Polisiso ka fɔ la, namaratɔ minnu bɛ jɛkulu dɔ kɔnɔ dɛmɛnbaa bɛ min na Mali kɔkan. O dɔw bɛ Lajinɛ Konakiri, Faransi, Ruwayɔmu-Uni, ani fo Lamerikɛnjamana na. U ka baara kɛcogo la, a bɛ dɔn ko jɛkulu labɛnnenba don, min bɛ seko ni dɔnko fɛnw kanubaanciw kɔ kosɛbɛ. O la, u b’a fɔ k’o fɛn ninnu b’u bolo ; kɛrɛnkɛrɛnnenya la Dɔgɔnɔw ka jirimɔgɔninw. Olu dun man ka di kɔfɛmɔgɔw ye kosɛbɛ. N’u ye sannikɛla min ka dannaya sɔrɔ kaban, u bɛ musaka dɔw kofɔ o ye k’o sarali ye wajibi ye duwaɲɛso, donisara ani asuransiko la. U tɛgɛ mana da o wariw kan, u bɛ tunun pewu.
U ye sefawari miliyɔn 47 ntaraki mɔgɔ kelen na namara la o cogo la ten. U
kunnafoni dalen Senu komisariya tulo kan, sɛgɛsɛgɛliw daminɛna diwisiyonɛri Lasinɛ
Keyita fɛ. Yɔrɔnin kelen o n’a ka cɛdenw sera k’u tɛgɛ da cɛ saba in kan.
O kɛra mɛkalo in tile 13 san 2025. Mɔbili fila, moto fila, telefɔni
caman ka fara dɔgɔnɔw ka jirimɔgɔnin
duuru ka, olu sɔrɔla u bolo. O jirimɔgɔninw de tun b’u kun ka sannikɛlaw
ɲɛnamini n’olu ye. Tɛgɛ dalen u kan, u ye jɔn-ko-Ala fɔ, k’u ye mɔgɔw ɲɛnamini
ka wariba sɔrɔ ka nin fɛn ninnu san. U sɔrɔla k’u latɛmɛn kiiriso ma. Sɛgɛsɛgɛliw
bɛ sen na k’a dɔn n’u jɛɲɔgɔn tɔ bɛ yen halibi kofɔlenw kɔfɛ. Nka yanni o cɛ,
M.T, B.S an A.S bɛ kaso la fɔlɔ.
Dɔkala Yusufu JARA
Tamba CAMARA
Cɛ musocamantigi dɔw ka so, bɛrɛmakɛɲɛbaliya bɛ se ka na ni dusukasiw ye furumusow cɛ fo ka se furusa ma. Nka, siran bɛ kɛ min ɲɛ o la kosɛbɛ, o ye denw ka ɲɔgɔn fɛrɛfɛrɛ ye du kɔnɔ.
Sefawari dɔrɔmɛ tan. A b’i n’a fɔ o wari hakɛ in de dɔgɔyra kosɛbɛ mɔgɔ dɔw ɲɛna cɛnin kɛkun na k’a yɛrɛ sɔrɔ polisi la. Kasɔrɔ o tigi-tigi yɛrɛ don. A tile damadɔ ye nin ye Bamakɔ faaba komini dɔ la, Sotaramatamuso dɔ ye parantikɛ wele polisi la tajurusara kama..
An taganna balahu dɔ ma Sotuba kaburudo la Bamakɔ komini 1lɔ la. Denyɛrɛnin dɔ ɲɛnama su tun bɛna don sɔɔnin kunun ntɛnɛn zuluyekalo tile 21 san 2025 o kaburudo in na. A kɛra nɛgɛ kanɲɛ 16 waati la..
Ɲininkali minnu kɛra diinɛkow ni laadaw minisiri la, a ye hakililajigin kɛ diinɛ ɲɛmɔgɔw jɔyɔrɔba la mɔgɔw fununw fɔli la ɲɔgɔn kɔ an ka jamana kɔnɔ, ani kojugubakɛ ni dansagonwale suguya bɛɛ kɛlɛli la. A b’a ɲinin u bɛɛ fɛ u ka to jamana danbew kɔ.
Mali kanw ɲɛtaa soba (Amalan), gɛlɛyaw n’u ta bɛɛ, a banbannen don kan forobayalenw ɲɛtaa kan..
Madamu Buwarɛ Fili Sisɔkɔ ye ɲɛfɔli kɛ, k’a jira k’ale ye wariko baara bɛɛ kɛ jɛlenya kɔnɔ ni ŋaniya ɲuman ye. A ko fana, ko jamanakuntigi ka pankurun sanna sefawari miliyari 18,5 ; nka ko miliyari 21 tɛ, i n’a fɔ kiiriso bɛ k’a sinsin jate min kan ka kɛɲɛ ni faso wagand.
