Minisiriɲɛmɔgɔ
Zenerali de diwisɔn Abudulayi Mayiga, alamisa desanburukalo tile 4 san 2026, a
ye jamana diinɛtɔnw ka cidenw bisimila ka laseli k’u ye ko don nataw la jɛkulu
bɛna sigi min b’a janto fura sɔrɔli la ɲuguntɔ kumaw na ka ɲɛsin diinɛ ani
diinɛɲɛmɔgɔw ma.
Mali Egilizi
katolikiw ka ciden Daniyɛli Kulubali, Egilizi porotɛsitanw ka ciden ereferan Dr
Nu Agi Infa Yatara, ka fara Mali silamɛdiimɛ tɔnba ka ciden Sɛki Mohamɛdi Maki
Ba kan, olu tun bɛ kɛnɛ kan.
Nin lajɛ in
hakilila bɔra furancɛlafanga jamanakuntigi Zenerali darimɛ Asimi Goyita la, ka
da ɲuguntɔ kumaw cayali kan ka kɛ bagabagali ye hadamadenya donɲɔgɔnna ma ani
ka foroba basigi ɲagami.
Kɔlɔsili
jɛlen don : Diinɛɲɛmɔgɔ caman jɔrɛlen don kɔsa in na walima u datugura k’a
sababu kɛ kumakanw ye, minnu bɛna ni fitinɛ ye.
Minisiriɲɛmɔgɔ
ka fɔ la, jɛkulu in sigili bɛna kɛ paraɲɛ jan kɛlen ye ka taa madali, bɛn ani
basigi ma. A bɛna kɛ jɛkulu ye diinɛ bɛɛ ka ciden ani tɔn minnu tɛ politikitɔnw
ye olu ka cidenw bɛna ye min kɔnɔ, walasa ka se ka dɛmɛn don a ɲɛma foroba
kumaw kɛcogo mabɛnni na.
Minisiriɲɛmɔgɔ
sinsinna fura kura kuntaala jan sɔrɔli kan bɛnkan kɔnɔ, min bɛna a to
diinɛɲɛmɔgɔw bɛ se k’u ka diinɛ baara kɛ kannabila kɔnɔ foroba basigi labatoli
kɔnɔ.
Nin taabolo
in ye furancɛlafanga ɲɛmɔgɔw ka yecogo ye ka kuma juguw kunbɛn, ka dɔ bɔ
hadamadenya fɔɲɔgɔnkɔw faratiw la ani ka dusu don fɔkabɛn ɲuman kɔnɔ kow la,
minnu ye sigimajɔko ye dannaya ma.
Diinɛtɔnw ka
cidenw y’a jira k’u wasara ni jamana ɲɛmɔgɔw ka laseli ye. U k’u bɛna u seko kɛ
gɔfɛrɛnaman dɛmɛnni na nin tɛmɛnsira in kɔnɔ, ani k’a jira fana k’a ɲuman ye ka
diinɛko taabolo labɛn ka ɲɛ.
Ciden caman
ye kuma juguw jonbolocogo lagosili kɛ ani diinɛw kɔrɔmatigɛliw. Jɛkulu sigita
min kofɔra, o bɛna sɔn ka kɛ sababu ye ka dansagonwalew bali. U y’a jira ko u
labɛnnen don ka gɔfɛrɛnaman dɛmɛn jɛkulu in sigili la senkan.
Dɔkala
Yusufu JARA
Suleyimani SIDIBE
Dɔkala Yusufu Jara
Visite du PM du Niger.
Réflexion sur la démocratie.
Transfert de compétence.
Semaine nationale de l'harmonisation des symboles de l'Etat.
Vote de loi de finances 2026.
Rencontre sur l'AES.
