Nεgε kanɲε 16 waati la, pankurunko cakεda min bε wele « Air Buraq », o cunna Modibo Keyita tɔgɔla pankurunjiginkεnε na Bamakɔ. Maliden 146 tun b’a kɔnɔ. O kεra ɔkutɔburukalo mɔgɔ nata hakε dafali ye. Kɔkanmalidenw ani Afiriki donɲɔgɔnna minisiri Mosa Agi Atahεri ka yamaruya kɔnɔ, maliden ninnu bisimilala a ka minisiriso ka baarakεjεkulu kuntigi Aserifu Agi Mohamεdi fε. Cakεda min ɲεsinnen bε tungarankew kunko ɲεnabɔli (OIM) ma, o ka cidenw ani siwiliw lakananni minisiriso ka cidenw tun bε kεnε kan. Bisimilaliw kεra hinε ni makari kɔnɔ. Mɔgɔ bisimilalenw y’a jira k’u hakili sigira sisan. O dɔnna Ala tanucogo la u fε, k’u lase hεrε ani baaden na u ka jamana kɔnɔ. Nin tungaranke minnu y’a ŋaniya ka kɔsegin u ka jamana kɔnɔ ; o nisɔndiya tun bε kɔlɔsi u la. Bisimilali kɔrɔfɔw kuncεlen, u y’u sεnsεn ka kɔkanmalidenw tɔgɔlaso magεn, ka tile saba kuntaala kε yen fɔlɔ, sanni u ka bila ka taa u ka denbayaw la. U sεbεnna jamana sεbεnw kɔnɔ o furancε la, ka furakεliw kε ani ka laadilikanw sɔrɔ. Kalo tεmεnnen in na n’o ye ɔkutɔburukalo ye i kɔrɔ, Maliden 600 ni kɔ kɔseginna faso kɔnɔ ni furancεlafanga ɲεmɔgɔw ka dεmεn ye. Abubakari TARAWELE Dɔkala Yusufu JARA
Dɔkala Yusufu Jara
Minisiriw ka tɛmɛnni kɔfɛ, Zenerali dediwisɔn Abudulayi Mayiga tun ye mɔgɔ welelen ye Mali Kura Taasira 3 jɛmukan kɛnɛ kan telewisɔnsoba la sibiri tɛmɛnnen in na, ka jɛmukan in sigili kuncɛ. Minisiriɲɛmɔgɔ da sera sisan masalakun gɛlɛn caman ma, jɔyɔrɔ saba b’ale min kelen .
Kunnafoni, numeriki sɔrɔ ni fanga ka baara yɛlɛma kura minisiri tun ye mɔgɔ welelen ye Mali Kura Taasira 3 jɛmukan kɛnɛ kan, min labɛnna Mali kunnafoni latɛmɛnni n’a gansili cakɛda (SMTD) la Kati sira la. O cogoya la, Alihamudu Agi Iliyɛni da sera ko jɔnjɔnba saba ma, minnu b’a k.
Furu ɲɔgɔn fatuli ye ko ye, min degun ka bon kosɛbɛ an sigida la furusira kɔnɔ cɛyanfan ani musoyanfan. Wa furu kura sɔrɔli a tigilamɔgɔ dɔ fɛ, o ka gɛlɛn n’a tɔ bɛɛ ye, ka da hakilila juguw kan.
Mali furancɛlafanga jamanakuntigi Zenerali darimɛ Asimi Goyita, tarata, sariya n°2025-029/ min tara zuluyekalo tile 08 san 2025 yɛlɛma donni na furancɛlafanga taabolo la, o waleyali yamaruya di, a ma dɔgɔkun kelen bɔ bulonba jɛnnen kɔ n’a ye..
Ala kana a kɛ, n’o tɛ ni jisonko kɛra, denbaya dɔw bɛ u sigiyɔrɔw bila. Dɔw yɛrɛ fana b’u sigi ka Ala makɔnɔ, ko a mana ɲɛ cogo min na.
Taamako cakɛdaw ka fɔ la, kasaara seereyasɛbɛn (PV) dilanni de bɛ waati jan ta. O de kosɔn k’u bɛ se ka dɔ da kalo kan tuma dɔw la fo ka se san ma, k’a sɔrɔ asurelen ma bila a hakɛ kɔnɔ.
