Minisiriɲɛmɔgɔ
Zenerali de diwisɔn Abudulayi Mayiga ye minisirijɛkulu min ɲɛsinnen bɛ gɛlɛyaw
ani kasaaraw tɔpɔtɔli ma, o ka dɔgɔkun lajɛ ɲɛmɔgɔya kɛ kunun tarata
desanburukalo tile 1lɔ san 2025, ka sinsin tajiko gɛlɛya kan.
Minisirijɛkulu
y’a jira ko wasa kɛra fɛn kɛrɛnkɛrɛnnenw ladonni nasira la, ani k’a ɲinin
kɔnkoma fɛɛrɛ dɔ ka boloda san 2026 sunkalo kama.
Fɛn min ye tajiko ye, jago ni izininko minisiri Musa Alasani Jalo y’a sɛmɛntiya,
ko bolonɔ bilala bɛnkansɛbɛn min na nowanburukalo tile 21 san 2025 ni taji
julabaw ye, o bɛ ka waleya a ɲɛma, ka sitɛrininw mɛɛnnenba kuntaala kɛ lɛrɛ 24
ye duwaɲɛso la. O dabali in sera k’a to « caman ka bɔ jɔ-jɔliba la ɲɔgɔn kɔ » taji
nɔfɛ ani ka yɛlɛma ɲuman don taji sɔrɔcogo la Bamakɔ ani marayɔrɔ tɔw la.
Gɛlɛyaba tun bɛ marayɔrɔ minnu ta la, i n’a fɔ Moti, San, Kucala, Dɔyila, Nara ani
Banjagara, yɛlɛma ɲuman b’a la ka don olu fana ta la k’a sababu kɛ sitɛrininw
dandanni ye lakananbaaw fɛ. Dabali wɛrɛw bɛ sen na walasa yɔrɔ minnu bɛ jate
yɔrɔ juguw ye halisa k’olu basigi.
Minisiriɲɛmɔgɔ ye yamaruya di dɔ ka fara jago kɔnnen kɛlɛli fanga kan ani ka
taji sɔrɔcogo jugu bali. Minisiri Musa Alasani Jalo ka fɔ la, ko minnu b’a la
ka kɔlɔsi olu b’a jira ko « bɔ bɛna kɛ joona » gɛlɛya in kɔnɔ.
Dɔkala
Yusufu JARA
Suleyimani
SIDIBE
Dɔkala Yusufu Jara
Conseil des ministres.
Arbitres.
Année de la Culture.
Page noire.
Sortie de promotion à l'EMIA.
Sport.
