O sira kelen fε, Moti mara kɔnɔ yen tuguni, kεrεnkεnnenya la Boni, ka sɔrɔdasiw to mununmununsaalo la, u ye sira tigε kojugubakεla mototigi dɔw la. Jaabi min sɔrɔla fɔlɔ, o ye ko kojugubakεla caman fagara, k’u ka motow jenin, ka marifaw ni kunnafonidiminεnw minε u la.
O jumadon kelen in na, nεgε kanɲε 15 waati la, ka sɔrɔdasiw kundalen to Anefisi kan, u ka sira sennasumanyana k’a sababu kε u ni kojugubakεlaw karili ye ɲɔgɔn na. Sɔrɔdasiw ka mugu farinya kosɔn, kojugubakεlaw y’a fisaya ni taama ye. U ye kɔseginbεlε da. Sɔrɔdaisiw sera ka sira sɔrɔ o kɔfε, k’u taayɔrɔ magεn.
Sɔrɔdasiw ɲεmɔgɔba ka fɔ la, u tigεlen don a kan, ko Minusima bεna a dagayɔrɔ fεn o fεn labila, olu bε sigi yen, diɲε tɔnba ka basigi sabatilijεkulu ka sariya 2690 min tara zuwεnkalo tile 16 san 2023, ka kεɲε n’o kɔnɔko ye.
Kalo saba laban ninnu na, sɔrɔdasiw ye kabako da bεn juguw kan jamana kɔrɔnyanfan fε ; wa u bε to o kan kojugubakε kεlεli la.
Abubakari Tarawele
Dɔkala Yusufu Jara
Tasuma kasaara dɔ kɛra kunun ntɛnɛn nowanburukalo tile 10 san 2025 KAFO JIGINƐW dagayɔrɔ la ACI 2000 kɔnɔ Bamakɔ. Sapɛri-pɔnpiyew ka wuli ka jɔ joona ani baara kɛtaw mabɛnni kosɔn, kasaara in sera ka dalasa a tuma na mɔgɔ si kelen ni ma to a la. An ye kunnafoniw sɔrɔ Bamakɔ mara.
Ni kumaɲɔgɔnya dɔgɔyara furu kɔnɔ, a bɛ fiɲɛ bila kowkɛcogo ɲuman na furu ɲɔgɔnw cɛ. Sigi gɛlɛyali sababu dɔw bɛse ka kɛ, ɲɔgɔn faamubaliya, yaafabaliya, erezo sosiyowkɔlɔlɔ ani k’i furu ɲɔgɔn jate i n’a fɔ nkunankunan tɛ mɔgɔmin na.
Kunnafoni, numeriki sɔrɔ ni fanga ka baara yɛlɛma kura minisiri ye Mali ka kunnafoni ni lagamuni cakɛda (Amap) ka baara kɛtaw wulili kura ye o ɲɛmɔgɔya kɛ kunun ntɛnɛn ɔkutɔburukalo tile 27 san 2025 Bamakɔ lajɛkɛsoba Seyisebe (CICB) la..
A bɛ tile caman bɔ sa, Mali faaba Bamakɔ tajiko gɛlɛya fanga ka bon yen, o bɛ ka jama dɔgɔya siraw kan k’u tonnen ton tajitayɔrɔw la. Nka o degun n’a ta bɛɛ, mɔgɔw b’a la k’u kologɛlɛya, ka muɲun a ko kɔrɔ, k’a ɲinin ɲɔgɔn fɛ halibi u k’u fanga kɛ kelen ye.
Gɔfɛrɛnaman ye kalanw jɔ fɔlɔ k’a daminɛ ɔkutɔburukalo tile 7 san 2025 jamana fan bɛɛ fɛ ; kalanw wulili kura ye kalo in tile 10 ye..
Ɲɔgɔndɛmɛn ani dɛnkɛrɛ kɛlɛli kalo hukumu kɔnɔ ani musow ka hɛrɛ ɲɛtaa kama, muso, den ni denbaya ɲɛtaa minisiri Madamu Jara Jɛnɛba Sanɔgɔ taara a ɲɛ da Sabalibugu sugu kan sibiri tɛmɛnnen in Bamakɔ faaba komini 5nan na..
