Anefisi sɔrɔli
kojugubakεlaw la sibiridon Mali sɔrɔdasiw
fε, o ye koba y’u bolo Minusima dagayɔrɔ tɔ
bεε lasɔrɔli
la. Nka i bε kεlε min don, a ma ɲε
o kɔ. Anefisi ye
Kidali donda ye.
Fo n’a bɔra
Minusima dagayɔrɔ
min tun bε Bεri, o lasɔrɔli
la, Ogosagu, Gundamu ani Menaka, olu taw lasɔrɔli
ma gεlεya utikalo tile 1lɔ
n’a tile 31 cε san 2023. Bεri tun kεlen bε kojugubakεlaw dagayɔrɔ
kεrεnkεrεnnen ye ko jugu suguya bεε dɔ
kεli kama. O de kosɔn
u y’u fasa fili kosεbε k’a ɲinin
ka yen donni bali sɔrɔdasiw
la ; sabula o tε ɲuman
ye olu ma.
U y’o kangali kelen fari da Minusima dagayɔrɔ
latεmεnni dakun filanan baaraw daminεnen, k’a ta sεtanburukalo tile 1lɔ
la, n’o bε kuncε desanburukalo tile 31 san 2023. O sarati in kɔnɔ,
Minusima dagayɔrɔ
minnu bε Tesaliti, Agelihɔku,
Kidali ani Duwazan, olu bε latεmεn Mali sɔrɔdasiw
ma. Mɔgɔ b’i
yεrε ɲininka, mun bε
nin ko jukɔrɔ
dagayɔrɔ labanw latεmεntɔ ? sabula a b’i n’a fɔ kojugubakεlaw tε ka jεn ni
diɲε tɔnba ka basigisatilijεkulu ka sariya 2690 waleyali ye tuguni a ɲεma. Binkanniw
cayara jamana fan caman fε. Baton « Tumutu » bonna ni mugu jugu ye. U ye dan
kari sɔrɔdasiw
dagayɔrɔw
la Lere, Burεmu ani Jura. I t’i miiri
yɔrɔ si la, jamana in kɔnɔ, kojugubakεla ninnu n’u dεmεnbaaw ma dan kari min na.
Hakililajigin na, diɲε
tɔnba ka basigi
sabatilijεkulu ye sariya 2690 ta, k’a jira ko Minusima ka baara bε ban Mali kɔnɔ.
O siratigε la, a bε bɔli daminε zuluyekalo tile 1lɔ la, k’a kuncε
desanburukalo tile 31 san 2023. O de kosɔn
gɔfεrεnaman ye
jεkulu fila sigi senkan bɔlibaaraw
kɔlɔsili
kama. Gɔfεrεnaman ni
Minusima yεrε ye sigiko caman kε o labεnw na. Sabula u bεnna a kan, ko Minusima
mana a dagayɔrɔ
min labila, o bε latεmεn Mali sɔrɔdasiw
ma.
O de kosɔn,
Mali sɔrɔdasiw
wajibiyalen don k’a ɲinin
ka jεnsεn jamana dugukolo fan bεε fε. O hukumu kɔnɔ,
gɔfεrεnaman min
hami ye jamana ka yεrεmahɔrɔnya
yεrε-yεrε sɔrɔli
ani jamana kelenya sabatili ye, o ye Minusima dagayɔrɔ kɔrɔw
sigili baaraw daminε. O de tε ka bεn bεn juguw n’u tulokɔrɔdiyabaaw
ma, n’u b’a la ka balan da sɔrɔdaisw
ɲε o kow
la ; kasɔrɔ
Mali ni diɲεtɔba
bεnna o kan.
Wa a bɔra
da o da fε, sɔrɔdasiw
sigili Minusima dagayɔrɔ kɔrɔw
la, seginkɔ tεna k’o la
bilen, jamana kelenya ɲininni
nasira la. Mali sɔrɔdasiw
ka kunnafoniko cakεda (Dirpa) ɲεmɔgɔba
Kolonεli-Mazɔri Suleyimani Danbεlε
ka fɔ la, A’ ka cε
farinw, a’ den laadiriw b’o kεlε kε fo ka se a dan na, jamana ka to kelen ye, a
tε tila.
Kabini furancεlafanga latilenni daminεna san
2021, kεlεminεnw ɲininni
ka bila sɔrɔdasiw
ka bolo kan, jamana ɲεmɔgɔw
y’o kε u kunkɔrɔko
ye. O de kosɔn
sɔrɔdasiw
b’a la ka kεlεw sebaaya minnu sɔrɔ
sisan, o sababu ɲuman
dɔ ye kεlεminεn
suguya cayali ye u bolo. A bε kalo damadɔ bɔ,
lafasa ani sɔrɔdasi
kɔrɔw
ka minisiri Kolonεli Sajo Kamara ye jamana juguw lasɔmin,
ko hali n’u donna mεnεmεnεdingε kɔnɔ
kuluwow la walima tufinw kɔnɔ, sɔrɔdasiw tεna a to u la, n’u y’a ɲinin k’u kanga
olu ni dagayɔrɔ ninnu donni cε.
Juguw bε ka binni minnu kε sigidalamɔgɔw
kan, o ye fagubaatɔya
de y’u bolo, k’u ka dεsε kofɔ. U
ka da a la, k’u tεna lafiya tuguni sɔrɔdasiw
bolo. U mana don yɔrɔ o
yɔrɔ
la, sɔrɔdasiw
b’u ɲinin k’u ni
tigε ni bɔmuw ni nεgεden
kalamanw ye.
Masa Sidibe
dɔkala Yusufu Jara
Dɔkala Yusufu Jara
Ciden minnu bε Malidenw yεrε dama cε sigikafɔba kεnε kan, u y’a ŋaniya kumaɲɔgɔnya sigikafɔ in da ka yεlε kojugubakεlaw ye, ka silamεdiinε dungew don an n’u cε kɔrɔfɔw la. U y’a ɲinin fana, ko ka kuranko gεlεya furakε joona walasa hakilisigi ka na mɔgɔw la.
Faso tɔgɔla sigikafɔba min daminεnen filε, o bεna kε sababu ye Malidenw ka kumaɲɔgɔnyaw kε u ni ɲɔgɔn cε ka furaw dajira gεlεya kofɔlenw na. A ka kan ka se ka hadamadenya juru caanin an cε, ka dɔ fara ku-ɲɔgɔn-kan fanga kan ani ka na ni bεn kutaala jan ye..
Furancεlafanga jamanakuntigi Kolonεli Asimi Goyita ye laseli kε tarata awirilikalo tile 30 san 2024, ko gɔfεrεnaman bε sεnε kεfεn minnu di, tεmεn bε kε n’o ye. O siratigε la, angεrε (ire) kg50 bɔrε ye sefawari dɔrɔmε ba fila ani kεmε seegin (d2 800) ye, farafinnɔgɔ kg50 .
San o san mεkalo tile 1lɔ ye baarakεlaw tɔgɔladon ye diɲε kɔnɔ. O hukumu kɔnɔ, Mali baarakεlaw lafasatɔn minnu bε UNTM jεkuluba kɔnɔ, olu ye yεrεjirataama kε jamana ka yεrεmahɔrɔnya kεnεba kan. A kεra kεnε ye, min kɔrɔfɔw bolila hadamadenya basigili ni ɲεtaa laɲini.
Mali sɔrɔdasiw ye kojugubakεla Hugo faga Indelimani kεlεdaga la Gawo mara la. Kabini Mali y’a ŋaniya k’a mεru don Irisijamana na sɔrɔdasiko nasira la, an ka lakananbaaw b’a la ka sebaayaw sɔrɔ dɔrɔn kojugubakεlaw kan..
UNTM biro kura mɔgɔ ye 53 ye. U ye lahidu ta, ko furakεcogo ani laɲinin minu kεra a ka sigikafɔw senfε, olu bεna kε sisinnan ye sarati kura in kɔnɔ.