Minisiriw y’u ka laadalatɔnsigi kɛ
desanburukalo tile 3 san 2025 jamanakuntigiso la Kuluba, a ɲɛmɔgɔya tun bɛ
furancɛlafanga jamanakuntigi Zenerali darimɛ Asimi Goyita bolo. Don baara bolodalenw
fɛsɛfɛsɛlen kɔ, minisirilajɛ ye :
- mɔgɔ dɔ sugandi ka bila jɔyɔrɔ dɔ la ;
- ani ka kumaɲɔgɔnyaw lamɛn.
MƆGƆ
DƆ SUGANDILI KA BILA JƆYƆRƆ DƆ LA
Minisirilajɛ ye mɔgɔ kelen sugandi ka bila
jɔyɔrɔ dɔ la.
NAFOLOKO
NI WARIKO MINISIRISO
- Duwaɲɛsow ɲɛmɔgɔba :
N balimakɛ Sɛkina Amala JALO, duwaɲɛko ɛnsipɛkitɛri.
KUMAƝƆGƆNYAW
DAKUN
1.
Ka kɛɲɛ ni kunnafoni, numeriki sɔrɔ ani fanga ka baara yɛlɛma kura minisiri ka
laselisɛbɛn kɔnɔko ye, minisirilajɛ ko a ye kunnfonisɛbɛn lakomɛn sibɛrikiriminaliteko
fɛɛrɛ kan Mali la ani a waleyacogo san 2026-2030 kɔnɔ.
Sibɛrikiriminalite ye hadamadenw ani
wariko fɛɛrɛw ye minnu bɛ bila senkan ka jigisigi kɛ lasɔrɔli la basigi kɔnɔ,
ka fara fɛnw an’u kɔnɔkow labaaraliko ɲuman dannaya kɔnɔ kunnafoni labaarabaaw
kama.
A kɛlen bɛ diɲɛ haminankoba ye ka da
dankarili waleyaw taacogo kan ani a tiɲɛni fanga wariko la jamanaw ani cakɛdaw
kan.
Sariya caman talenw n’u ta bɛɛ, fɛɛrɛ mabɛnnen
ntanya faso fɛ, o bɛ baara kɛbaa kelenna bila ka hakilila ta k’a ɲinin ka jaabi
sɔrɔ a yɛrɛ haminankow la.
Nin fɛɛrɛ in, n’a laɲinin ye ka dɛsɛkow wo
fa, a sinsinnen don bɔlɔ saba kan :
- yɛlɛma ɲuman donni sibɛrikiriminalite maracogo
la ;
- dɔ farali sibɛrikiriminalite seko n’a dɔnko
kan ;
- lakananni ka bɔ basibibaliya faratikow
ma.
Faso ka sibɛrikiriminalite fɛɛrɛ mabɛnnen
don ni gɔfɛrɛnaman karankow ye, fanga ka baara kɛli ɛntɛrinɛti sira fɛ o b’o la
ani a bɛ « Mali Kura ɲɛtaasira ka bɛn san 2063 ma » o kɔnɔ ani faso ka fɛɛrɛ ɲɛtaa
ani yiriwali kuntaala jan kɔnɔ san 2024-2033 kama.
2.
Kiiriko, hadamadenw ka hakɛw labatoli minisiri ye minisirilajɛ ladɔnniya :
a.
yuruguyurugu kɛlɛli diɲɛ kɔnɔ, o don kɛnkɛrɛnkɛrɛnnen laɲɛnamayali la, san 2025
ta.
Ka kɛɲɛ ni diɲɛ jamana tɔw ye, an ka
jamana bɛ yuruguyurugu kɛlɛli diɲɛ kɔnɔ o don kɛrɛnkɛrɛnnen laɲɛnamaya
desanburukalo tile 9 san 2025, a masalakun ye : « ka fara denmisɛnya kan
yuruguyurugu kɛlɛli la : ka tilennenya labɛn ka bila sini ɲɛ ».
O laɲɛnamayali in hukumu kɔnɔ, baara
suguya caman bɛna waleya walasa ka se ka jama lafaamuya yuruguyurugu kɛlɛcogow
kan ani faso nafolo an’a ka wari burujali kɛlɛcogo kan.
b.
jamana taamasiyɛnw mabɛnni an’u labaaracogo tako 2nan dɔgɔkun kelen wulikajɔ
labɛnni desanburukalo tile 8 ka se a tile 12 ma san 2025.
Nin tako 2nan in bilalen bɛ « san
2025, seko ni dɔnko san » hukumu kɔnɔ, a laɲinin ye ninnu ye :
- ka jamana fanga ja an’a dannaya lakanan
n’a taamasiyɛnw an’a ka waleyaw ye ;
- ka jamana kɔrɔ, a ka waleyaw hakɛ an’a
ka yecogo jira ani k’u ɲɛtaa sira don fasojama kun na ka kɛɲɛ ni fangabulonw
taacogo ye ;
- ka labaarabaaw kalan ani k’u lafaamuya
jamana taamasiyɛnw burujali an’u lagosili faratiw la ;
- ka kumaɲɔgɔnya kɛ seko ni dɔnko jɔyɔrɔ
an’a nafa kan jamana taamasiyɛnw kɛli la an ta ye k’u kɛ hakili ladamuni fɛɛrɛ
ye ani ka fasoden ɲumanya taabolo don jamanaden bɛɛ kun na, kɔkanmalidenw b’o
la.
Nin tako 2nan in ɲɛsinnen bɛ minnu ma kɛrɛnkɛrɛnnenya
la o ye seko ni dɔnk labaarabaaw ye.
3.
Jiko ni yeelenko minisiri ye minisirilajɛ ladɔnniya, Airiki mini-erezo baarabolodalen
baaraw daminɛni na nowanburukalo tile 27 san 2025.
O poroze in laɲinin ye ka kuran jɛlen lasɔrɔli
senkɔrɔmadon ni cogoya ɲuman yiriwali ye mini-erezow feereli kama, u dicogo, u
musakacogo kura, dɔ farali delili la waatiyɛlɛma na baara in kɛyɔrɔw la, olu
b’o la, ani ka jirikɛnɛkogoba hakilila senkɔrɔmadon.
Ni baaraw kuncɛra, poroze in b’a to tile
kuran kilowati 309 a dɔgɔyalenba, ka se ka dilan ani ka kilowati 754 sɔrɔ ka
lamara batiriw kɔnɔ, ka mini-erezo 1.752 kura sigi, mɔgɔ 8.665 k’u nafa sɔrɔ
ani ka caman bɔ funteni saman gaazi hakɛ la.
4.
Sɛnɛ minisiri ye minisirilajɛ ladɔnniya, Mali yeli la ja kɛlɛli saheli kungo kɔnɔ
o tɔnba minisiriw ka lajɛba 60nan kɛnɛ kan nowanburukalo tile 25 san 2025, Njamena,
Cadi faaba la.
Lajɛba 2nan in kɛnɛ kan ja kɛlɛli saheli
kungo kɔnɔ o tɔnba sekeretɛri ye laselisɛbɛn jira ka bɔ san 2024 ɔkutɔburukalo
la ka se san 2025 ɔkutɔburukalo ma ani marayɔrɔ ka lajɛba 32nan laselisɛbɛn kɔlɔsili
baarabolodalen kan, o min kɛra nowanburukalo tile 11 ka se a tile 13 ma san
2025, Wagadugu, Burukina Faso faaba la.
Marayɔrɔ ka kɔlɔsili baarabolodalen jɛkulu
ka lajɛba 32nan in ye laɲininw kɛ ka ɲɛsin ja kɛlɛli saheli kungo kɔnɔ o tɔnba
in ma ani tɔndenjamanaw ka jɛkuluw ma ani ka poroze 13 dajira minisirilajɛ la a
k’a hakilila di olu kan.
5.
Cakɛdako, baarako ani baaradege minisiri ye minisirilajɛ ladɔnniya san 2025-2026
kalanw daminɛni na ani Dɔyila baaradegekalanyɔrɔ lakurayali baaraw daminɛni nowanburukalo
tile 13 san 2025.
O daminɛni in b’a ɲinin ka baara kɛbaaw
wuli ka jɔ ani ka baaradege ɲɛtaa sabati baarako kama Mali kɔnɔ min b’a to yɛlɛma
ɲuman bɛ se ka don kalanyɔrɔw lasɔrɔli hakɛ la.
Dɔyila baaradegekalanyɔrɔ lakurayali
baaraw daminɛni bɛ faso ka degelikalanyɔrɔw lakurayali ani kuraw jɔli hukumu kɔnɔ.
Baara ninnu musaka sefawari miliyari 6 ani
miliyɔn 847 ani ba 66 ani 400 bɛ bɔ jamana ka baarakɛnafolo la. Baaraw kuntaala
ye kalo 6 ye.
A lajɛ senfɛ, furancɛlafanga jamanakuntigi
tun ye musaka min di mɔgɔ 200 kama, olu y’u ka kalanw kuncɛli seereyasɛbɛnw sɔrɔ.
6.
Izininko ni jago minisiri ye minisirilajɛ ladɔnniya, C4 + Kɔnɔwari mabɛnni
minisiriw ka lajɛba 9nan kuncɛlikanw na, min kɛra nowanburukalo tile 26 ka se a
tile 28 ma san 2025, Bamakɔ.
Gɔfɛrɛnaman minisiri caman yera in lajɛba
9nan in kɛnɛ kan ; Burukina Faso izininko, jago ni bololabaara minisiri, Ɛndujamana
ni Berezili lasigidenw Bamakɔ ani maaba caman wɛrɛw tun bɛ yen.
Nin lajɛ in senfɛ, minisiriw k’u ye
lasigidenw ka baara kɛlenw laselisɛbɛn komɛn Zenɛnfu, k’u sɔnna a kɔnɔko ma :
- C4 + Kɔnɔwari ka fɔkabɛn fɛɛrɛ ani a ka
kuntilennasɛbɛn, diɲɛ jagoko tɔnba ka lajɛba 14nan kama, o min bɛna kɛ
marisikalo nata in san 2026 Kameruni ;
- bɛnkan C4 + Kɔnɔwari fɔkabɛn kan diɲɛ
jagoko tɔnba minisiriw ka lajɛba kama ;
- C4 + Kɔnɔwari ka Bamakɔ laseli diɲɛ
jagoko tɔnba minisiriw ka lajɛba 14nan kama ;
- C4 + Kɔnɔwari lajɛba 9nan kuncɛkanw
Bamakɔ.
Minisiriw bɛnna a kan fana :
- ka tɛmɛn ni fɔkabɛnw ye C4 + Kɔnɔwari laɲininw
sabatili kama k’u sinsin ɲɛtaa sɔrɔlenw kan Bali ani Nayirobi ;
- ka dusu don jɛɲɔgɔnya kuraw ka fɔlen kɔnɔ
kɔɔri bayɛlɛmaniko la ;
- ka dusu don ɲininni ani ko kuraw
yiriwali kɔnɔ ani ka C4 + Kɔnɔwari jɛɲɔgɔnw wele u ka baara in senkɔrɔmadon ;
- ka kɔɔri tɔgɔladon diɲɛ kɔnɔ o laɲɛnamayali
ɲɛtaa sabati ka taa a fɛ ;
- ka kɔɔri tɔgɔladon diɲɛ kɔnɔ, o san 2026
laɲɛnamayali kɛ C4 + Kɔnɔwari jamana dɔ faaba la.
7.
Kɛnɛyako ni hadamadenya yiriwali minisiri ye minisirilajɛ ladɔnniya banako
cogoya la an ka jamana kɔnɔ, kɛrɛnkɛrɛnnenya la dɔ farali sumayaba ka mɔgɔ minɛnen
hakɛ kan ka sanga ni dɔgɔkun tɛmɛnnen ta cogoya ye.
Furancɛlafanga jamanakuntigi bɛ wele bila
jamanadenw ma, dabali minnu tigɛra banaw kunbɛnni an’u furakɛli la k’olu labato
a ɲɛma.
Bamakɔ, desanburukalo tile 3 san 2025
Gɔfɛrɛnaman sekeretɛri zenerali,
Birama KULUBALI
Sewaliye delɔrɔduru nasiyonali
Dɔkala Yusufu Jara
Amélioration de la crise du carburant.
Arbitres.
Année de la Culture.
Page noire.
Sortie de promotion à l'EMIA.
Sport.
