Minisiriɲɛmɔgɔ
Zenerali de diwisɔn Abudulayi Mayiga, alamaisa desanburukalo tile 4 san 2025, a
ye saheli kungo jamanaw ka kɔnfederasɔn (AES) jamanakuntigiw ka lajɛba 2nan kolabɛnjɛkulu
ka lajɛ ɲɛmɔgɔya kɛ minisiriɲɛmɔgɔso la. Baaraw sera k’a to labɛnw bɛ dakun min
na o ka se ka dɔn. AES jamanakuntigiw ka lajɛba filanan bɛna kɛ nin
desanburukalo in na Bamakɔ.
Mali bɛna
kɔnfederasɔn jamanakuntigiw ka lajɛba 2nan bisimila desanburukalo tile 22 ka se
a tile 23 ma san 2025. Nka minisiriw bɛ fɔlɔ k’u lajɛ kɛ kalo tile 20 ka se a tile 21 ma,
o b’a sɔrɔ u baarakɛlaw y’u ta kɛ kalo tile 15 ka se a tile 18 ma.
Minisiriɲɛmɔgɔ ye labɛnw ɲɛtaa sɔrɔlenw fangabulonko nasiraw la, o foli kɛ, kojugubakɛ
kɛlɛli hukumu kɔnɔ dipulomasi mabɛnni kɔnɔ AES tɔndenjamana saba ninnu cɛ. A
seginna ka gɔfɛrɛnaman ŋaniya jira labɛn in kɛli la k’o kɛ misali ye ani
bisimilako ɲuman ka kɛɲɛ ni Mali furancɛlafanga seko ye.
Kɔkankow ni diɲɛ tɔnbaw cɛ koɲɛnabɔ minisiri Abudulayi Jɔpu ye fɛɛrɛ tigɛlenw
ɲɛfɔ ani bolifɛnw ni minɛn suguya minnu bɛ bolo kɔrɔ bisimilali in sabatili
kama. Kolabɛnjɛkulu mɔgɔw fana seginna k’u ka wulikajɔ jira ani k’a ɲinin
nɔgɔya ka k’u ye min b’a to u bɛ se ka labɛnni baara kɛta labanw dagu koɲuman.
Dɔkala
Yusufu JARA
Suleyimani SIDIBE
Dɔkala Yusufu Jara
Rencontre Primature.
VBG.
Conseil des ministres.
Amélioration de la crise du carburant.
Arbitres.
Année de la Culture.
