Kasɔrɔ kow daminɛcogo
la, a tun ka surun ladamuni na mɔgɔw ɲɛna ka tɛmɛn tajurusara kan. Muso tun y’a
dabɔ ka cɛmin ladamu o kɛlen k’a dɔgɔya u ka mɔbili kɔnɔ wari tɔ segin nɔfɛ. An
bɛ Bulo tigɛ ka da parantikɛ in na k’o k’a tɔgɔ ye. Ale tun hakili la, ko a
bɛna a ko manamana tɛmɛn o cogo la ten k’a yɛrɛ laɲinɛ a ka fɔlenw kɔ ;
nka a bɔra a ye minɛn fɛrɛlen na.
Bamakɔ, ni ko bɛ mɔgɔ tɔɔrɔ, bonyabaliya ni nenini jugu ye dansagon ye wari
tɔ segin nɔfɛ Sotaramaw kɔnɔ. A dɔw yɛrɛ la parantiw ka kuma bɔlenfɔ bɛ degun
lase u ka kiliyan caman ma. Mɔgɔ o mɔgɔ ka Sotaramata ka ca dugubaw kɔnɔ, o y’u
ka maalankolonya seere ye. Tuma dɔw la a caman ye denmisɛnnin mugumuguninw ye, u
tɔɔrɔ ka bon, wa kalan t’a caman na. U ta ye yɛrɛsagokɛ dan bɛɛ ye.
A dun caman kɔlɔlɔntan tɛ, i n’a fɔ nin kɛra cogo min na. Nin don in na,
sɔgɔma taama kɛra bɔnɛ ye an bolo. An bɛ muso in wele Fatu. A bɔtɔ a ka so, a
tun ye fɛn bɛɛ miiri fo a ni paranti dɔ bɛna kari ɲɔgɔn na. Sɔgɔmanɛgɛ kanɲɛ 09
tun sera, Fatu bɛ bɔ a ka so waati min na Bamakɔ komini 6nan kin dɔ la ka
dugukɔnɔnan sɛgɛrɛ bajoliba fan dɔ fɛ. A bɔlen kɔ u ka da fɛ ka waatinin kɛ, a
garijɛgɛ diyara a sinna ka Sotarama dɔ sɔrɔ, ka don k’a sigi.
Kow teliyara ɲɔgɔn kɔ kojugu. Mɔbili fununko damanin dɔrɔn, muso ko
parantikɛ ma k’ale bɛ jigin. A tun ma sigi ni min ye o de bɛna a sɔrɔ. A y’a
jiginyɔrɔ fɔ. Sanni u bɛ se yen, muso ko a ka wari tɔ segin dɔrɔmɛ tan. O kuma
in ma bɛn parantikɛ ma hali dɔɔnin ; a cira ka yɛrɛkɛ muso kunnan. Jaga-jaga
n ta ka jugun, i bɛ n ta ka ɲin ka bulonda la. Fatu m’o diya a bolo fiyewu. A
y’a suuru cɛnin kan i ko sankisɛ, ka da kan o ka malobaliya kanfɔ kan. A y’a
lawuli a kama ka walanda ɲuman di a ma.
Muso in bɛ mɔgɔw la,
minnu tɛ ko bila ka suman abada ; kɛrɛnkɛrɛnnenya la n’i ye malobaliya ta
k’a sɛgɛrɛ. Min ye mɔgɔw dabali ban, cɛnin in si hakɛya kama, bonya kisɛ kelen
tun t’a ka kumaw kɔnɔ ka ɲɛsin a kɔrɔma ɲɔgɔnw ma. Kabini kow daminɛ na, Fatu
tun y’a ɲinin k’i yɛrɛ tanga a mantɔɔrɔ ma, a n’a den fila kana jigi ɲɔgɔn na. Nka
Bulo tulokun jalen kuwa, mɔgɔ si bonya t’a yɔrɔ. Nin ko suguyaw dun na, a bɛ fɔ
ko kun tɛ bɔ ko min na, muɲun t’o ɲɛ. Ko tun tɛmɛnna a dan kan. Fatu tɔɔrɔla, a
dimina. U mɔgɔ fila tora ka ɲɔgɔn dalaminɛ ni kuma kolonw ye.
Ka kuma juguw ni nenini juguw seri-seri ɲɔgɔn kan. Dalamankan m’a ɲɛ tuguni.
Muso in labanna ka taa ni cɛnin in ye a masurunna polisi la. Mɔbɔli kɔnɔ
mɔgɔ minnu tun tɔɔrɔlen don parantikɛnin da mango fɛ, u jɛra ka Fatu dɛmɛn k’a
saman ka se polisi la Sotaramajɔyɔrɔ masurunna na. Kumaw lakalilen kɔfɛ,
polisiw ye cɛnin datugu fɔlɔ a k’a yɛrɛ damadɔn. Sabula ko jugu ye mɔgɔ
karamɔgɔ ye.
O furancɛ la Fatu taara n’a yɛrɛ ye. A y’a jira ko a ye nin kɛ walasa ka
cɛnin dege mɔgɔ bonya na ; n’o tɛ dɔrɔmɛ tan nɔfɛko tun tɛ tuguni. Sofɛrikɛ
wajibiyara ka taa n’a ka kiliyanw ye. Lakalibaaw kɔni m’a dɔn cɛnin ka ko tɔ
kɛra cogo min na bilen ; nka min kɔni jɛlen don, a y’a ta a ɲinkini kan
nin don in na.
Dɔkala
Yusufu JARA
Tanba KAMARA
Tamba CAMARA
An taganna balahu dɔ ma Sotuba kaburudo la Bamakɔ komini 1lɔ la. Denyɛrɛnin dɔ ɲɛnama su tun bɛna don sɔɔnin kunun ntɛnɛn zuluyekalo tile 21 san 2025 o kaburudo in na. A kɛra nɛgɛ kanɲɛ 16 waati la..
Ɲininkali minnu kɛra diinɛkow ni laadaw minisiri la, a ye hakililajigin kɛ diinɛ ɲɛmɔgɔw jɔyɔrɔba la mɔgɔw fununw fɔli la ɲɔgɔn kɔ an ka jamana kɔnɔ, ani kojugubakɛ ni dansagonwale suguya bɛɛ kɛlɛli la. A b’a ɲinin u bɛɛ fɛ u ka to jamana danbew kɔ.
Mali kanw ɲɛtaa soba (Amalan), gɛlɛyaw n’u ta bɛɛ, a banbannen don kan forobayalenw ɲɛtaa kan..
Cɛ saba minnu si b’a ta san 30 la ka se 40 ma, olu minɛna kɔsa in na Senu, Bamakɔ lamini na yen polisiso fɛ. Mɔgɔ fɔlɔ tɔgɔ ni jamu daminɛ tubabukan na, o siginindenw ye M.T ye san 33, filanan ta ye B.S ye san 40, sabanan ta ye A.S ye san 30. Siga kɛlen don nin cɛ saba la namaratɔ j.
Madamu Buwarɛ Fili Sisɔkɔ ye ɲɛfɔli kɛ, k’a jira k’ale ye wariko baara bɛɛ kɛ jɛlenya kɔnɔ ni ŋaniya ɲuman ye. A ko fana, ko jamanakuntigi ka pankurun sanna sefawari miliyari 18,5 ; nka ko miliyari 21 tɛ, i n’a fɔ kiiriso bɛ k’a sinsin jate min kan ka kɛɲɛ ni faso wagand.
Kiiri in daminɛna kunun dɔrɔn, jamanakuntigi ka pankurun ani lakananbaaw ka minɛnw sanniko kan, Bamakɔ kiiritigɛsoba (kuru dasizi) la, a cɛra k’a bila tarata wɛrɛ la sɛtanburukalo in tile 24..
