurun bɛ yan, wa a sanni seereyasɛbɛnw fana bɛ yan, u bɛ se ka sɛgɛsɛgɛ.
Lɛrɛ 4 ni kɔ kɛra kɔrɔfɔw la, minisiri kɔrɔ in ma bɔ a kumakan kan. A k’a ma sɔn a jalakikunw ma
Dɔkala Yusufu JARA
Tanba KAMARA
Tamba CAMARA
Mali kanw ɲɛtaa soba (Amalan), gɛlɛyaw n’u ta bɛɛ, a banbannen don kan forobayalenw ɲɛtaa kan..
Cɛ saba minnu si b’a ta san 30 la ka se 40 ma, olu minɛna kɔsa in na Senu, Bamakɔ lamini na yen polisiso fɛ. Mɔgɔ fɔlɔ tɔgɔ ni jamu daminɛ tubabukan na, o siginindenw ye M.T ye san 33, filanan ta ye B.S ye san 40, sabanan ta ye A.S ye san 30. Siga kɛlen don nin cɛ saba la namaratɔ j.
Kiiri in daminɛna kunun dɔrɔn, jamanakuntigi ka pankurun ani lakananbaaw ka minɛnw sanniko kan, Bamakɔ kiiritigɛsoba (kuru dasizi) la, a cɛra k’a bila tarata wɛrɛ la sɛtanburukalo in tile 24..
